ഇക്കാലത്ത് നിങ്ങളെ കടക്കെണിയിലാക്കുന്ന കാര്യങ്ങൾ

ഇക്കാലത്ത് നിങ്ങളെ കടക്കെണിയിലാക്കുന്ന നിരവധി മാർഗങ്ങൾ തുറന്നു കിടക്കുകയാണ്. നിങ്ങളുടെ ക്രെഡിറ്റ് ഹിസ്റ്ററി ഇന്നത്തെ കാലത്ത് വായ്പ ലഭിക്കാനുള്ള ഒരു പ്രധാന ഘടകമായിരിക്കെ കടക്കെണി എന്ന അപകടം ഒഴിവാക്കേണ്ടതു തന്നെയാണ്. പഴയ കാലത്തേതിൽ നിന്നു വ്യത്യസ്തമായി സാധനങ്ങളും, സേവനങ്ങളും വില്പന നടത്താൻ കമ്പനികൾ മത്സരിക്കുന്ന കാഴ്ചയാണിന്ന്. ഏതെങ്കിലും വിധത്തിൽ സെയിൽസ് വർധിപ്പിക്കാൻ കമ്പനികൾ ശ്രമിക്കുമ്പോൾ കടുത്ത മത്സരം ഉണ്ടാകുന്നു. ഇതിന്റെ ഫലമായി ക്രെഡിറ്റ് സ്കോർ പോലും പരിഗണിക്കാതെ വായ്പാ സൗകര്യങ്ങൾ ലഭ്യമാകുന്നു.

കടക്കെണി എന്ന അപകടം ഒഴിവാക്കേണ്ടതു തന്നെയാണ്. ലളിതമായി വായ്പ ലഭിക്കുന്നത് ഒരു വ്യക്തിയുടെ പർ‍ച്ചേസിങ് പവർ വർധിപ്പിക്കും എന്നത് ശരിയാണ്. എന്നാൽ കൃത്യസമയത്തെ തിരിച്ചടവ് മുടങ്ങിയാൽ നിങ്ങളുടെ ക്രെ‍ഡിറ്റ് സ്കോറിനെ ഇത് സാരമായി ബാധിക്കുന്നു. ഇതിനാൽത്തന്നെ പർച്ചേസിങ് നടത്തുമ്പോൾ ബാലൻസ്ഡ് ആയ ഒരു സമീപനം പിന്നീടുങ്ങ ബുദ്ധിമുട്ടുകളിൽ നിന്ന് ഒരു പരിധി വരെ നിങ്ങളെ സംരക്ഷിക്കും.

Also Read :മകളുടെ ആവശ്യങ്ങൾ; 250 രൂപ നീക്കിവെച്ച് നിക്ഷേപം തുടങ്ങിയാലും അഞ്ച് ലക്ഷം രൂപ

ഇന്ന് ക്രെഡിറ്റ് കാർഡുകൾ ഉപയോഗിച്ച് ഇഎംഐയിലേക്ക് പർച്ചേസുകൾ കൺവേർട് ചെയ്യാൻ സാധിക്കും. ഇത്, സാധങ്ങൾ എളുപ്പത്തിൽ വാങ്ങാൻ ആളുകളെ സഹായിക്കുന്നു. എന്നാൽ ഇവയ്ക്കും ചില ചാർജുകൾ ബാധകമായിരിക്കും. ദീർഘകാല ഇഎംഐ കാലാവധിയിൽ ഇത്തരം പർച്ചേസുകൾ നടത്തുന്നത് താരതമ്യേന റിസ്കാണെന്നു കരുതേണ്ടി വരും. ഇവിടെ, ഏതെങ്കിലും കാരണവശാൽ തിരിച്ചടവ് മുടങ്ങിയാൽ അത് നിങ്ങളുടെ ക്രെഡിറ്റ് പ്രൊഫൈലിനെ ദോഷകരമായി ബാധിക്കുന്നു.

ക്രെഡിറ്റ് കാർഡുകൾ 40 മുതൽ 50 വരെ ദിവസങ്ങളിലേക്ക് പലിശയില്ലാതെ പണം ലഭ്യമാക്കുന്നുണ്ട്. എന്നാൽ സാമ്പത്തിക അച്ചടക്കമില്ലാത്തവരെ സംബന്ധിച്ച് ക്രെ‍ഡിറ്റ് കാർഡ് ബില്ലുകൾ ഭാരമായി മാറുന്നു. ഉത്തരവാദിത്തമില്ലാതെ പണം ചിലവഴിക്കുന്നത് കടക്കെണിയിലേക്ക് തന്നെയാണ് നിങ്ങളെ നയിക്കുന്നത്.

നിങ്ങളുടെ വ്യക്തിഗത വിവരങ്ങൾ സുരക്ഷിതമായി സൂക്ഷിക്കേണ്ടതാണ്. ബാങ്കിൽ നിന്നും, ക്രെഡിറ്റ് കാർഡ് കമ്പനകളിൽ നിന്നും ലഭിക്കുന്ന റിപ്പോർട്ടുകൾ സൂക്ഷ്മതയോടെ പരിശോധിക്കേണ്ടതും ആവശ്യമാണ്. തിരിച്ചടവുകൾ കൃത്യമാക്കാൻ സഹായിക്കുന്ന ആപ്ലിക്കേഷനുകൾ ഇന്ന് ലഭ്യമാണ്. ഇത്തരത്തിൽ ക്രെഡിറ്റ് പ്രൊഫൈൽ ആരോഗ്യകരമായി നിലനിർത്തുന്നതിന് സാങ്കേതിക വിദ്യയുടെ സഹായം തേടാവുന്നതുമാണ്.

Read Latest Business News and Malayalam News