എസ്സി, എസ്ടി വിഭാഗത്തിൽ പെടുന്ന വനിതകൾക്ക് ലോൺ തുകയുടെ 30 ശതമാനം സബ്സിഡിയായി ലഭിയ്ക്കും. 10,000 രൂപയായിരിയ്ക്കും പരമാവധി സബ്സിഡി. ജനറൽ വിഭാഗത്തിൽ പെടുന്ന വനിതകൾക്ക് 20 ശതമാനം ആയിരിക്കും സബ്സിഡി. പരമാവധി 7500 രൂപ. പഞ്ചാബ് ആൻഡ് സിന്ദ് ബാങ്ക് ആണ് തുടക്കത്തിൽ വായ്പ അവതരിപ്പിച്ചത് എങ്കിലും മറ്റു ബാങ്കുകളും ഇത് ഇപ്പോൾ നൽകുന്നുണ്ട്.
ഈടും ജാമ്യവും ഉണ്ടെങ്കിൽ എളുപ്പത്തിൽ വായ്പ ലഭിയ്ക്കും
മൂന്നു വര്ഷം കാലാവധിയിൽ പരമാവധി 50,000 രൂപ വരെയാണ് പദ്ധതിയ്ക്ക് കീഴിൽ ലഭിയ്ക്കുക. ഗ്യാസ് കണക്ഷൻ, ഗ്രൈൻഡര്, വലിയ മേശകൾ എന്നിവ എല്ലാം ഈ പണം ഉപയോഗിച്ച് വാങ്ങാം. താരതമ്യേന കുറഞ്ഞ നിരക്കിൽ ആയിരിയ്ക്കും വായ്പ ലഭ്യമാക്കുക. ഈട് ആവശ്യമാണ്. പലിശ നിരക്ക് ഓരോ ബാങ്കിനും അനുസരിച്ച് വ്യത്യസ്തമായിരിക്കും. ഈടും ജാമ്യവും ഉണ്ടെങ്കിൽ എളുപ്പത്തിൽ വായ്പ ലഭിയ്ക്കും.
കാറ്ററിങ് രംഗത്ത് പ്രവര്ത്തിയ്ക്കുന്നവര്ക്ക് 50,000 രൂപ
വനിതകൾക്ക് അന്നപൂര്ണ എന്ന സര്ക്കാര് പദ്ധതിയ്ക്ക് കീഴിൽ 50,000 രൂപ വരെ ധനസഹായം ലഭ്യമാണ്. വനിതാ സംരംഭകരെ സഹായിക്കുക എന്ന ലക്ഷ്യത്തോടെ സര്ക്കാര് ആരംഭിച്ച പദ്ധതിയാണ് ഇത്. കാറ്ററിംഗ് ബിസിനസ് നടത്തുന്നവര്ക്കോ, നടത്താൻ ആഗ്രഹിയ്ക്കുന്നവര്ക്കോ സഹായം ലഭിയ്ക്കും. അടുക്കളയിലേയ്ക്ക് ഉപകരണങ്ങൾ വാങ്ങുന്നതിനും ബിസിനസ് വിപുലീകരിയ്ക്കുന്നതിനും ഒക്കെ
തുക വിനിയോഗിയ്ക്കാം. വനിതകൾക്കായുള്ള മികച്ച ബിസിനസ് ലോണുകളിൽ ഒന്നാണിത്.