ഭാരത് ബോണ്ട് ഇടിഎഫ് രണ്ടാം ഭാഗം ഇന്നു മുതൽ; എന്താണ് പദ്ധതി എന്നറിയാം

കൊച്ചി: ഭാരത് ബോണ്ട് രണ്ടാം ഭാഗം ഇന്നു മുതൽ ആരംഭിയ്ക്കും. വെള്ളിയാഴ്ച ആകും ന്യൂ ഫണ്ട് ഓഫര്‍ സമാപിയ്ക്കുക. കഴിഞ്ഞ വര്‍ഷം ഡിസംബറിലാണ് ഫണ്ടിൻെറ ആദ്യ ഭാഗം പ്രഖ്യാപിച്ചത്. 12,000 കോടി രൂപയോളം സമാഹരിച്ച ഫണ്ടിന് 1.7 മടങ്ങോളം അധിക സബ്സ്ക്രിപ്ഷൻ ലഭിച്ചിരുന്നു.

ഏഡൽവെയ്സ് എഎംസിയ്ക്കാണ്ട് ഫണ്ട് നടത്തിപ്പിൻെറ ചുമതല. പൊതുമേഖലാ കമ്പനികളുടെ ഉയര്‍ന്ന റേറ്റിങ് ഉള്ള കടപ്പത്രങ്ങളിൽ ആണ് ഫണ്ടിന് കീഴിൽ നിക്ഷേപം. ഇടിഎഫുകൾക്കിടയിൽ ഏറെ സ്വീകാര്യതയുള്ള ഒരു ഫണ്ടാണിത്.

Also Read: സ്ഥിര നിക്ഷേപത്തിന് 8.5 ശതമാനം പലിശയും സുരക്ഷിതത്വവും; ഇനി ബാങ്ക് നിക്ഷേപം മറന്നേക്കൂ

നിശ്ചിത കാലാവധിയിൽ ആയിരിക്കും ഫണ്ടിനു കീഴിൽ നിക്ഷേപം നടത്തേണ്ടത്. ഫണ്ടിൻെറ രണ്ടാം ഭാഗം അനുസരിച്ച് നിക്ഷേപത്തിന് രണ്ട് ഓപ്ഷനുകൾ ആണുള്ളത്. 1) പത്തു വര്‍ഷത്തെ ഇടിഎഫ് ആണ്. ഏപ്രിൽ 2031 ആണ് ഫണ്ടിൻെറ മെച്യൂരിറ്റി കാലാവധി.2) ഏപ്രിൽ 2025 വരെ അഞ്ചു വര്‍ഷ കാലയളിവിൽ നിക്ഷേപം നടത്താവുന്ന മറ്റൊരു പദ്ധതിയും ഉണ്ട്.

Also Read: പണത്തിന് അത്യാവശ്യം വന്നോ; 10 മിനിറ്റിനുള്ളിൽ 50 ലക്ഷം രൂപ വരെ ലോൺ

3,000 കോടി രൂപയാണ് കുറഞ്ഞ ഫണ്ട് സൈസ് എങ്കിലും ഇത് 14,000 കോടി രൂപ വരെയായി ഉയര്‍ത്താൻ ആകും. കേന്ദ്ര പൊതുമേഖലാ സ്ഥാപനങ്ങളുടെ വിപുലീകരണ പ്രവര്‍ത്തനങ്ങൾക്കായിട്ടാകും ഫണ്ട് വിനിയോഗിയ്ക്കുക.

25 ശതമാനം റീട്ടെയ്ൽ നിക്ഷേപകര്‍ക്കുള്ളതാണ്,75 ശതമാനം റിട്ടയര്‍മെൻറ് ഫണ്ടുകൾക്കും ഇൻസ്റ്റിറ്റ്യൂഷണൽ നിക്ഷേപകര്‍ക്കും ഒക്കെ ഉള്ളതാണ്. ഇവ സ്റ്റോക്ക് എക്സ്ചേഞ്ചിൽ ലിസ്റ്റ് ചെയ്യും.ഫണ്ടിൻെറ യൂണിറ്റുകൾ നിക്ഷേപകര്‍ക്ക് ഫണ്ട് ഹൗസിൽ നിന്ന് നേരിട്ട് വാങ്ങാം. ഏറ്റവും കുറഞ്ഞ റീട്ടെയ്ൽ നിക്ഷേപം 1,001 രൂപയാണ്.