അധിക വരുമാനത്തിന് വഴി കണ്ടെത്താം
ദൈനം ദിന ജീവിത ചെലവുകൾക്ക് ഇപ്പോൾ ഉള്ള വരുമാനം തികയാത്തവര്ക്ക് അധിക വരുമാനം കണ്ടെത്താൻ ശ്രമിയ്ക്കാം. വീട്ടമ്മമാര്ക്ക് കുറഞ്ഞ മുതൽ മുടക്കിൽ വീട്ടിൽ ഇരുന്ന് തുടങ്ങാവുന്ന സംരംഭങ്ങളേ കുറിച്ച് ചിന്തിയ്ക്കാം. അധ്യാപനം ഇഷ്ടമുള്ളവര്ക്ക് ഓൺലൈൻ ക്ലാസുകൾ എടുക്കാം. ഏതെങ്കിലും വിഷയത്തിൽ പ്രാവീണ്യവും വീഡിയോ അവതരണത്തിൽ താൽപ്പര്യവും ഉണ്ടെങ്കിൽ നല്ലൊരു യൂട്യബ് ചാനൽ തുടങ്ങാം.
Also Read: പെയിൻറിങ്, ഫാഷൻ ആര്ട്ട് ഇൻസ്റ്റലേഷൻ.. കലയിലൂടെ നേടാം മികച്ച വരുമാനം
സ്വന്തമായി കാറുള്ളവര്ക്ക് ടാക്സി സേവനങ്ങൾക്കായി കാര് നൽകാം. ഇങ്ങനെ നമുക്ക് ചുറ്റും ഒന്ന് കണ്ണോടിച്ചാൽ ഒഴിവു സമയങ്ങളിൽ അധിക വരുമാനം കണ്ടെത്താനുള്ള ഒട്ടേറെ വഴികളും നമുക്ക് മുമ്പിൽ തെളിഞ്ഞു വരും. ഇങ്ങനെ കണ്ടെത്തുന്ന അധിക തുക സമ്പാദ്യത്തിനായി വിനിയോഗിയ്ക്കാം.
ചെലവു കുറച്ച് നല്ലൊരു തുക ലാഭിയ്ക്കാം
അധിക ചെലവുകൾ കുറച്ചു കൊണ്ട് സമ്പാദ്യത്തിനായി തുക കണ്ടെത്താം. ഒന്ന് ശ്രദ്ധ വെച്ചാൽ ദൈനം ദിന ചെലവുകൾക്കായി മാറ്റിവയ്ക്കുന്ന പണത്തിൽ നിന്ന് തന്നെ ഈ തുക കണ്ടെത്താൻ കഴിയും. 1,000 രൂപയിൽ ഏറെയാണ് വൈദ്യുത ബിൽ എങ്കിൽ വൈദ്യുത ഉപഭോഗം കുറച്ച് നല്ലൊരു തുക കണ്ടെത്താം.
ഇന്ധനചെലവുകൾക്കായി നല്ലൊരു തുക മാസം നഷ്ടപ്പെടാറുണ്ടെങ്കിൽ കാറിനു പകരം ടൂവീലര് ഉപയോഗിച്ചും പൊതുഗതാഗതത്തെയും മെട്രോസംവിധാനങ്ങളെയും കൂടുതൽ ആശ്രയിക്കാൻ ആകുമെങ്കിൽ അങ്ങനെയും ഒക്കെ ചെലവുകൾ ചുരുക്കാം. നല്ലൊരു തുക തന്നെ ഇത്തരത്തിൽ മിച്ചം പിടിയ്ക്കാൻ ആകും.