ബാങ്കിങ് ക്രെഡിറ്റ് കാർഡ് നിരക്കുകൾ കുത്തനെ വർധിപ്പിക്കുന്നു; ശ്രദ്ധിക്കേണ്ട കാര്യങ്ങൾ

പുതുക്കിയ നിരക്ക് പ്രകാരം, 2022 ഫെബ്രുവരി 10 മുതൽ ഐസിഐസിഐ ബാങ്ക് ക്രെഡിറ്റ് കാർഡ് ഉപഭോക്താക്കൾക്ക് ക്യാഷ് അഡ്വാൻസിൽ ഒരു ട്രാൻസാക്ഷൻ ചാർജ് നൽകേണ്ടി വരും. കുറഞ്ഞത് 500 രൂപയ്ക്ക് വിധേയമായ എല്ലാ കാർഡുകളിലെയും അഡ്വാൻസ്ഡ് തുകകളിൽ 2.50% ആയാണ് പുതുക്കിയിരിക്കുന്നത്. ചെക്ക് റിട്ടേൺ ആണെങ്കിൽ, ബാങ്ക് കുടിശ്ശികയുള്ള മൊത്തം തുകയുടെ 2% ഈ 500 രൂപയിൽ നിന്നും ഈടാക്കും.

ക്രഡിറ്റ് കാർഡ് ഉപയോഗിച്ച് പണം പിൻവലിക്കാനുള്ള ഒരു സൗകര്യമാണ് ക്യാഷ് അഡ്വാൻസ്. കച്ചവട സ്ഥാപനങ്ങളിലെ ഇടപാടുകളിൽ നിന്നും വ്യത്യസ്ഥമായി പണം പിൻവലിക്കലുകളുടെ പലിശ നിരക്ക് ആദ്യ ദിവസം മുതൽ തുടങ്ങുന്നു. അന്താരാഷ്‌ട്ര യാത്രയ്‌ക്കിടെ, വിദേശനാണ്യം പിൻവലിക്കുന്നതിന് അധിക ഇടപാട് ഫീസ് ഈടാക്കാം. ഇത് ചെലവേറിയ ഒന്നായതിനാൽ അടിയന്തര സാഹചര്യങ്ങളിലൊഴികെ പണം പിൻവലിക്കുന്നത് ഒഴിവാക്കുന്നതാണ് നല്ലത്. അതിന് പുറമെ, അഡ്വാൻസായി ചെറിയ തുക വീതം പിൻവലിക്കുന്നത് വലിയ തുക ഫീസ് ഇനത്തിൽ നഷ്ടമാകാൻ കാരണമാകും.

പ്രീമിയം ലൈഫ്സ്റ്റൈൽ കാർഡായ ഐസിഐസിഐ ബാങ്ക് എമറാൾഡ് ക്രെഡിറ്റ് കാർഡ് ഒഴികെയുള്ള എല്ലാ ക്രെഡിറ്റ് കാർഡുകളുടെയും പണം അടയ്ക്കുന്നത് വൈകിയാൽ ഈടാക്കുന്ന തുകയിലും ബാങ്ക് പുതുക്കിയിട്ടുണ്ട്. അടയ്‌ക്കേണ്ട മൊത്തം തുകയ്‌ക്കനുസരിച്ച് പണം അടയ്ക്കുന്നത് വൈകിയാൽ ഈടാക്കുന്ന നിരക്കുകൾ വ്യത്യാസപ്പെടും. ആകെ കുടിശ്ശിക തുക 100 രൂപയിൽ താഴെയാണെങ്കിൽ, ബാങ്ക് ഉപഭോക്താവിൽ നിന്നും നിരക്ക് ഈടാക്കില്ല. അതേസമയം, ഉയർന്ന തുകകൾക്ക് നിശ്ചിത തുക കൂടുന്നതിനനുസരിച്ച് ചാർജുകൾ വർദ്ധിച്ചുകൊണ്ടിരിക്കുന്നു. 50,000 രൂപയിൽ കൂടുതലുള്ള തുകയ്ക്ക് 1,200 രൂപയാണ് ബാങ്ക് ഈടാക്കുന്ന ഏറ്റവും ഉയർന്ന തുക.

ആകെ കുടിശ്ശിക തുക 100 - 500 രൂപവരെയാണെങ്കിൽ ലേറ്റ് പേയ്മെന്റ് ചാർജ് 100 രൂപ

ആകെ കുടിശ്ശിക തുക 501 - 5,000 രൂപവരെയാണെങ്കിൽ ലേറ്റ് പേയ്മെന്റ് ചാർജ് 500 രൂപ

ആകെ കുടിശ്ശിക തുക 5,001 - 10,000 രൂപവരെയാണെങ്കിൽ ലേറ്റ് പേയ്മെന്റ് ചാർജ് 750 രൂപ

ആകെ കുടിശ്ശിക തുക 10,001 - 25,000 രൂപവരെയാണെങ്കിൽ ലേറ്റ് പേയ്മെന്റ് ചാർജ് 900 രൂപ

ആകെ കുടിശ്ശിക തുക 25,001 - 50,000 രൂപവരെയാണെങ്കിൽ ലേറ്റ് പേയ്മെന്റ് ചാർജ് 1,000 രൂപ

ആകെ കുടിശ്ശിക തുക അമ്പതിനായിരം രൂപയ്ക്ക് മുകളിലാണെങ്കിൽ ലേറ്റ് പേയ്മെന്റ് ചാർജ് 1200 രൂപ ആയിരിക്കും.

ക്രഡിറ്റ് കാർഡ് ബിൽ അവസാന തീയതിക്ക് മുൻപായി അടയ്ക്കുന്നതിൽ വീഴ്ച വരുത്തിയാൽ ക്രഡിറ്റ് ഫ്രീ പീരിയഡ് ഉയർത്തുവാൻ താത്പര്യമില്ലാത്ത പക്ഷം നിങ്ങളുടെ ക്രഡിറ്റ് കാർഡിന്റെ മറ്റുള്ള ഉപയോഗങ്ങൾ കുറയ്ക്കുക എന്നതാണ് ഏറ്റവും നല്ല പോംവഴി. അതേസമയം, തിരിച്ചടവിന് ബുദ്ധിമുട്ടാണെങ്കിൽ, എളുപ്പത്തിനായി നിങ്ങൾക്ക് വലിയ ഇടപാടുകൾ പ്രതിമാസ തവണകളാക്കി മാറ്റാൻ സാധിക്കും. മേൽപ്പറഞ്ഞ മാർഗങ്ങൾ സാധിക്കുന്നില്ലെങ്കിൽ വ്യക്തിഗത വായ്പ എടുത്ത് മുഴുവൻ ക്രെഡിറ്റ് കാർഡ് കുടിശ്ശിക തുകയും ഒറ്റയടിക്ക് അടയ്ക്കാൻ കഴിയുമെന്ന് വിദഗ്ധർ നിർദ്ദേശിക്കുന്നു.