സ്ഥിര നിക്ഷേപങ്ങൾക്ക് സുരക്ഷിതത്വത്തിനൊപ്പം 7.35 ശതമാനം റിട്ടേൺ വാഗ്ദാനം ചെയ്ത് ഇടി മണി നിക്ഷേപ പദ്ധതി

കൊച്ചി: സ്ഥിരനിക്ഷേപങ്ങൾക്ക് ബാങ്ക് പലിശ കുറയുമ്പോൾ 7.35 ശതമാനം റിട്ടേൺ വാഗ്ദാനം ചെയ്യുന്ന പദ്ധതി ഇടി മണി അവതരിപ്പിച്ചു. ബജാജ് ഫിനാൻസുമായി ചേര്‍ന്നാണ് കമ്പനി പുതിയ എഫ്‍ഡി പദ്ധതി അവതരിപ്പിച്ചത്. കൊറോണക്കാലത്ത് തികച്ചും കടലാസു രഹിതമായി മിനിറ്റുകൾക്കുള്ളിൽ തന്നെ സ്ഥിര നിക്ഷേപം നടത്താനാകും.

2 മാസം മുതൽ 60 മാസം വരെയുള്ള കാലാവധിയിൽ നിക്ഷേപം നടത്താം. പലിശ നിരക്ക് ലഭിയ്ക്കുന്നതിൽ ഫ്ലെക്സിബിൾ ഓപ്ഷൻ ലഭ്യമാണ്.മുതിര്‍ന്ന പൗരൻമാര്‍ക്ക് ഉയര്‍ന്ന പലിശ നിരക്ക് ലഭ്യമാണ്. ഓൺലൈനിലൂടെ തന്നെ നിക്ഷേപം നടത്താം.

Also Read: ബാങ്ക് ലോൺ അടയ്ക്കാൻ നിവൃത്തിയില്ലേ? ലോൺ കാലാവധി ബാങ്കുകൾക്ക് തീരുമാനിയ്ക്കാം

സുരക്ഷിത നിക്ഷേപം എന്ന നിലയിൽ മറ്റ് ഇൻവെസ്റ്റ്മെൻറ് ഓപ്ഷനുകളേക്കാൾ സ്ഥിര നിക്ഷേപങ്ങൾ തെരഞ്ഞെടുക്കുന്നവര്‍ക്ക് സഹായകരമായി ആണ് പുതിയ പദ്ധതി അവതരിപ്പിച്ചിരിയ്ക്കുന്നത് എന്നും പണപ്പെരുപ്പത്തിൻെറ സമയത്ത്, ഇടി മണി എഫ്‍ഡി ഇടപാടുകാര്‍ക്ക് പരമാവധി നേട്ടം നൽകുമെന്നും കമ്പനി സ്ഥാപകനും സിഇഒയുമായ മുകേഷ് കൽറ വ്യക്തമാക്കി. നിക്ഷേപത്തിന് കമ്പനി സുരക്ഷിതത്വം വാഗ്ദാനം ചെയ്യുന്നുണ്ട്.

ബാങ്ക് സ്ഥിരനിക്ഷേപങ്ങളേക്കാൾ താരതമ്യേന ഉയര്‍ന്ന നിരക്കാണ് ഇടി നിക്ഷേപ പദ്ധതി നൽകുന്നത്. ധനകാര്യ സേവനങ്ങൾ നൽകുന്ന ഇന്ത്യയിലെ തന്നെ ഏറ്റവും വലിയ ആപ്പാണ് ഇടി മണി. ആപ്പിലൂടെ കമ്മീഷൻ ഇല്ലാതെ തന്നെ ഉപഭോക്താക്കൾക്ക് നേരിട്ട് നിക്ഷേപം നടത്താം.