ക്യാഷ്‍ലെസ് ചികിത്സ ലഭിയ്ക്കുന്നത് എവിടൊക്കെ?
ക്യാഷ്‍ലെസ് ചികിത്സ ലഭിയ്ക്കുന്നത് എവിടൊക്കെ എന്നറിഞ്ഞിരിയ്ക്കുന്നത് ചികിത്സാകാലയളവിൽ കൈയിൽ നിന്ന് പണം നഷ്ടമാകുന്നത് തടയും. ഇൻഷുറൻസ് കമ്പനികളുമായി ധാരണയിൽ എത്തിയിരിക്കുന്ന ആശുപത്രികളിൽ മാത്രമാണ് ഇൻഷുറൻസ് ഉടമകൾക്ക് കൊവിഡിനും ക്യാഷ്‍ലെസ് ചികിത്സ ലഭിയ്ക്കൂ.
Also Read: ലാഭകരമായി വീടു വാങ്ങാനും വേണം ആസൂത്രണം
കൊവിഡ് ഇൻഷുറൻസ് എടുത്തിട്ടുള്ളവര്‍ക്ക് ആക്സിഡൻറ് കവര്‍, ആംബുലൻസ് കവര്‍ തുടങ്ങിയ അധിക സേവനങ്ങൾ കമ്പനികൾ നൽകുന്നുണ്ട്. ഇത്തരം സേവനങ്ങൾ എന്തൊക്കെയാണ് എന്നും അറിഞ്ഞിരിയ്ക്കാം.
സംരക്ഷണം എന്തിനൊക്കെ ലഭിയ്ക്കും?
കൊവിഡ് ഇൻഷുറൻസ് പോളിസി അല്ലെങ്കിൽ കൊവിഡിന് സംരക്ഷണം ലഭിയ്ക്കുന്ന ആരോഗ്യ ഇൻഷുറനസ് വാങ്ങും മുമ്പ് പോളിസി നിബന്ധനകൾ കൃത്യമായി വായിച്ച് മനസിലാക്കിയിരിക്കണം. കൊവിഡ് 19-ഉം ആയി ബന്ധപ്പെട്ട എല്ലാ ചെലവുകൾക്കും പരിരക്ഷ ഉണ്ടെന്ന് ഉറപ്പാക്കാം. ആശുപത്രി ചെലവുകൾ, എഫ് ആൻഡ് ബി, കൺസ്യൂമബ്ൾസ്, റൂം വാടക എന്നിവ എല്ലാം ഇതിൽ ഉൾപ്പെടും എന്ന് ഉറപ്പാക്കാം. . എന്തിനൊക്കെയാണ് ആനുകൂല്യം ലഭിയ്ക്കാത്തത് എന്നും നേരത്തെ മനസിലാക്കിയിരിക്കണം. ക്ലെയിം സെറ്റിൽമെൻറ് നടപടികൾ വേഗത്തിൽ പൂര്‍ത്തിയാക്കാൻ കഴിയുമോ എന്നതും അറിഞ്ഞിരിയ്ക്കാം .