വ്യക്തിഗത വായ്പകൾക്ക് ഏറ്റവും കുറഞ്ഞ പലിശ ഈടാക്കുന്ന ബാങ്കുകൾ

യൂണിയൻ ബാങ്കും സെൻട്രൽ ബാങ്കുമാണ് വ്യക്തിഗത വായ്പകൾക്ക് ഏറ്റവും കുറവ് പലിശ ഈടാക്കുന്ന രണ്ട് ബാങ്കുകൾ. റിപ്പോര്‍ട്ടുകൾ പ്രകാരം 8.9 ശതമാനമാണ് പലിശ നരക്ക്. സെൻ‍ട്രൽ ബാങ്കിൻെറ സെൻറ് വ്യക്തിഗത ലോണിന് കീഴിൽ 19 ലക്ഷം രൂപ വരെയാണ് ലഭിക്കുക. ഈ പേഴ്സണൽ ലോണിന് 9.85 ശതമാനം പലിശ ഈടാക്കും. 500 രൂപ പ്രോസസിങ് ചാര്‍ജായി ഈടാക്കും.

സര്‍ക്കാര്‍ കമ്പനികളിലെയും സ്വകാര്യ കമ്പനികളിലെയും സ്ഥിരം ജീവനക്കാര്‍ക്ക് ലോൺ ലഭ്യമാകും. യൂണിയൻ ബാങ്ക് രണ്ടു തരം വ്യക്തിഗത വായ്പകളാണ് ഉപഭോക്താക്കൾക്ക് നൽകുന്നത്. ആദ്യ വിഭാഗത്തിൽ അഞ്ച് ലക്ഷം രൂപയും പിന്നീടുള്ള വിഭാഗത്തിൽ പരമാവധി 15 ലക്ഷം രൂപയും ലോൺ ലഭിക്കും. കുറഞ്ഞത് 15,000 രൂപ പ്രതിമാസ ശമ്പളം ഉണ്ടായിരിക്കണം. മെട്രോ നഗരങ്ങളിൽ ഇത് 20,000 രൂപ വരെയാണ്.

പഞ്ചാബ് നാഷണൽ ബാങ്കും ഉപഭോക്താക്കൾക്ക് ഒൻപത് ശതമാനത്തിൽ താഴെ പലിശ നിരക്കിൽ ലോൺ നൽകുന്നുണ്ട്. പഞ്ചാബ് നാഷണൽ ബാങ്ക് വിവിധ തരം വ്യക്തിഗത വായ്പകൾ ഉപഭോക്താക്കൾക്ക് നൽകുന്നുണ്ട്. ഡോക്ടര്‍മാര്‍ക്കും പെൻഷണര്‍മാര്‍ക്കും, സാധാരണ ജനങ്ങൾക്കും ഒക്കെ വ്യത്യസ്ത വായ്പാ പദ്ധതികളാണ് ബാങ്ക് അവതരിപ്പിക്കുന്നത്. എന്ത് ആവശ്യത്തിനായും വ്യക്തിഗത വായ്പാ തുക ഉപയോഗിക്കാം. പൊതുജനങ്ങൾക്ക് പരമാവധി 10 ലക്ഷം രൂപ വരെയാണ് ലോൺ ലഭിക്കുക. കമ്പനി ജീവനക്കാര്‍ക്ക് സര്‍വീസ് മാനദണ്ഡങ്ങൾ ബാധകമാണ്. 8.95 ശതമാനം മുതലാണ് വായ്പാ പലിശ ഈടാക്കുന്നത് .