ട്രെഷറി, സഹകരണ ബാങ്ക് നിക്ഷേപം; ബാങ്കുകളേക്കാൾ ഉയര്‍ന്ന പലിശ!

സംസ്ഥാന ട്രഷറികളെയും സഹകരണ ബാങ്കുകളെയും സ്ഥിരനിക്ഷേപത്തിനായി ആശ്രയിക്കുന്ന നിരവധി പേരുണ്ട്. ഇവ വാഗ്ദാനം ചെയ്യുന്ന ഉയര്‍ന്ന പലിശ നിരക്കുകൾ തന്നെയാണ് പ്രധാന ആകര്‍ഷണം. നേരത്തെ 8.5 ശതമാനം വരെയായിരുന്നു ട്രഷറി നിക്ഷേപത്തിന് ഉയര്‍ന്ന പലിശ എങ്കിലും ഇത് കുറച്ചിരുന്നു . 7.5 ശതമാനം പലിശയാണ് നിക്ഷേപങ്ങൾക്ക് പരമാവധി ലഭിക്കുക. 2021 ഫെബ്രുവരി മുതലാണ് പലിശ നിരക്ക് കുറച്ചത്. സഹകരണ ബാങ്കുകളിൽ 6.75 ശതമാനം വരെയാണ് ഉയര്‍ന്ന പലിശ നിരക്ക്. നേരത്തെ ഇത് 7.25 ശതമാനം വരെയായിരുന്നു

46-90 ദിവസത്തെ നിക്ഷേപം മുതൽ രണ്ടു വര്‍ഷത്തെ നിക്ഷേപം വരെ ട്രഷറിയിൽ നടത്താം. 5.40 ശതമാനം മുതൽ 7.5 ശതമാനം വരെ ഉയര്‍ന്ന പലിശ നിരക്കാണ് ലഭിക്കുക. ട്രഷറി നിക്ഷേപത്തിന് സീനിയര്‍ സിറ്റീസൺ ആനുകൂല്യം ഇല്ലെങ്കിലും താരതമ്യേന ഉയര്‍ന്ന നിരക്കാണ് നിക്ഷേപങ്ങൾക്ക് ലഭിക്കുക. ഒരു വര്‍ഷം മുതൽ രണ്ടു വര്‍ഷം വരെ 6.40 ശതമാനവും രണ്ടു വര്‍ഷത്തിനു മുകളിൽ 7.50 ശതമാനവും പലിശ ലഭിക്കും.91 മുതൽ 180 ദിവസം വരെയും 180-364 ദിവസം വരെയും നടത്തുന്ന നിക്ഷേപത്തിന് 5.90 ശതമാനം പലിശയാണ് ലഭിക്കുക

സര്‍വീസ് സഹകരണ ബാങ്കുകളിലും പൊതുമേഖലാ ബാങ്കുകളെ അപേക്ഷിച്ച് ഉയര്‍ന്ന പലിശ ലഭിക്കും.സഹകരണ ബാങ്കുകളിൽ 6.75 ശതമാനം വരെ പലിശയാണ് ലഭിക്കുക. 15-45 ദിവസങ്ങൾ മുതൽ രണ്ടു വര്‍ഷത്തിനു മുകളിലുള്ള കാലാവധിയിൽ നിക്ഷേപം നടത്താം.

4.75 ശതമാനം മുതലാണ് പലിശ. ഒരു വര്‍ഷം മുതൽ രണ്ടു വര്‍ഷം വരെയുള്ള നിക്ഷേപങ്ങൾക്ക് 6.75 ശതമാനം പലിശ ലഭിക്കും. 180-ദിവസം മുതൽ 364 ദിവസം വരെയുള്ള നിക്ഷേപങ്ങൾക്കും സഹകരണ ബാങ്കുകൾ ഉയര്‍ന്ന പലിശ നൽകും. 5.25 ശതമാനം മുതൽ 6.25 ശതമാനം വരെയാണിത്. ഹ്രസ്വകാല നിക്ഷേപത്തിന് ട്രഷറി നിരക്കുകളേക്കാൾ ആകര്‍ഷക പലിശ ലഭിക്കും