ഇനി മാരുതി കാർ വാങ്ങാം എളുപ്പത്തിൽ; പുതിയ ഇഎംഐ ഓഫറുമായി കമ്പനി

മുംബൈ: മാരുതി കാർ വാങ്ങാൻ ഇനികൂടുതൽ എളുപ്പം. പുതിയ ഇഎംഐ പദ്ധതി അവതരിപ്പിച്ചിരിയ്ക്കുകയാണ് കമ്പനി. ഏപ്രിലിൽ ഒരു കാറു പോലും വിൽക്കാനാകാതിരുന്ന കാ‍ര്‍ കമ്പനികൾ ലോക്ക് ഡൗൺ ഇളവുകൾ ലഭിച്ചതോടെ കാ‍ര്‍ വിൽപ്പന പുനരാരംഭിച്ചിത്. രാജ്യത്തെ ഏറ്റവും വലിയ കാ‍ര്‍ നി‍ര്‍മാതാക്കളായ മാരുതി സുസുക്കി ഇതിനായി പ്രത്യേക ഇഎംഐ പദ്ധതി പ്രഖ്യാപിച്ചു.

ചോളമണ്ഡലം ഇൻവെസ്റ്റ്മെൻറ് ആൻഡ് ഫിനാൻസ് കമ്പനിയുമായി ചേര്‍ന്നാണ് കമ്പനി പുതിയ ലോൺ പദ്ധതി അവതരിപ്പിയ്ക്കുന്നത്. ചെന്നൈ കേന്ദ്രീകരിച്ച് പ്രവർത്തിയ്ക്കുന്ന ബാങ്ക് ഇതര ധനകാര്യ സ്ഥാപനമാണ് ഇത്. 'ബൈ നൗ പേ ലേറ്റ‍ര്‍' എന്ന പ്രത്യേക വായ്പാ പദ്ധതിയാണ് ഇതിനായി അവതരിപ്പിച്ചിരിയ്ക്കുന്നത്. കാ‍ര്‍ വാങ്ങി രണ്ടു മാസം കഴിയുമ്പോൾ മുതൽ തിരിച്ചടവ് മതി എന്നതാണ് സവിശേഷത. ലോൺ ലഭ്യമായി രണ്ടു മാസത്തിന് ശേഷം മാത്രമേ ഇഎംഐ തുടങ്ങുകയുള്ളൂ.

Also Read: ഓർഡർ ചെയ്യൂ, കാർ നിങ്ങളുടെ വീട്ടുപടിക്കലെത്തും; ഹോം ഡെലിവറിയുമായി മാരുതി സുസൂക്കി

കൊറോണക്കാലത്തെ കാർ വിൽപ്പന പരമാവധി ഉയർത്തുകയാണ് ലക്ഷ്യം. മാരുതി സുസുക്കിയുടെ 3,086 കാ‍ര്‍ റീട്ടെയ്ൽ ഔട്ട്ലെറ്റുകളിൽ വായ്പാ സൗകര്യം ലഭ്യമാണ്. 1964 നഗരങ്ങളിലും സാന്നിധ്യമുണ്ട്. ചോളമണ്ഡലം ഇൻവെസ്റ്റ് മെൻറ് കമ്പനിയുടെ ശാഖകളിലും ലോൺ ലഭിയ്ക്കും. വായ്പ പദ്ധതി മാരുതിയുടെ കാർ വിൽപ്പന ഉയർത്താൻ സഹായകരമാകും എന്നാണ് കരുതുന്നത്.

ലോക്ക് ഡൗണിനിടെ ഓൺലൈൻ ബുക്കിങ്ങ് സൗകര്യവും കമ്പനി പുതിയതായി അവതരിപ്പിച്ചിരുന്നു. കമ്പനിയുടെ വെബ്സൈറ്റ് വഴി വാഹനം ബുക്ക് ചെയ്യാം.വാ ഹനങ്ങൾ ഹോം ഡെലിവറിയായി ഉപയോക്താക്കളുടെ വീടുകളിൽ എത്തിയ്ക്കും.