ഗോൾഡ് ബാറിനുണ്ട് ഗുണങ്ങൾ
സ്വര്ണാഭരണങ്ങൾ വാങ്ങുമ്പോൾ പണിക്കൂലിയാണ് പലപ്പോഴും വില്ലനാവുക. ഈ സ്വര്ണം പിന്നീട് വിൽക്കണ്ടതായും മറ്റും വന്നാൽ പണിക്കൂലി ഇനത്തിൽ നൽകിയ വൻതുക തിരികെ ലഭിയ്ക്കില്ലതാനും. ഗോൾഡ് ബാറുകൾ വാങ്ങിയാൽ സ്വര്ണ വിലയിൽ ഉണ്ടാകുന്ന മൂല്യത്തിന് അനുസരിച്ചുള്ള തുക പിന്നീട് തിരികെ ലഭിയ്ക്കും. സ്വര്ണാഭരണങ്ങൾ ആവശ്യമുള്ളപ്പോൾ ഗോൾഡ് ബാറുകൾ നൽകി പണിയിക്കുകയും ചെയ്യാം. മറ്റ് അത്യാവശ്യം ഉണ്ടായാൽ വിറ്റാലും സ്വര്ണ വിലയ്ക്ക് അനുസരിച്ചുള്ള മുഴുവൻ പണവും കിട്ടും. നേരിട്ട് പെട്ടെന്ന് വിൽക്കാൻ കഴിയുന്നതിനാൽ ഏതു സമയത്തും പണലഭ്യത ഉറപ്പാണ്.
വിശ്വസ്ത സ്ഥാപനങ്ങളിൽ നിന്ന് വാങ്ങാം
ഗോൾഡ് കോയിൻ പോലെ തന്നെ പ്രധാനമാണ് ഗോൾഡ് ബാറുകളുടെ ഗുണമേൻമയും. വിശ്വാസ്യതയുള്ള സ്ഥാപനങ്ങളെയും റീട്ടെയിലര്മാരെയും സന്ദര്ശിച്ച് ഗോൾഡ് ബാര് വാങ്ങാം. വിവിധ സ്ഥാപനങ്ങളിൽ അന്വേഷിയ്ക്കുന്നത് ഏറ്റവും കുറഞ്ഞ വിലയിൽ ഗോൾഡ് ബാര് വാങ്ങുന്നതിന് സഹായകരമാകും. വിലയിൽ ഉണ്ടാകുന്ന 1 ശതമാനം വ്യത്യാസം പോലും വലിയ ഇളവ് നൽകും.
Als0 Read: ഈ വനിതാ സേവിങ്സ് അക്കൗണ്ട് നൽകും 7 ശതമാനം പലിശ; ഒട്ടേറെ ആനുകൂല്യങ്ങളും
ഗോൾഡ് കോയിനുകളേക്കാൾ ഗോൾഡ് ബാറുകൾക്ക് വില കൂടുതലാണ്. നിക്ഷേപിയ്ക്കുന്ന പണത്തിൻെറ മൂല്യം ഉറപ്പാക്കാൻ ഗോൾഡ് ബാറുകളുടെ പരിശുദ്ധിയും ഉറപ്പാക്കണം. ബിഐഎസ് ഹാള്മാര്ക്ക് ചെയ്ത, എല്ബിഎംഎ സര്ട്ടിഫിക്കറ്റ് ഉള്ള ഗോൾഡ് ബാര് മാത്രം വാങ്ങാൻ ശ്രദ്ധിയ്ക്കാം. ഉയര്ന്ന മൂല്യത്തിന് 24 കാരറ്റ് പരിശുദ്ധി ഉറപ്പാക്കാം.
എങ്ങനെ സൂക്ഷിയ്ക്കും?
സ്വര്ണക്കട്ടികൾ അര ഗ്രാമില് തുടങ്ങി ഒരു കിലോഗ്രാം വരെ തൂക്കത്തില് ലഭിക്കും. അഞ്ച്, എട്ട്, പത്ത് ഗ്രാമുകളുള്ള ഗോൾഡ് ബാറുകളാണ് കൂടുതൽ പേരും വാങ്ങുന്നത്. ബജറ്റ്, ആവശ്യം, കൈമാറ്റത്തിലെ എളുപ്പം തുടങ്ങിയ ഘടകങ്ങൾ കണക്കിലെടുത്തുവേണം ഏതു ബാര് വാങ്ങണമെന്ന് തീരുമാനിക്കേണ്ടത്. ഭാരം കുറഞ്ഞ ഗോൾഡ് ബാറുകൾ കൈമാറ്റം ചെയ്യാനും ഏതു സമയത്തും പണ ലഭ്യത ഉറപ്പാക്കാനും സഹായകരമാകും.
Also Read: അമ്മ നൽകിയ 100 രൂപ; പടുത്തുയര്ത്തിയത് 300 കോടി രൂപയുടെ ബിസിനസ്
ജ്വല്ലറികൾക്ക് പുറമേ ബാങ്കുകളും സ്വര്ണ പണയ വായ്പാ സ്ഥാപനങ്ങളും മറ്റ് ബാങ്ക് ഇതര ധനകാര്യ സ്ഥാപനങ്ങളുമൊക്കെ ഗോൾഡ് കോയിനുകളും ബാറുകളും വിൽക്കാറുണ്ട്. അതേസമയം ബാങ്കിൽ നിന്ന് വാങ്ങുന്നവ ബാങ്കുകൾ തിരികെ വാങ്ങില്ല. സ്വര്ണക്കട്ടിക്കള്ക്ക് നാണയങ്ങളെക്കാള് മൂല്യം കൂടുതലാണ്. അതുകൊണ്ട് തന്നെ പ്രത്യേക ശ്രദ്ധയോടെ വേണം ഇവ സൂക്ഷിയ്ക്കാൻ. ആവശ്യമെങ്കിൽ ലോക്കറുകളിൽ തന്നെ സൂക്ഷിയ്ക്കാം.