പ്രളയ ഭീതിയിൽ ആളുകൾ തോണി വാങ്ങികൂട്ടുന്നു; പൊടി പൊടിച്ച് ഈ ബിസിനസ്

കൊച്ചി: പ്രതിസന്ധി ഘട്ടങ്ങളിൽ അവസരങ്ങൾ കണ്ടെത്തിയാലോ? ജീവിത വിജയത്തിന് മാത്രമല്ല സാമ്പത്തിക വിജയത്തിനും ഇത് സഹായകരമാണ്. 2018-ലെ പ്രളയത്തിന് ശേഷം കേരളത്തിൽ ഫൈബർ വഞ്ചികളുടെയും ചെറുതോണികളുടെയും ഒക്കെ വിൽപ്പന ഉയർന്നിട്ടുണ്ട്. പ്രളയ സാധ്യത മുൻകൂട്ടിക്കണ്ട് ഈ രംഗത്ത് പ്രവർത്തിയ്ക്കുന്ന സമുദ്ര ഷിപ്പ്‍യാ‍ര്‍ഡ് ഉൾപ്പെടെയുള്ള കമ്പനികളുടെ വിൽപ്പന കുതിച്ചുയരുകയാണ്

അരൂരിൽ ആണ് ഫൈബര്‍ വഞ്ചികളുടെ ഉത്പാദന രംഗത്തുള്ള കമ്പനി പ്രവർത്തിയ്ക്കുന്നത്. ശരാശരി
അഞ്ചു ചെറു തോണികൾ വരെ ഇവിടെ ഒരു ദിവസം വിൽപ്പന നടക്കുന്നുണ്ടെന്നാണ് റിപ്പോ‍ര്‍ട്ടുകൾ. 2018-ലെ പ്രളയത്തിനു ശേഷമാണ് ഫൈബ‍ര്‍ വഞ്ചികളുടെ വിൽപ്പന കുതിച്ചുയര്‍ന്നത്.

Also Read: കൊറോണക്കാലത്ത് ലാഭം കൊയ്ത് ഈ ബിസിനസുകൾ

പ്രതിമാസം 150 വഞ്ചികളോളം ഇപ്പോൾ വിറ്റഴിയ്ക്കുന്നുണ്ട്. വലുപ്പമനുസരിച്ച് 25,000 രൂപ മുതൽ 55,000 രൂപ വരെയാണ് വഞ്ചികളുടെ വില. പുഴകളുടെ തീരങ്ങളിൽ താമസിയ്ക്കുന്നവരാണ് ഉപഭോക്താക്കളിൽ അധികവും. എന്തായാലും ഫൈബർ വഞ്ചികൾ, സോളാർ ബോട്ടുകൾ എന്നിവയുടെ എല്ലാം വിൽപ്പന കുതിയ്ക്കുകയാണ്.