വ്യാപാരികൾക്ക് പ്രത്യേക ഗ്രൂപ്പ് സഹായ പദ്ധതിയുമായി കെഎസ്എഫ്ഇ

കൊച്ചി: കൊറോണക്കാലത്ത് വ്യാപാരികൾക്കായി പ്രത്യേക സഹായ പദ്ധതി തന്നെ അവതരിപ്പിയ്ക്കാൻ ഒരുങ്ങുകയാണ് കെഎസ്എഫ്ഇ. ഡിവിഡൻഡ് ചിട്ടിയ്ക്ക് സമാനമായ ഒരു ഗ്രൂപ്പ് ഫൈനാൻസിങ് പദ്ധതിയാണ് കെഎസ്എഫ്ഇ വ്യാപാരികൾക്കായി അവതരിപ്പിയ്ക്കുന്നത്. ക്ലസ്റ്റര്‍ അടിസ്ഥാനത്തിൽ ഗ്രൂപ്പ് ആയി ചിട്ടിയിൽ അംഗമാകാവുന്ന പദ്ധതിയാണിത്. 20 പേര്‍ക്ക് വീതം പദ്ധതിയിൽ അംഗമാകാം.നിശ്ചിത തുക ഗ്രൂപ്പിൽ ഉള്ള എല്ലാവരും അടയ്ക്കണം.

രണ്ടു വര്‍ഷമാണ് ചിട്ടിയുടെ കാലാവധി. ചിട്ടിയിൽ അംഗമായി കഴിഞ്ഞാൽ നാലു മാസം കൃത്യമായ തിരിച്ചടവു നടത്തണം. ഇതിനു ശേഷം പണം മുഴുവൻ പിൻവലിയ്ക്കാൻ ആകും എന്നതാണ് സവിശേഷത. ഒരു ക്ലസ്റ്ററിൽ നിന്ന് 20 പേര്‍ക്ക് പദ്ധതിയിൽ അംഗമാകാനാകും. അവസാനം തുക പിൻവലിയ്ക്കുന്നവര്‍ക്ക് തന്നെയാകും കൂടുതൽ തുക ലഭിയ്ക്കുക.

Also Read: ഇനി ഫോൺ വിളികൾക്ക് ചെലവേറും; വരുന്നു മൊബൈൽ കോളുകൾക്ക് നിരക്കു വര്‍ധന

ഓൺലൈനായി കെഎസ്എഫ്ഇ ഇടപാടുകൾ ഇപ്പോൾ നടത്താം. എസ്ബിഐ, ഫെഡറൽ ബാങ്ക് തുടങ്ങിയ പ്രമുഖ ധനകാര്യസ്ഥാനങ്ങളുടെ ഇടപാടുകാര്‍ക്ക് ഓൺലൈനായി ചിട്ടിത്തുക അടയ്ക്കാനാകും.
ടോപ് അപ്പ് ഗോൾഡ് ലോൺ ഉൾപ്പെടെയുള്ള മറ്റു പദ്ധതികളും ലഭ്യമാണ്.