എൽജിഎസ് പദ്ധതിയ്ക്ക് കീഴിൽ ലോൺ ലഭിയ്ക്കുന്നത് ആര്‍ക്കൊക്കെ?
സൂക്ഷ്മ, ചെറുകിട സംരംഭങ്ങൾക്കാണ് ലോൺ ലഭിയ്ക്കുക. മൊത്തം വായ്പാ കുടിശ്ശിക 50 കോടി രൂപയും വിറ്റുവരവ് 250 കോടി രൂപയും കവിയരുത്. 25 കോടി രൂപ വരെ നേരത്തെ ലോൺ എടുത്തിട്ടുള്ളവര്‍ക്ക് അതിൻെറ 20 ശതമാനമാണ് വായ്പയായി ലഭിയ്ക്കുക.അതേസമയം വായ്പാ അക്കൗണ്ട് നിഷ്ക്രിയാസ്തിയിൽ പെട്ടതായിരിക്കരുത് .
വായ്പാ തിരിച്ചടവ് കാലാവധി നാലു വര്‍ഷമാണ്. ആദ്യ ഒരു വര്‍ഷം മോറട്ടോറിയം ലഭ്യമാണ്. പരമാവധി9.25 ശതമാനം പലിശയായിരിയ്ക്കും ഈടാക്കുക. സര്‍ക്കാര്‍ 100 ശതമാനം ഗ്യാരൻറി നൽകുന്നതിനാൽ പ്രത്യേക ജാമ്യത്തിൻെറ ആവശ്യം ഇല്ല എന്നതും ശ്രദ്ധേയമാണ്.
പദ്ധതിയ്ക്കായി അപേക്ഷിയ്ക്കുന്നത് എങ്ങനെ?
നേരത്തെ വായ്പ എടുത്തിട്ടുള്ള ബാങ്കിൽ തന്നെ അധിക വായ്പ ലഭിയ്ക്കുന്നതിനായി അപേക്ഷ നൽകാം. ഷെഡ്യൂൾഡ് ബാങ്കുകളും ബാങ്ക് ഇതര ധനകാര്യ സ്ഥാപനങ്ങളും ഉൾപ്പെടെ പദ്ധതിയ്ക്ക് കീഴിൽ സംരംഭകര്‍ക്ക് ലോൺ നൽകുന്നുണ്ട്. ബാങ്ക് ഇതര ധനകാര്യസ്ഥാപനങ്ങളിൽ നിന്നാണ് പദ്ധതിയ്ക്ക് കീഴിൽ വായ്പ എടുക്കുന്നത് എങ്കിൽ പരമാവധി പലിശ നിരക്ക് 14 ശതമാനം വരെ ആയിരിയ്ക്കും.
മറ്റു ലോണുകൾ പോലെ അപ്രൂവലിനായി അധിക കാലതാമസം വേണ്ടി വരില്ല എന്നതാണ് മറ്റൊരു സവിശേഷത. ലോണിന് ഒരു വര്‍ഷത്തെ മോറട്ടോറിയം ലഭ്യമാകുമെങ്കിലും ഈ കാലയളവിൽ പലിശ നൽകേണ്ടതുണ്ട്. 36 പ്രതിമാസ തവണകളായി ആകും മൊത്തം തുക അടച്ചു തീര്‍ക്കേണ്ടത്.