എളുപ്പത്തിൽ പണലഭ്യത
സ്വര്ണ പണയ വായ്പകൾക്ക് ഏറ്റവും കുറഞ്ഞ പലിശ നിരക്ക് ഈടാക്കുന്ന സ്ഥാപനങ്ങൾ ഏതൊക്കെയാണ്? പഞ്ചാബ് ആൻഡ് സിന്ദ് ബാങ്ക് 7 ശതമാനം പലിശ നിരക്കാണ് ഈടാക്കുന്നത്. ബാങ്ക് ഓഫ് ഇന്ത്യ 7.35 ശതമാനം നിരക്കിലാണ് സ്വര്ണ പണയ വായ്പകൾ ലഭ്യമാക്കുന്നത്. എസ്ബിഐ 7.5 ശതമാനവും കാനറാ ബാങ്ക് 7.65 ശതമാനവുമാണ് പലിശ ഈടാക്കുന്നത്. ഓരോ ബാങ്കുകൾക്കും സ്വര്ണ പണയ വായ്പ സംബന്ധിച്ച് വ്യത്യസ്ത നിബന്ധനകൾ ഉണ്ടാകും.
ഉദാഹരണത്തിന് ഹാൾമാര്ക്ക്ഡ് ആഭരണങ്ങൾ ഈടു നൽകി വായ്പ നൽകുമ്പോൾ 7.3 ശതമാനം വായ്പ ഈടാക്കുന്ന സ്ഥാപനങ്ങൾക്ക് അല്ലാത്ത ആഭരണങ്ങൾക്ക് 7.4 ശതമാനം പലിശ ഈടാക്കാറുണ്ട്. മൊത്തം വായ്പാ തുകയിലും ബാങ്കുകൾക്ക് അനുസരിച്ച് വ്യത്യാസം വരാം.
Also Read: വീടു വാങ്ങണോ? കുറഞ്ഞ വിലയിലെ വീടുകൾക്ക് ഡിമാൻഡ് ഏറുന്നു.
ഏറ്റവും കുറഞ്ഞ പലിശ നിരക്കുമായി പഞ്ചാബ് ആൻഡ് സിന്ദ് ബാങ്ക്
വ്യക്തികൾക്കും കൊര്പ്പറേറ്റുകൾക്കും എല്ലാം പഞ്ചാബ് ആൻഡ് സിന്ദ് ബാങ്ക് ഗോൾഡ് ലോൺ ലഭ്യമാണ്. 21 വയസു മുതൽ 65 വയസു വരെ പ്രായമുള്ളവര്ക്ക് ലോൺ ലഭ്യമാകും. പരമാവധി 30 ലക്ഷം രൂപവരെയാണ് ഗോൾഡ് ലോൺ ലഭ്യമാക്കുക. കാറ്റഗറിയനുസരിച്ച് ഇതിൽ വ്യത്യാസം വരാം. . പ്രീപെയ്മെൻറ് ചാര്ജുകൾ ഇല്ല. ഒരു വര്ഷം കാലാവധിയിലാണ് വായ്പ അനുവദിയ്ക്കുക. പിന്നീട് പുതുക്കാനാകും.
കര്ഷകര്ക്കും എംഎസ്എംഇകൾക്കും ഉൾപ്പെടെ ബാങ്ക് ഓഫ് ഇന്ത്യ ഗോൾഡ് ലോൺ ലഭ്യമാക്കുന്നുണ്ട്. 7.35 ശതമാനമാണ് പലിശ. പരമാവധി 25 ലക്ഷം രൂപ വരെയാണ് ലോൺ ലഭിയ്ക്കുക. 50 ഗ്രാം സ്വര്ണം വരെയാണ് പണയം വയ്ക്കാനാവുക