മോറട്ടോറിയം അവസാനിച്ചു; സാമ്പത്തിക പ്രതിസന്ധി മറികടക്കാൻ വായ്പകൾ പുനക്രമീകരിയ്ക്കണ്ടത് എങ്ങനെ?

കൊച്ചി: കൊറോണ പ്രതിസന്ധിയെ തുടര്‍ന്ന് സര്‍ക്കാര്‍ രണ്ടു ഘട്ടങ്ങളായി പ്രഖ്യാപിച്ച വായ്പാ മോറട്ടോറിയം ആഗസ്റ്റ് 1 മുതൽ അവസാനിച്ചു. മോറട്ടോറിയം നീട്ടിയേക്കും എന്ന് അഭ്യൂഹങ്ങൾ ഉണ്ടായിരുന്നെങ്കിലും ഇതിന് തുനിയാതെ വായ്പകൾ പുനക്രമീകരിയ്ക്കാൻ ബാങ്കുകൾക്ക് അവസരം നൽകുകയാണ് കേന്ദ്ര ബാങ്ക് ചെയ്തത്.

ഒരു തരത്തിൽ മോറട്ടോറിയത്തേക്കാൾ കൊറോണ സാമ്പത്തിക പ്രതിസന്ധി മറികടക്കാൻ വായ്പാ പുനക്രമീകരണം തന്നെയാണ് കൂടുതൽ ഫലപ്രദമാവുക. മോറട്ടോറിയം കാലാവധി കഴിയുമ്പോൾ അടയ്ക്കാനുള്ള തുകയും പലിശയും ചേര്‍ത്ത് തിരിച്ചടയ്ക്കണ്ടതായി വരുന്നത് ഇടപാടുകാര്‍ക്ക് അധിക ഭാരം ആകും എന്നതിനാൽ ആണിത്.

സാമ്പത്തിക പ്രതിസന്ധി മൂലം അടയ്ക്കാനാകാത്ത വ്യക്തിഗത വായ്പകളുടെ ഇഎംഐ പോലും പുനക്രമീകരിയ്ക്കാൻ ബാങ്കുകൾക്കാകും. അതുകൊണ്ട് ലോൺ റീസ്ട്രക്ചര്‍ ചെയ്യുന്നത് തന്നെയാണ് പലിശ ഭാരം ലഘൂകരിയ്ക്കാൻ സഹായകരമാകുന്നത്.

Also Read: സേവിങ്സ് നിക്ഷേപങ്ങളേക്കാൾ ആദായകരം സ്ഥിരനിക്ഷേപമാണ്; കാരണം ഇതാണ്

ലോണുകളുടെ ദൈര്‍ഘ്യവും ഇടപാടുകാരുടെ ആവശ്യങ്ങളും മുൻനിര്‍ത്തി വായ്പകൾ പുനക്രമീകരിച്ചാൽ വായ്പപാ കാലാവധി കൂട്ടിക്കിട്ടും എന്നതാണ് ഉപഭോക്കാക്കൾക്കുള്ള മെച്ചം. വായ്പാ കാലാവധി ദൈര്‍ഘിപ്പിയ്ക്കുന്നതിനാൽ പ്രതിമാസ തിരിച്ചടവ് തുക കുറയും.

വന വായ്പ, വാഹന വായ്പ, കോര്‍പ്പറേറ്റ് ലോൺ, വിദ്യാഭ്യസ വായ്പകൾ തുടങ്ങിയവയും ഇങ്ങനെ പുനക്രമീകരിയ്ക്കാം. ഇതിന് ബാങ്കുകളെ സമീപിയ്ക്കുകയാണ് വേണ്ടത്. ഇങ്ങനെ പുനക്രമീകരിച്ച വായ്പകൾ മറ്റൊരു വായ്പയായി ആണ് പരിഗണിയ്ക്കുക എന്നത് ശ്രദ്ധേയമാണ്.