പത്തു രൂപ നിരക്കിൽ അവധി-സ്വതന്ത്ര വ്യാപാരം അവതരിപ്പിച്ച് പേടിഎം മണി

ന്യൂഡല്‍ഹി: ഇന്ത്യയുടെ ഡിജിറ്റല്‍ ഫിനാന്‍ഷ്യല്‍ സര്‍വീസസ് പ്ലാറ്റ്‌ഫോമായ പേടിഎം ഉപസ്ഥാപനമായ പേടിഎം മണിയുടെ പ്ലാറ്റ്‌ഫോമില്‍ അവധി-സ്വാതന്ത്ര വ്യാപാരം (ഫ്യൂച്ചര്‍,ഓപ്ഷന്‍ ട്രേഡ്-എഫ് ആന്‍ഡ് ഒ) ആരംഭിക്കുന്നു. നിലവിലെ ഓഹരി, ഡയറക്റ്റ് മ്യൂച്ച്വല്‍ ഫണ്ട്, ഇടിഎഫ്, ഐപിഒ, എന്‍പിഎസ്, ഓണ്‍ലൈന്‍ സ്വര്‍ണ വ്യാപാരം തുടങ്ങിയവ കൂടാതെയാണിത്.

ഏറ്റവും കുറഞ്ഞ നിരക്കില്‍ 10 രൂപ ബ്രോക്കറേജിലാണ് പ്ലാറ്റ്‌ഫോം എഫ് ആന്‍ഡ് ഒ വ്യാപാരം അവതരിപ്പിക്കുന്നത്. പ്രത്യേക കരാറുകൾ ഒന്നും ഇല്ലാതെയാണിത്. തുടക്കത്തില്‍ അവരുടെ ഫീഡ്ബാക്ക് ലഭിക്കുന്നതിന് കമ്പനി ആന്‍ഡഡ്രോയിഡിലും വെബിലും തെരഞ്ഞെടുക്കപ്പെട്ട ഉപയോക്താക്കള്‍ക്ക് ആക്‌സസ് നല്‍കുന്നു.

ഡെലിവറി സൗജന്യമാണ്. മികച്ച ഉല്‍പ്പന്നത്തില്‍ സുരക്ഷിതമായി അവരുടെ മൊബൈലിലും ഇടപാടു നടത്താം. എല്ലാ വ്യാപാരികള്‍ക്കുമായുള്ള വാണീജ്യപരമായ അവതരണവും ഐഒഎസ് ലോഞ്ചും ഏതാനും ആഴ്ചകള്‍ക്കുള്ളിലുണ്ടാകും എന്ന് കമ്പനി അധികൃതര്‍ പറയുന്നു.

Also Read: എയര്‍ടെല്ലുമായി ചേര്‍ന്ന് മൊബൈൽ വീഡിയോ പ്ലാനുമായി ആമസോൺ

പ്ലാറ്റ്‌ഫോമില്‍ എഫ് ആന്‍ഡ് ഒ അവതരിപ്പിക്കുന്നതോടെ അടുത്ത 18-24 മാസത്തിനുള്ളില്‍ നിത്യേനയുള്ള ടേണോവര്‍ മൊത്തത്തില്‍ 1.5 ലക്ഷം കോടി രൂപയാക്കുകയും വ്യാപാരികളുടെ എണ്ണം 10 ലക്ഷത്തിലെത്തിക്കുകയുമാണ് പേടിഎം മണിയുടെ ലക്ഷ്യം.

പ്ലാറ്റ്‌ഫോമില്‍ ഒരു കരാറോ ഓപ്ഷനോ തിരയുന്നത് വളരെ ലളിതമാണ്. ഓര്‍ഡര്‍ ട്രാക്ക് ചെയ്യുന്നതും നടപ്പിലാക്കുന്നതും വളരെ ലളിതമാണ്. ഉല്‍പ്പന്നങ്ങള്‍ പൂര്‍ണമായും ക്ലൗഡിലുണ്ടാകും. പേടിഎമ്മിന്റെ സാങ്കേതിക നടപടികള്‍ പ്ലാറ്റ്‌ഫോം വേഗത്തില്‍ പ്രവര്‍ത്തിക്കുന്നുണ്ടെന്ന് ഉറപ്പു വരുത്തുന്നു