പദ്ധതിയുടെ 70 ശതമാനം വരെ വായ്പ
സംരംഭകര്‍ക്ക് 50,000 രൂപ മുതൽ 5 ലക്ഷം രൂപ വരെ വായ്പ നൽകുന്ന
ലോൺ ആണ് കിഷോർ . 5 ലക്ഷം രൂപ മുതൽ 10 ലക്ഷം രൂപ വരെ വായ്പ നൽകുന്ന തരുൺ ലോണും മുദ്രായോജനയിൽ ഉൾപ്പെടുന്നു. പൊതുമേഖലാ ബാങ്കുകളും ഷെഡ്യൂൾഡ് ബാങ്കുകളും മുഖേന ലോണിനായി അപേക്ഷിയ്ക്കാം. പദ്ധതിയുടെ 70 ശതമാനം വരെ തുക ബാങ്കിൽ നിന്നും വായ്പയായി ലഭിക്കും. ബാക്കിവരുന്ന തുക സംരംഭകർ മുടക്കേണ്ടതാണ്. മുദ്രാ വായ്പയുടെ പലിശ പൊതുമേഖലാ ബാങ്കുകളിൽ 9.95 ശതമാനം മുതൽ 12ശതമാനംവരേയും ഷെഡ്യൂൾഡ് ബാങ്കുകളിൽ 12ശതമാനം മുതൽ 17 ശതമാനം വരെയുമാണ്.
ഇസിഎൽജിഎസ് പദ്ധതിയ്ക്ക് കീഴിൽ 10 കോടി രൂപ വരെ വായ്പ
സാമ്പത്തിക പ്രതിസന്ധി മറികടന്ന് ബിസിനസ് വിപുലീകരിയ്ക്കാൻ എമര്‍ജൻസി ക്രെഡിറ്റ് ലൈൻ ഗ്യാരൻറി പദ്ധതി പ്രകാരം സംരംഭകര്‍ക്ക് പ്രത്യേക സഹായം ലഭ്യമാണ്.
പദ്ധതിയ്ക്ക് കീഴിൽ അധിക ലോണിനായി അപേക്ഷിയ്ക്കണ്ട അവസാന തിയതി ഒക്ടോബര്‍ 31 ആണ്. പ്രീ അപ്രൂവ്ഡ് വായ്പയായ ഇതിന് കുടിശ്ശിക 50 കോടി രൂപയും മൊത്തം വിറ്റുവരവ് 250 കോടി രൂപയും കവിയകുത്. 9.25 ശതമാനം പലിശ നിരക്കിലാണ് ലോൺ അനുവദിയ്ക്കുക. തിരിച്ചടവ് കാലാവധി നാലു വര്‍ഷമാണ്. ആദ്യ ഒരു വര്‍ഷം തിരിച്ചടവിന് മോറട്ടോറിയം ലഭ്യമാണ്.
സോഷ്യൽ സ്റ്റാര്‍ട്ടപ്പുകൾക്ക് ഒരു കോടി രൂപ വരെ ലോൺ
സാമൂഹിക പ്രസക്തിയുള്ള ഉത്പന്നമോ സേവനമോ നൽകുന്ന സ്റ്റാര്‍ട്ടപ്പുകൾക്ക് 1 കോടി രൂപ വരെ സീഡ് വായ്പ ലഭ്യമാണ്. പദ്ധതിയ്ക്ക് കീഴിൽ രണ്ടു ശതമാനം പലിശ സബ്‍സിഡി ലഭ്യമാണ്. ഹാര്‍ഡ് വെയര്‍, സോഫ്റ്റ് വെയര്‍ സംരംഭങ്ങൾക്ക് പദ്ധതിയ്ക്ക് കീഴിൽ അധിക തുക ലഭിയ്ക്കും. അടുത്ത മൂന്ന് വർഷത്തിനകം ലഭിക്കാൻ സാധ്യതയുള്ള വരുമാനത്തിൻെറ 10 ശതമാനത്തിൽ കവിയാത്ത തുകയാണു വായ്പയായി അനുവദിയ്ക്കുക. കേരള ഫിനാൻസ് കോര‍്പ്പറേഷനാണ് പദ്ധതിയുടെ നടത്തിപ്പ് ചുമതല.
സംസ്ഥാന സർക്കാരോ ഏതെങ്കിലും പൊതുമേഖലാ സ്ഥാപനമോ പ്രമുഖ സ്വകാര്യ കമ്പനിയോ, സേവനമോ ഉൽപന്നമോ വാങ്ങാൻ കരാര്‍ നൽകിയിരിക്കുന്ന സ്റ്റാര്‍ട്ടപ്പുകൾക്ക് ഓര്‍ഡറിൻെറ 90 ശതമാനം വരെ വായ്പ നൽകുന്ന പദ്ധതിയും സര്‍ക്കാര്‍ പ്രഖ്യാപിച്ചിരുന്നു. അത്തരം സ്റ്റാര്‍ട്ടപ്പുകൾക്ക് 10 കോടി രൂപ വരെ വായ്പ നൽകുന്ന പദ്ധതിയും ഉണ്ട്.