പിഎഫ്, സുകന്യ സമൃദ്ധി നിക്ഷേപങ്ങളുടെ നിയമങ്ങളിൽ മാറ്റം

കൊച്ചി: പബ്ലിക് പ്രൊവിഡൻറ് ഫണ്ട്, സുകന്യ സമൃദ്ധി തുടങ്ങി ചെറുകിട സമ്പാദ്യ പദ്ധതികളിൽ നിക്ഷേപം ഉണ്ടോ? കൊറോണ പ്രതിസന്ധിയെ തുട‍ര്‍ന്ന് ചെറുകിട സമ്പാദ്യ പദ്ധതികളുടെ നിയമങ്ങളിൽ കേന്ദ്ര സ‍ര്‍ക്കാര്‍ ഇളവ് വരുത്തിയിട്ടുണ്ട്. പബ്ലിക്, പ്രൊവിഡൻറ് ഫണ്ട്, സുകന്യ സമൃദ്ധി ഉൾപ്പെടെയുള്ള പദ്ധതികൾക്ക് ഇളവുകൾ ബാധകമാണ്.

2019-20 സാമ്പത്തിക വർഷം വിവിധ നിക്ഷേപ പദ്ധതികളിൽ നടത്തേണ്ട കുറഞ്ഞ നിക്ഷേപം നടത്തിയിട്ടില്ലെങ്കിൽ പിഴ ഈടാക്കില്ല. 2020 ജൂൺ 30 വരെ ഇളവുകൾ ലഭ്യമാകും. ധമനമന്ത്രാലയത്തിൻറേതാണ് തീരുമാനം. വരിക്കാ‍ര്‍ അവരുടെ അക്കൗണ്ടുകളിൽ 2019-20 സാമ്പത്തിക വ‍‍ര്‍ഷത്തിലും 2020-21 സാമ്പത്തിക വ‍ര്‍ഷത്തിലും വേവ്വേറെ നിക്ഷേപം നടത്തണം.

Also Read: വ്യക്തിഗത വായ്പയ്ക്ക് അപേക്ഷിച്ചിരുന്നോ? നിലവിലെ സ്റ്റാറ്റസ് എന്താണെന്ന് അറിയാം

പബ്ലിക് പ്രൊവിഡൻറ് ഫണ്ടുകളിൽ ഒരു സാമ്പത്തിക വർഷം നടത്തേണ്ട ഏറ്റവും കുറഞ്ഞ നിക്ഷേപം 500 രൂപയാണ്. മിനിമം ഡിപ്പോസിറ്റ് നിലനിർത്തിയില്ലെങ്കിൽ 50 രൂപ വീതമാണ് പിഴ. പോസ്റ്റ് ഓഫീസ് റെക്കറിങ് ഡെപ്പോസിറ്റ് മുടങ്ങിയാൽ ഓരോ 100 രൂപയ്ക്കും ഒരു രൂപ വീതമാണ് പിഴ.
റെക്കറിങ് ഡിപ്പോസിറ്റിൽ 1000 രൂപയാണ് പ്രതിമാസ നിക്ഷേപമെങ്കിൽ നിക്ഷേപം മുടങ്ങിയാൽ 100 രൂപയാണ് പിഴ നൽകേണ്ടത്.