ഒരു ഫാം അങ്ങ് ഏറ്റെടുത്തു;21 കാരിയുടെ പ്രതിമാസ വരുമാനം 6 ലക്ഷം രൂപ

തൻെറ ഗ്രാമത്തിൽ തന്നെ ഒരു പെൺകുട്ടിയും ഏറ്റെടുത്തിട്ടാല്ലാത്ത റോളാണ് ശ്രദ്ധ ചെറുപ്രായത്തിൽ ഏറ്റെടുത്ത് വിജയിപ്പിയ്ക്കുന്നത്. ഇന്ന് ഒരു ബഹുനില കെട്ടിടത്തിൽ 80 എരുമകളുള്ള വമ്പൻ ഫാമാണ് ശ്രദ്ധയുടേത്.പ്രതിമാസം 5-6 ലക്ഷം രൂപ വരുമാനം ഈ ഫാമിൽ നിന്നുണ്ട്. അച്ഛൻ ശ്രദ്ധയെ ഫാം ഏൽപ്പിയ്ക്കുമ്പോൾ 12 എരുമകൾ മാത്രമാണ് ഉണ്ടായിരുന്നത്. പിന്നീട് ഷെഡ് കെട്ടി കൂടുതൽ എരുമകളുമായി ഈ മിടുക്കി ഫാം വിപുലീകരിയ്ക്കുകയായിരുന്നു. ബൈക്കിൽ ചീറിപ്പാഞ്ഞാണ് പാൽ വിൽപ്പന.

2015 ൽ പത്താം ക്ലാസിൽ പഠിയ്ക്കുമ്പോൾ ശ്രദ്ധ ഒരു ദിവസം 150 ലിറ്റർ പാൽ വിൽക്കുകയായിരുന്നു. 2016-ൽ ഫാമിൽ 45 എരുമകളായി, ഇതോടെ പ്രതിമാസ വരുമാനവും ഉയര്‍ന്നു.പ്രതിമാസം 3 ലക്ഷം രൂപയൊക്കെ കിട്ടിത്തുടങ്ങിയതോടെ ശ്രദ്ധ പൂര്‍ണമായി ഫാമിൽ ശ്രദ്ധ കേന്ദ്രീകരിച്ച് തുടങ്ങി. ഗ്രാമത്തിൽ തന്നെ ബൈക്കിൽ പാൽ വിൽപ്പനയുമായി നടക്കുന്ന പെൺകുട്ടികൾ ഇല്ലെന്നത് ആദ്യം വിഷമിപ്പിച്ചു. എന്നാൽ ഗ്രാമീണരുടെ സ്നേഹവും പ്രോത്സാഹനവും മുന്നോട്ട് പോകാൻ കരുത്തു നൽകുകയായിരുന്നു. ശ്രദ്ധ പറയുന്നു.

Also Read: ഇനി വിഷമില്ലാതെ പച്ചക്കറികൾ; ജൈവ പച്ചക്കറിക്കടകളുമായി കുടുംബശ്രീ

എപ്പോഴും ഈ വരുമാനം സ്ഥിരമല്ല ഡിമാൻഡ് കൂടുന്ന സമയത്ത് നല്ല വരുമാനം ലഭിയ്ക്കുമെങ്കിലും കാര്യമായി ഒന്നും ലഭിയ്ക്കാത്ത മാസങ്ങളുമുണ്ട്. എങ്കിലും ഇപ്പോൾ ഇത് ലാഭകരമായി തുടങ്ങി. ഇരുനിലകളിലെ എരുമതൊഴുത്തു ദിവസേന രണ്ട് തവണ കഴുകുകയും 20 എരുമകളെ കറക്കുകയും ചെയ്യും ശ്രദ്ധ. ഇതിനു പിന്നാലെയാണ് പാൽ വിൽപ്പന. 451 ലിറ്റര്‍ പാലാണ് ദിവസേന വിൽക്കുന്നത്