എസ്ബിഐ ഡെബിറ്റ് കാർഡുകൾക്ക് ബാധകമായ പണം പിൻവലിക്കൽ പരിധി അറിയാം

കൊച്ചി: രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) ഏഴ് തരം എടിഎം-കം-ഡെബിറ്റ് കാർഡുകൾ ആണ് ഉപഭോക്താക്കൾക്ക് വാഗ്ദാനം ചെയ്യുന്നത്. കാർഡിന്റെ വേരിയന്റ് അനുസരിച്ച് പ്രതിദിനം 20,000 മുതൽ ഒരുലക്ഷം രൂപ വരെയാണ് എടിഎമ്മിനിന്ന് പിൻവലിക്കാനാകുക. കൊറോണ വൈറസ് ലോക്ക്ഡൗണിന് പിറകെ ‌‌എസ്‌ബി‌ഐ എടിഎം പിൻവലിക്കൽ നിയമങ്ങൾ പരിഷ്കരിച്ചിരുന്നു. ഇവ ജൂലൈ 1 മുതൽ പ്രാബല്യത്തിൽ വരുകയും ചെയ്തിട്ടുണ്ട്.

എസ്ബിഐ സേവിംഗ്സ് അക്കൗണ്ട് ഉടമകൾക്ക് ഒരു മാസം 8 സൗജന്യ എടിഎം ഇടപാടുകൾ വരെ നടത്താം. ഇതിന് ശേഷമുള്ള ഓരോ ഇടപാടിനും ഉപഭോക്താക്കളിൽ നിന്ന് നിശ്ചിത നിരക്ക് ഈടാക്കും. ഇനി വിവിധ എസ്ബിഐ ഡെബിറ്റ് കാർഡുകൾക്ക് ബാധകമായ പണം പിൻവലിക്കൽ പരിധി എത്രയെന്ന് നോക്കാം.

1. എസ്‌ബി‌ഐ ക്ലാസിക്, മാസ്ട്രോ ഡെബിറ്റ് കാർഡുകൾ - 20,000 രൂപ
2. എസ്‌ബി‌ഐ ഗ്ലോബൽ ഇന്റർനാഷണൽ ഡെബിറ്റ് കാർഡ് - 40,000 രൂപ
3. എസ്‌ബി‌ഐ ഗോൾഡ് ഇന്റർനാഷണൽ ഡെബിറ്റ് കാർഡ് - 50,000 രൂപ
4. എസ്‌ബി‌ഐ പ്ലാറ്റിനം ഇന്റർനാഷണൽ ഡെബിറ്റ് കാർഡ് - 1,00,000 രൂപ
5. എസ്‌ബി‌ഐ മുംബൈ മെട്രോ കോംബോ കാർഡ് - 40,000 രൂപ
6. എസ്‌ബി‌ഐ മൈ കാർഡ് ഇന്റർനാഷണൽ ഡെബിറ്റ് കാർഡ് - 40,000 രൂപ
7. എസ്ബിഐഎൻടച്ച് ടാപ്പ് & ഗോ ഡെബിറ്റ് കാർഡ് - 40,000 രൂപ

Also Read: ജൻധൻ അക്കൗണ്ടിലേയ്ക്ക് വീണ്ടും 1,500 രൂപ? അക്കൗണ്ട് തുറക്കാം

രാജ്യത്തുടനീളമുള്ള എസ്ബിഐ എടിഎമ്മുകളിൽനിന്ന് ഇപ്പോൾ ഒറ്റത്തവണ പാസ്‌വേഡ് (ഒടിപി) ഉപയോഗിച്ച് പണം പിൻവലിക്കാനാകും. സെപ്റ്റംബർ 18 മുതൽ പുതിയ സംവിധാനം പ്രാബല്യത്തിൽ വന്നിട്ടുണ്ട്. ഒടിപി ഉപയോഗിച്ച് 10,000 രൂപവരെയാണ് പിൻവലിക്കാനാകുക. ഇതിനായി എടിഎം കൗണ്ടറിലെത്തി രജിസ്റ്റർ ചെയ്ത മൊബൈൽ നമ്പറിൽ ബാങ്ക് അയച്ച ഒടിപി നൽകേണ്ടതാണ്. ഒ‌ടി‌പി അധിഷ്ഠിത പണം പിൻവലിക്കൽ പരിധി 24 മണിക്കൂറായി ബാങ്ക് വിപുലൂകരിച്ചിട്ടുണ്ട്.

വർദ്ധിച്ചുവരുന്ന എടിഎം തട്ടിപ്പുകൾ തടയാൻ ഡെബിറ്റ് കാർഡ് ഉപയോക്താക്കൾക്കായി അടുത്തിടെ എസ്‌ബി‌ഐ വിവിധ സൗകര്യങ്ങൾ ഏർപ്പെടുത്തിയിരുന്നു. ഉപയോക്താക്കൾ ജാഗ്രത പാലിക്കണമെന്നും അഭ്യർത്ഥന ആരംഭിക്കാത്തപ്പോൾ ബാലൻസ് അന്വേഷണം അല്ലെങ്കിൽ മിനി സ്റ്റേറ്റ്മെന്റ് സംബന്ധിച്ച എസ്എംഎസ് അലേർട്ടുകൾ അവഗണിക്കരുതെന്നും ബാങ്ക് മുന്നറിയിപ്പ് നൽകിയിരുന്നു.