സ്ഥലം ഉണ്ടെങ്കിൽ 4 ശതമാനം നിരക്കിൽ ലോൺ
സ്ഥലം ഉള്ളവര്‍ക്ക് നാല് ശതമാനം പലിശയിൽ സ്വര്‍ണ പണയ വായ്പ ലഭിയ്ക്കും. പരമാവധി മൂന്ന ലക്ഷം രൂപ വരെയാണ് ലഭിയ്ക്കുക. 1.60 ലക്ഷം രൂപയ്ക്ക് മുകളിൽ വായ്പ ലഭിയ്ക്കും. 100 രൂപയ്ക്ക് പ്രതിമാസം 34 പൈസയിൽ താഴെ മാത്രമാണ് പലിശ. കാര്‍ഷികാവശ്യങ്ങൾക്കാണ് വായ്പ അനുവദിയ്ക്കുക. കിസാൻ കാര്‍ഡും ആധാര്‍ കാര്‍ഡും ഉള്ള കര്‍ഷകര്‍ക്ക് ഈടില്ലാതെയാണ് വായ്പ നൽകുന്നത്.
Also Read: റെനോ, എംജി മോട്ടോര്‍ കാറുകൾക്ക് വില കൂടും
കിസാൻ ക്രെഡിറ്റ് കാര്‍ഡ് പദ്ധതിയ്ക്ക് കീഴിലാണ് കര്‍ഷകര്‍ക്ക് കുറഞ്ഞ പലിശയിൽ വായ്പ അനുവദിയ്ക്കുന്നത്. കേരളത്തിൽ 80,803 കോടി രൂപയുടെ മൊത്തം കാർഷിക വായ്പ നൽകിയതിൽ 56,769 കോടി രൂപ സ്വർണപ്പണയ വായ്പകൾ ആയിരുന്നു. ഇതിൽതന്നെ 3,600 കോടി രൂപ വാങ്ങിയത് കൃഷിയില്ലാത്ത ഭൂവുടമകൾ ആയിരുന്നു. അതിനാൽ കിസാൻ ക്രെഡിറ്റ് കാര്‍ഡ് ഉടമകൾക്ക് ഒഴികെ പുതിയ കാര്‍ഷിക വായ്പകൾ അനുവദിയ്ക്കരുതെന്നാണ് കേന്ദ്ര സര്‍ക്കാര്‍ നിര്‍ദേശം.
ആത്മനിര്‍ഭര്‍ പദ്ധതിയ്ക്ക് കീഴിൽ ബിസിനസുകൾക്ക് ടേം ലോൺ
കൊവിഡ് പ്രതിസന്ധി ബാധിച്ച ബിസിനസുകൾക്ക് കേന്ദ്രസര്‍ക്കാര്‍ പദ്ധതിയുടെ ഭാഗമായി എസ്ബിഐ പ്രത്യേക വായ്പ അനുവദിക്കുന്നുണ്ട്. പ്രവര്‍ത്തന മൂലധനമായി പരമാവധി 5 കോടി രൂപ വരെയാണ് ലോൺ അനുവദിയ്ക്കുന്നത്. ഈടില്ലാതെ അനുവദിയ്ക്കുന്ന വായ്പകൾക്ക് ഒരു വര്‍ഷത്തെ മോറട്ടോറിയം ലഭിയ്ക്കും.അഞ്ച് വര്‍ഷ കാലാവധിയിലാണ് അധിക വായ്പ അനുവദിയ്ക്കുന്നത്.ആരോഗ്യ മേലയിൽ ഉൾപ്പെടെ 26 മേഖലകളിൽ ലോൺ തുക ലഭ്യമാകും. ഗ്യാരൻറീഡ് എമര്‍ജൻസി ക്രെഡിറ്റ് ലൈൻ പദ്ധതി പ്രകാരമാണ് ലോൺ അനുവദിയ്ക്കുക.