സ്വര്‍ണം കൈവശമുണ്ടോ? കൈയിൽ സൂക്ഷിക്കാവുന്ന സ്വര്‍ണത്തിനുമുണ്ട് പരിധി

വിവാഹിതയായ ഒരു സ്ത്രീക്ക് രാജ്യത്ത് 500 ഗ്രാം സ്വര്‍ണം വരെ കൈവശം വയ്ക്കാനാകും. ഇതിന് ആദായ നികുതി നിയമങ്ങൾ ബാധകമാക്കില്ല. അവിവാഹിതയായ ഒരു സ്ത്രീക്ക് 250 ഗ്രാം സ്വര്‍ണവും കുടുംബത്തിലെ പുരുഷാംഗങ്ങൾക്ക് 150 ഗ്രാം വീതവും കൈവശം വയ്ക്കാം. ഈ പരിധിയിൽ ഉള്ള സ്വര്‍ണമാണ് കൈവശമുള്ളതെങ്കിൽ ആദായ നികുതി റിട്ടേൺ പ്രകാരമുള്ള വരുമാനവുമായി യോജിക്കുന്നില്ലെങ്കിലും കണ്ടു കെട്ടാനാകില്ല.

ഉറവിടം വെളിപ്പെടുത്താനാകാത്ത സ്വര്‍ണമാണ് കൈവശമുള്ളതെങ്കിൽ അത് പിടിച്ചെടുക്കാൻ ആദായ നികുതി വകുപ്പിനാകും. ആദായ നികുതി നിയമത്തിലെ 132-ാം വകുപ്പ് പ്രകാരമാണിത്. അതുപോലെ ആദായ നികുതി റിട്ടേൺ പ്രകാരം കാണിച്ച വരുമാനത്തിലും കൂടുതലാണ് കൈവശമുള്ള സ്വര്‍ണത്തിൻെറ മൂല്യമെങ്കിലും കണ്ടുകെട്ടാം. എന്നാൽ പരമ്പരാഗതമായി ലഭിച്ചതുൾപ്പെടെയുള്ള സ്വര്‍ണത്തിൻെറ ഉറവിടം വ്യക്തമാക്കാൻ കഴിയുമെങ്കിൽ ഇത് കണ്ടുകെട്ടാനാകില്ല. വാങ്ങിയ സ്വര്‍ണമാണ് കൈവശമുള്ളതെങ്കിൽ അതിൻെറ ഇൻവോയിസുകളും പരമ്പരാഗതമായി ലഭിച്ചതാണ് സ്വര്‍ണമെങ്കിൽ വിൽപ്പത്രവും വേണം.