​ഗ്യാരണ്ടീഡ് ഇൻകം ഇൻഷുറൻസ് പ്ലാൻ അവതരിപ്പിച്ച് എച്ച്‌ഡിഎഫ്‌സി ലൈഫ്

എച്ച്‌ഡിഎഫ്‌സി ലൈഫ് അടുത്തിടെ ഒരു ഗ്യാരണ്ടീഡ് ഇൻകം ഇൻഷുറൻസ് പ്ലാൻ അവതരിപ്പിച്ചിട്ടുണ്ട്. അത് ലൈഫ് കവർ, ടാക്സ് സേവിംഗ്സ്, മെച്യൂരിറ്റിയിൽ ലംപ് സം തുക തുടങ്ങിയ മറ്റ് ആനുകൂല്യങ്ങൾക്ക് പുറമേ ഉറപ്പായ ദീർഘകാല വരുമാനം വാഗ്ദാനം ചെയ്യുന്നു. ഈ പോളിസിയിൽ, പോളിസിയുടെ അവസാനഘട്ടത്തിൽ സം അഷ്വേർഡ് തുകയ്ക്ക് തുല്യമായ ഒരു ലംപ് സം, അവസാനത്തെ വരുമാന പേ-ഔട്ടിനൊപ്പം നിക്ഷേപകർക്ക് ലഭിക്കും. പോളിസി ഉടമകൾക്ക് നൽകുന്ന ചില ആനുകൂല്യങ്ങൾ വിശദമായി മനസ്സിലാക്കാം.

Also Read : നിക്ഷേപത്തിനൊപ്പം സാമ്പത്തിക സുരക്ഷിതത്വവും; പുതിയ പ്ലാനിനെ കുറിച്ചറിയാം

ഗ്യാരണ്ടീഡ് വരുമാനം
ഒന്നാമതായി, പോളിസിയുടെ പേര് സൂചിപ്പിക്കുന്നത് പോലെ, ഗ്യാരണ്ടീഡ് വരുമാന ആനുകൂല്യങ്ങൾ ഈ പ്ലാൻ വാഗ്ദാനം ചെയ്യുന്നു. ഒരു നിശ്ചിത വർഷത്തേക്ക് പ്രീമിയം അടച്ചാൽ, തുടർന്ന് പോളിസിയുടെ അവസാനം വരെയുള്ള ബാലൻസ് കാലയളവിലേക്ക് നിങ്ങൾക്ക് സ്ഥിരമായ വരുമാനം ലഭിക്കാൻ തുടങ്ങും.

പ്രീമിയം പേയ്മെന്റ് കാലാവധി 8-15 വർഷം വരെയാകാം. പോളിസി കാലാവധി 16-40 വർഷം വരെയും. കൂടാതെ ഒരാൾക്ക് വരുമാന പേഔട്ട് നിരക്ക് തിരഞ്ഞെടുക്കാനുള്ള സൗകര്യവും ഉണ്ട്. പ്രതിവർഷം 11 ശതമാനം, 12 ശതമാനം അല്ലെങ്കിൽ 13 ശതമാനം എന്നിങ്ങനെയാണ് നിരക്കുകൾ. നൽകപ്പെടുന്ന വരുമാനം തിരഞ്ഞെടുത്ത സം അഷ്വേർഡിന്റെ ശതമാനമായി നൽകും. പ്രീമിയം പേയ്‌മെന്റ് കാലാവധിയും തിരഞ്ഞെടുത്ത പ്രീമിയം തുകയും അനുസരിച്ച് വരുമാന പേയ്‌മെന്റ് നിരക്ക് വ്യത്യാസപ്പെടുന്നു എന്നത് ശ്രദ്ധിക്കേണ്ടതാണ്.

മറ്റ് ആനുകൂല്യങ്ങൾ
രണ്ടാമതായി, പോളിസി മെച്യൂരിറ്റി ബെനിഫിറ്റ് നൽകുന്നു. അതായത്, അവസാന വരുമാനത്തിനൊപ്പം പോളിസി മെച്യൂർ ആകുമ്പോൾ സം അഷ്വേർഡ് നൽകുന്നു. മൂന്നാമതായി, പോളിസി ഉടമയുടെ അകാല മരണം സംഭവിച്ചാൽ പോളിസി ഉടമയുടെ നോമിനിക്ക് ഒരു തുക ലഭിക്കുമെന്ന് പോളിസി ഉറപ്പാക്കുന്നു. മരണ ആനുകൂല്യം വാർഷിക പ്രീമിയത്തിന്റെ പത്തിരട്ടിയോ, സം അഷ്വേർഡ്, അടച്ച മൊത്തം പ്രീമിയത്തിന്റെ 105 ശതമാനം വരേയോ ഉയരാം. കൂടാതെ, 1961-ലെ ആദായനികുതി നിയമത്തിലെ സെക്ഷൻ 80C പ്രകാരം അടച്ച പ്രീമിയങ്ങൾക്ക് നികുതി ആനുകൂല്യങ്ങൾ ലഭിക്കാൻ പോളിസി ഉടമയ്ക്ക് അർഹതയുണ്ട്.

Also Read : ആരോഗ്യ ലൈഫ് കവറുകൾക്കൊപ്പം സമ്പാദ്യവും; പുതിയ യുഎൽഐപിയുമായി പോളിസിബസാർ

അധിക റൈഡർ ഓപ്ഷൻ
ഗ്യാരണ്ടീഡ് ഇൻകം പ്ലാൻ പോളിസി ഉടമകൾക്ക് നിരവധി അധിക റൈഡറുകളും വാഗ്ദാനം ചെയ്യുന്നു. ആദ്യത്തേത് എച്ച്‌ഡിഎഫ്‌സി ലൈഫ് ടേം റൈഡറാണ്. ഇവിടെ പോളിസി ഹോൾഡർക്ക് മരണശേഷം റൈഡർ പ്രവർത്തിക്കും. ഈ സാഹചര്യത്തിൽ സം അഷ്വേർഡ് തുകയ്ക്ക് തുല്യമായ തുക ലഭിക്കാൻ അർഹതയുണ്ടാവും. ശേഷം ഈ റൈഡർ കവർ അവസാനിക്കുന്നു.
എച്ച്‌ഡിഎഫ്‌സി ലൈഫ് ക്രിട്ടിക്കൽ ഇൽനെസ് റൈഡറാണ് രണ്ടാമത്തേത്. ഇതിൽ, പോളിസി ഹോൾഡർമാർക്ക് നിർദ്ദിഷ്ട ഗുരുതരമായ രോഗങ്ങളിൽ ഏതെങ്കിലും രോഗനിർണയം നടത്തിയാൽ ഒറ്റത്തവണ ആനുകൂല്യം ലഭിക്കും. ഇതുകൂടാതെ, അപകടമരണം, വൈകല്യം എന്നിവ ഉണ്ടായാൽ പോളിസി ഉടമയ്ക്ക് അധിക തുക നൽകുന്ന മൂന്നാമത്തെ റൈഡറും ഉണ്ട്.

(Disclaimer: മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. നിക്ഷേപങ്ങളും ഇൻഷുറൻസും ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)

Read Latest Business News and Malayalam News