കൊവിഡ് 19; വീടുകൾക്ക് വില കുറയും

ബെംഗളൂരൂ: സ്ഥല വില ഒരു പതിറ്റാണ്ടിനിടയിലെ ഏറ്റവും താഴ്ന്ന നിലയിലേക്ക് എത്തിയേക്കും എന്ന് പ്രവചനം. റെസിഡൻഷ്യൽ പ്രോപ്പ‍ര്‍ട്ടികളുടെ വില ഇടിയാൻ ഇടയുണ്ടെന്ന് റോയിട്ടേഴ്സ് സ‍ര്‍വേയാണ് വ്യക്തമാക്കിയിരിക്കുന്നത്..കൊറോണ പ്രതിസന്ധിയുടെ പശ്ചാത്തലത്തിൽ ഈ വ‍ര്‍ഷം തന്നെ റിയൽ എസ്റ്റേറ്റ് മേഖലയിൽ ഇടിവുണ്ടായേക്കും.

കൊറോണ പ്രതിസന്ധിയ്ക്കു മുമ്പ് തന്നെ മാന്ദ്യത്തിലായിരുന്ന റിയൽ എസ്റ്റേറ്റ് മേഖലയിൽ പ്രതിസന്ധി കൂടുതൽ ഇടിവിന് കാരണമാകും. പുതിയ വീടു വാങ്ങാൻ ആഗ്രഹിയ്ക്കുന്നവർക്ക് ഈ അവസരം പ്രയോജനപ്പെടുത്താം.

Also Read: വാടക ഇനത്തിൽ നല്ലൊരു തുക നഷ്ടമാകുന്നുണ്ടോ? വീടു വാങ്ങാൻ ഇതാണ് മികച്ച അവസരം

കഴിഞ്ഞ വര്‍ഷം വീടുകളുടെ വിൽപ്പന വിലയിൽ 3.3 ശതമാനം വ‍ര്‍ധനയുണ്ടായിരുന്നു. എന്നാൽ റിസ‍ര്‍വ് ബാങ്ക് റിയൽ എസ്റ്റേറ്റ് രംഗത്ത് കൂടുതൽ നിയന്ത്രണങ്ങൾ കൊണ്ടു വന്നതിന് ശേഷം പൊതുവേ ഓഹരി വില ഇടിയുകയാണ്. 2020-ൽ അഞ്ചു ശതമാനം വരെ വില ഇടിവാണ് ഈ രംഗത്ത് പ്രതീക്ഷിയ്ക്കുന്നത്.

2021-ൽ ഇത് 3.0 ശതമാനം ആയിരിക്കും എന്നാണ് കണക്കാക്കുന്നത്. റിയൽ എസ്റ്റേറ്റ് രംഗത്ത് ഈ വ‍ര്‍ഷം 12 ശതമാനം വില ഇടിവും 2021-ൽ 10 ശതമാനം വരെ വില ഇടിവുമാണ് പ്രതീക്ഷിയ്ക്കുന്നത്. റെസിഡൻഷ്യൽ പ്രോപ്പർട്ടികൾക്ക് 20 ശതമാനം വരെ വില ഇടിവ് പ്രവചിയ്ക്കുന്നവരുമുണ്ട്.