ഹോം ലോൺ; ശ്രദ്ധിക്കാനുണ്ട് നിരവധി കാര്യങ്ങൾ

ഇന്ത്യയിലെ റിയൽ എസ്റ്റേറ്റ് രംഗം കുതിപ്പിന്റെ പാതയിലാണ്. ഭൂരിഭാഗം ആളുകളുടെയും സ്വപ്നമാണ് സ്വന്തമായി ഒരു വീട് എന്നത്. ഇതു രണ്ടും ചേർന്നു വരുന്നത് ഭവനവായ്പകൾക്കാണ് ഗുണകരമാവുന്നത്. മിക്കവരും, സ്വന്തം വീടെന്ന സ്വപ്നം യാഥാർത്ഥ്യമാക്കാൻ ഹോം ലോണിനെയാണ് ആശ്രയിക്കാറുള്ളത്. എന്നാൽ ഇവ ദീർഘകാലത്തേക്കാണ് ലഭ്യമായിട്ടുള്ളത്. വിവിധ ധനകാര്യ സ്ഥാപനങ്ങളുടെ പലശി നിരക്കുകളിലും കാര്യമായ വ്യത്യാസമുണ്ടായിരിക്കും.

കൂടാതെ റിസർവ് ബാങ്ക് അടുത്തിടെയായി റിപ്പോ നിരക്കുകളിൽ വലിയ വർധന വരുത്തുന്നുമുണ്ട്. എക്സ്റ്റേണൽ ബെഞ്ച്മാർക്കുമായി ലിങ്ക് ചെയ്യുന്ന ഭവനവായ്പാ നിരക്കുകളിലും ഇതിന് ആനുപാതികമായ വർധന ദൃശ്യമാകുന്നു. എന്നാൽ മുൻവർഷങ്ങളിൽ ഭവനവായ്പാ പലിശ നിരക്കുകൾ ചരിത്രത്തിലെ തന്നെ ഏറ്റവും താഴ്ന്ന നിരക്കിൽ എത്തിയിരുന്നു.

Also Read : എൽപിജി സിലിണ്ടറുകളിൽ ക്യുആർ കോഡ്; നിങ്ങൾക്കുള്ള നേട്ടങ്ങൾ അറിയാം

സാധാരണയായി ഭവനവായ്പ എടുക്കുക, തിരിച്ചടവ് നടത്തിപ്പോരുക എന്നതാണ് മിക്കവരും ചെയ്യുന്നത്. എന്നാൽ ഇക്കാര്യത്തിൽ ഒരു വിലയിരുത്തൽ നടത്താൻ പലരും മെനക്കെടാറില്ല. എന്നാൽ ഒരു ഭവനവായ്പ നിങ്ങളുടെ ഏറ്റവും വലിയ ചിലവുകളിൽ ഒന്നാണെന്ന് മനസ്സിലാക്കുക. നിങ്ങൾ ഇത് ആക്ടീവായി മാനേജ് ചെയ്യുകയാണെങ്കിൽ ധാരാളം പണം ലാഭിക്കാൻ നിങ്ങൾക്കു സാധിക്കും.

എപ്പോഴാണ് തുടങ്ങേണ്ടത് ?
പ്രീ ഇഎംഐ ഓപ്ഷൻ ഇന്ന് മിക്ക ബാങ്കുകളും നൽകാറുണ്ട്. നിങ്ങൾ പ്രോപർട്ടി സ്വന്തമാക്കുന്നതിനു മുമ്പ് പ്രതീക്ഷിത ഇഎംഐ തുകയേക്കാൾ കുറച്ചാണ് ഇവിടെ നൽകേണ്ടത്. എന്നാൽ ഇത്തരം തിരിച്ചടവുകൾ നടത്തുമ്പോൾ പലിശയാണ് തിരിച്ചടവ് നടത്തുന്നതെന്ന് ഓർമിക്കാം. പ്രിൻസിപ്പൽ ലോൺ തുകയിലേക്ക് തിരിച്ചടവ് നടക്കുന്നില്ല. ആ തുക അങ്ങനെ തന്നെ നിലനിൽക്കുന്നു. നിങ്ങളുടെ വീട് സംബന്ധമായ പ്രൊജക്ട് ഏതെങ്കിലും കാരണവശാൽ മുടങ്ങുകയോ, തടസ്സപ്പെടുകയോ ചെയ്താൽ നിങ്ങൾ വർഷങ്ങളോളം പ്രീ ഇഎംഐ തുക അടയ്ക്കേണ്ടതായി വരുന്നു.

ഇവിടെ പലപ്പോഴും വായ്പ നൽകിയ ധനകാര്യ സ്ഥാപനത്തിനാണ് നേട്ടമുണ്ടാവുന്നത്. നിങ്ങൾ ഹോം ലോൺ എടുത്ത ഉടൻ തന്നെ പ്രിൻസിപ്പൽ തുക കുറച്ചു കൊണ്ടുവരാനാണ് ശ്രമിക്കേണ്ടത്. എത്രയും നേരത്തെ നിങ്ങൾക്ക് പ്രിൻസിപ്പൽ തുക കുറയ്ക്കാൻ സാധിക്കുന്നുവോ അത്രയും നേട്ടം ലഭിക്കുന്നു. അതിനാൽത്തന്നെ പ്രീ ഇഎംഐ ഓപ്ഷൻ സ്കിപ് ചെയ്യുകയും, എത്രയും വേഗം റെഗുലർ ഇഎംഐ സ്കീമിലേക്കു മാറുകയും വേണം.

Also Read : ദിവസവും 10 രൂപ നിക്ഷേപിക്കാനുണ്ടോ ? ഡിജിറ്റൽ ഗോൾഡിൽ നിന്ന് നേട്ടം കൊയ്യാം

ആർബിഐ നിരക്കുമാറ്റങ്ങൾക്കനുസരിച്ച് നിങ്ങളുടെ ഭവനവായ്പയുടെ പലിശനിരക്കുകളിലും മാറ്റം വരുമെന്ന് ഓർത്തിരിക്കാം. ഒരു വർഷം പല തവണ ഇത്തരത്തിൽ മാറ്റം വരാം. ഇവിടെ ബാങ്ക് എന്തു നടപടിയാണ് കൈക്കൊള്ളുന്നതെന്ന് ശ്രദ്ധിക്കാവുന്നതാണ്. നിങ്ങളുടെ ഇഎംഐ തുക വർധിപ്പിക്കുകയോ, ലോൺ കാലാവധി ദീർഘിപ്പിക്കുകയോ ആണ് സാധാരണ ചെയ്യാറുള്ളത്.

എല്ലാ മൂന്നു മാസം കൂടുമ്പോഴും നിങ്ങളുടെ ഭവനവായ്പ റിവ്യൂ ചെയ്യാവുന്നതാണ്. ഇഎംഐ യിൽ എന്തെങ്കിലും മാറ്റം വന്നിട്ടുണ്ടോ ? പലിശ നിരക്ക്, കാലാവധി എന്നിവയിൽ മാറ്റങ്ങൾ ഉണ്ടോ ? തുടങ്ങിയ കാര്യങ്ങൾ പരിശോധിക്കാവുന്നതാണ്.

പലിശ നിരക്കുകൾ വർധിക്കുകയാണെങ്കിൽ പ്രീപേയ്മെന്റ് നടത്തുകയോ, വായ്പാ കാലാവധി വർധിപ്പിക്കുകയോ ചെയ്യാവുന്നതാണ്. മിക്ക വായ്പകളിലും വായ്പാ കാലവധി അവസാനിക്കാറാകുമ്പോൾ പ്രിൻസിപ്പൽ തുകയിലേക്കാണ് കൂടുതൽ തുകയും പോകുന്നത്. അതിനാൽത്തന്നെ ചിന്തിക്കാതെ പെട്ടെന്ന് ലോൺ ക്ലോസ് ചെയ്യാം എന്നു കരുതുന്നതും യുക്തമല്ല.

Read Latest Business News and Malayalam News