വീടുകള്‍ മോടി പിടിപ്പിക്കാനും വ്യക്തിഗത വായ്പ

കൊച്ചി : വീടുകള്‍ മോടി പിടിപ്പിക്കുന്നതിനും നവീകരിക്കുന്നതിനും ഒക്കെ പ്ലാന്‍ ഇട്ടിരിക്കുന്നവര്‍ക്ക് സന്തോഷിക്കാം. വായ്പ ആവശ്യമുണ്ടെങ്കില്‍ ഭവന നവീകരണത്തിനും ഇപ്പോള്‍ വായ്പകള്‍ ലഭ്യമാണ് . ഇത്തരത്തിലെ പുതിയ വ്യക്തിഗത വായ്പ അനുവദിച്ചിരിക്കുന്നത് ധനകാര്യസ്ഥാപനമായ ബജാജ് ഫിന്‍സെര്‍വാണ്.

വീട്ടിലേക്ക് പുതിയ ഫര്‍ണീച്ചറുകള്‍ വാങ്ങാനോ, വീട് പെയിന്‍റ് ചെയ്യുന്നതിനോ, ഒക്കെ വായ്പ ലഭ്യമാകും. 25 ലക്ഷം രൂപ വരെയാണ് വായ്പാ തുക. തടസ്സങ്ങളില്ലാതെ എളുപ്പത്തില്‍ ലഭ്യമാകുന്ന വായ്പാ പദ്ധതിയാണിത്. 60 മാസം വരെയാണ് വായ്പാ കാലവധി. പ്രീ ക്ലോഷര്‍ സൗകര്യം ഉണ്ടായിരിക്കും.

ഉപഭോക്താക്കള്‍ക്ക് ലളിതമായ നടപടി ക്രമങ്ങള്‍ പൂര്‍ത്തീകരിച്ചും മിനിമം രേഖകള്‍ മാത്രം സമര്‍പ്പിച്ചും അഞ്ചു മിനിറ്റിനകം ലോണിന് അനുമതി നേടാം. 24 മണിക്കൂറിനകം തന്നെ വായ്പ ലഭിക്കും. താരതമ്യേന കുറഞ്ഞ പലിശ നിരക്കാണ് വായ്പയ്ക്ക് ഏ‍ര്‍പ്പെടുത്തിയിരിക്കുന്നത് എന്ന് കമ്പനി അധികൃതര്‍ അറിയിച്ചു.