ലോക്ക്ഡൗൺ; സുകന്യ സമൃദ്ധി യോജന അക്കൗണ്ട് തുറക്കാൻ കൂടുതൽ ഇളവുകൾ

കൊച്ചി: ചെറുകിട നിക്ഷേപ പദ്ധതികളിൽ മികച്ച പലിശ നിരക്ക് വാഗ്ദാനം ചെയ്യുന്ന സുകന്യ സമൃദ്ധി യോജനയിൽ നിക്ഷേപം നടത്താൻ കൂടുതൽ ഇളവുകൾ പ്രഖ്യാപിച്ചിരിയ്ക്കുകയാണ് കേന്ദ്ര സര്‍ക്കാര്‍. . 2020 മാർച്ച് 25 മുതൽ 2020 ജൂൺ 30 വരെയുള്ള കാലയളവിൽ 10 വയസ്സ് തികഞ്ഞ പെൺമക്കളുടെ രക്ഷക‍ര്‍ത്താക്കൾക്കും ഇപ്പോൾ നിക്ഷേപം നടത്താം. 2020 ജൂലൈ 31നകം അക്കൗണ്ട് തുറക്കണം.

ലോക്ക് ഡൗൺ കാലയളവിൽ 10 വയസ്സ് പൂര്‍ത്തിയായ പെൺകുട്ടികളുടെ മാതാപിതാക്കൾക്ക് പുതിയ ഇളവ് സഹായകരമാകും. പെൺമക്കളുള്ള മാതാപിതാക്കൾക്കിടയിൽ ഏറെ പ്രചാരത്തിലുള്ള കേന്ദ്രസർക്കാരിന്റെ ദീർഘകാല നിക്ഷേപ പദ്ധതികളിലൊന്നാണ് സുകന്യ സമൃദ്ധി യോജന (എസ്‌എസ്‌വൈ).

Also Read: സുകന്യ സമൃദ്ധി യോജന പദ്ധതി നിയമങ്ങളില്‍ മാറ്റം; എന്തൊക്കെയെന്ന് അറിഞ്ഞിരിക്കാം

പെൺകുട്ടികൾക്ക് മാത്രമായുള്ള സർക്കാരിന്റെ ഒരു ചെറുകിട നിക്ഷേപ പദ്ധതിയാണിത്. കേന്ദ്ര സർക്കാരിന്റെ 'ബേട്ടി ബച്ചാവോ, ബേട്ടി പാഠാവോ' എന്ന പദ്ധതിയുടെ ഭാഗമായാണ് സുകന്യ സമൃദ്ധി ആരംഭിച്ചത്. വിദ്യാഭ്യാസ, വിവാഹ ചെലവുകൾക്കായി പണം സ്വരൂപിക്കാൻ ഈ പദ്ധതിയിലൂടെ പെൺകുട്ടികളുടെമാതാപിതാക്കള്‍ക്ക് സാധിക്കും. താരതമ്യേന ഉയര്‍ന്ന 7.6 ശതമാനം പലിശ നിരക്കാണ് നിക്ഷേപങ്ങൾക്ക് ലഭിയ്ക്കുക