നിക്ഷേപത്തിന് 7.85 ശതമാനം വരെ പലിശ; ഈ പദ്ധതി അറിയാം

കൊച്ചി: സ്ഥിര നിക്ഷേപ പലിശ വ‍ര്‍ഷങ്ങൾക്കിടയിലെ ഏറ്റവും കുറഞ്ഞ നിരക്കുകളിൽ ഒന്നിൽ ആണിപ്പോൾ. നിക്ഷേപത്തിന് കൂടുതൽ പലിശ ആഗ്രഹിയ്ക്കുന്നവ‍ര്‍ക്ക് ഇതിൽ നിന്നുള്ള പലിശ ഒട്ടും ആക‍ര്‍ഷകമല്ലാതായിരിക്കുകയാണ്. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്ബിഐ 6 മാസം മുതൽ ഒരു വർഷം വരെയുള്ള നിക്ഷേപങ്ങൾക്ക് 5.80 ശതമാനം പലിശ നിരക്ക് മാത്രമാണ് നൽകുന്നത്.

ഈ അവസരത്തിൽ സ്ഥിര നിക്ഷേപങ്ങൾക്ക് 7.45 ശതമാനം മുതൽ 7.85 ശതമാനം വരെ പലിശ വാഗ്ദാനം ചെയ്യുകയാണ് സ്വകാര്യ ധനകാര്യ സ്ഥാപനമായ ബജാജ് ഫിൻസര്‍വ് . ഉറപ്പായ പലിശ നിരക്കാണ് ഇത്. ഓൺലൈനായി തന്നെ നിക്ഷേപം നടത്താൻ ആകും. മച്യൂരിറ്റി കാലാവധി, റിട്ടേൺ എന്നിവയെല്ലാം ബജാജ് ഫിൻസേ‍ര്‍വ് സൈറ്റിൽ നിന്ന് തന്നെ കണക്കാക്കി നിക്ഷേപം നടത്താം.

Also Read: പേഴ്സണൽ ലോൺ നിരസിയ്ക്കപ്പെടരുതെങ്കിൽ ഇക്കാര്യങ്ങൾ അറിഞ്ഞിരിയ്ക്കാം

മുതിർന്ന പൗരൻമാരുടെ നിക്ഷേപത്തിനാണ് 7.85 ശതമാനം വരെ പലിശ നിരക്ക് ലഭിയ്ക്കുക. എൻആർഐ ഡിപ്പോസിറ്റുകൾക്ക് 7.50 ശതമാനം വരെ പലിശ നിരക്ക് ലഭിയ്ക്കും. 12 മുതൽ 36 വരെയുള്ള മാസങ്ങളിലേക്ക് നിക്ഷേപം നടത്താം.