സ്വര്‍ണം, വെള്ളി വില കുതിച്ചുയര്‍ന്നേക്കും

ആഗോള തലത്തിൽ പണപ്പെരുപ്പ നിരക്ക് ഉയരുന്നത് സ്വര്‍ണത്തിന് വീണ്ടും ഡിമാൻഡ് ഉയര്‍ത്തും. രാജ്യാന്തര വിപണിയിൽ വില വര്‍ദ്ധനയുണ്ടായാൽ ആഭ്യന്തര വിപണിയിലും വില ഉയരും. പണപ്പെരുപ്പം നിയന്ത്രിക്കാൻ സ്വീകരിക്കുന്ന ധനനയം സ്വര്‍ണം കരുത്താര്‍ജിക്കാൻ സഹായകരമാകും എന്നാണ് പൊതുവെയുള്ള വിലയിരുത്തൽ. പണപ്പെരുപ്പ നിരക്ക് രണ്ട് ശതമാനമായി ആയി നിലനിർത്താനാണ് യുഎസ് ലക്ഷ്യമിടുന്നത്. എന്നാൽ കൊവിഡ് സാമ്പത്തിക സ്ഥിതി വഷളാക്കി. ആഗസ്റ്റ് മുതൽ തന്നെ ഈ ലക്ഷ്യം നിലനിര്‍ത്താൻ യുഎസിന് സാധിച്ചിട്ടില്ല. പലിശനിരക്ക് ഉടൻ വർദ്ധിപ്പിക്കുന്നതിൽ നിന്ന് ഇത് യുഎസിനെ പിന്തിരിപ്പിച്ചാൽ, സ്വർണ്ണ വില വീണ്ടും ഉയരുംയ ട്രോയ് ഔൺസിന് ഏകദേശം 1780 ഡോളർ വരെ വില ഉയര്‍ന്നേക്കാമെന്ന് നിരീക്ഷകര്‍ ചൂണ്ടിക്കാട്ടുന്നു.

പണപ്പെരുപ്പം നേരിടാനുള്ള മികച്ച ആയുധമാണ് സ്വര്‍ണം. അതുകൊണ്ടാണ് വിപണിയിലെ അനിശ്ചിതത്വ സമയങ്ങളിലും നിക്ഷേപകര്‍ സ്വര്‍ണത്തെ കൂടുതൽ ആയി ആശ്രയിക്കുന്നത്. ഉയർന്ന പണപ്പെരുപ്പമുള്ള സമയത്ത്, ഓഹരികൾ, ബോണ്ടുകൾ എന്നിവയേക്കാൾ കൂടുതൽ നേട്ടം ലഭിക്കുന്നത് സ്വർണ്ണത്തിൽ നിന്നാണ്. സ്വര്‍ണ വില ഈ സമയങ്ങളിൽ ഉയരാറുമുണ്ട്. നിക്ഷേപകര്‍ക്കും, സ്വർണ്ണ വ്യാപാരികൾക്കും നേട്ടമുണ്ടാകുമെങ്കിലും എന്നിരുന്നാലും സ്വര്‍ണം വാങ്ങാൻ ആഗ്രഹിക്കുന്നവര്‍ ഉയര്‍ന്ന വില നൽകേണ്ടി വരും. പ്രത്യേകിച്ച് സ്വര്‍ണ വില നാല്- അഞ്ച് മാസങ്ങളിലെ താഴ്ന്ന നിരക്കിൽ നിന്ന് ഉയരുമ്പോൾ വാങ്ങേണ്ടി വരുന്നത് നഷ്ടവുമാകും

സ്വര്‍ണ വില വര്‍ധനയുടെ സൂചനകൾ ഉണ്ടെങ്കിലും, ഈ മാസം സ്വർണ്ണ വിപണിയിൽ അനിശ്ചിതത്വം തുടര്‍ന്നേക്കും. വില കൂടിയും കുറഞ്ഞും അസ്ഥിരമായി തുടരാനാണ് സാധ്യത എന്ന് റിപ്പോര്‍ട്ടുകൾ സൂൂചിപ്പിക്കുന്നു.. ഇപ്പോൾ വില ഉയരുന്നുണ്ടെങ്കിലും യുഎസിൻെറ മറ്റ് നടപടികൾ സ്വർണ്ണ നിരക്കുകൾ താൽക്കാലികമായി കുറയ്ക്കാനും ഇടയാക്കിയേക്കും. ഉയരുന്ന തൊഴിലില്ലായ്മാ നിരക്കും പൊതുകടവും യുഎസിനെയും പ്രതിസന്ധിയിൽ ആക്കുന്നുണ്ട്. ഈ സ്ഥിതിഗതികൾ മറികടക്കാൻ യുഎസ് സ്വീകരിക്കുന്ന നടപടികൾ സ്വര്‍ണത്തിൻെറ മൂല്യം ഉയരുന്നതിൽ നിര്‍ണായകമാകും. പണപ്പെരുപ്പം ഉയര്‍ന്ന് നിൽക്കുമ്പോൾ, സ്വര്‍ണവും വെള്ളിയും ഉൾപ്പെടെയുള്ള ലോഹങ്ങൾക്ക് വില ഉയരാറുണ്ട്.