ശതകോടീശ്വരൻ ആകാൻ എന്തു ചെയ്യണം; നിക്ഷേപ രഹസ്യം വെളിപ്പെടുത്തി ബിൽഗേറ്റ്സ്

കൊച്ചി: ലോകത്തിലുള്ള എല്ലാ സമ്പന്നർക്കും ബിസിനസുകാർക്കും ഒക്കെ മാതൃകയാണ് ശതകോടീശ്വരനായ ബിൽഗേറ്റ്സ്. ലോകത്തെ ഏറ്റവും വലിയ സമ്പന്നനായിരുന്ന അദ്ദേഹം ഇപ്പോൾ ഈ പട്ടികയിൽ രണ്ടാം സ്ഥാനത്താണെങ്കിലും ഇപ്പോഴും സമ്പത്തു സ്വരുക്കൂട്ടുന്നതിന് അദ്ദേഹം മുൻഗണന നൽകാറുണ്ട്. ഈ സമ്പാദ്യത്തിൻറെ ഒരു ഭാഗം ബിൽ ആൻഡ് മെലിൻഡ ഗേറ്റ്സ് ഫൗണ്ടേഷനിലൂടെ ഉൾപ്പെടെ ജീവകാരുണ്യ പ്രവർത്തനങ്ങൾക്കായി ചെലവഴിയ്ക്കുന്നു.

തൻറെ നിക്ഷേപ രഹസ്യം വെളിപ്പെടുത്താനും ജീവിത പാഠങ്ങൾ മറ്റുള്ളവരുമായി പങ്കു വയ്ക്കാനുമൊന്നും മൈക്രോസോഫ്റ്റ് സ്ഥാപകനായ ബിൽഗേറ്റ്സിന് യാതൊരു മടിയുമില്ല.
2019ൽ മാത്രം 17,00 കോടി ഡോളർ അദ്ദേഹം സമ്പാദിച്ചത് ഓഹരി നിക്ഷേപത്തിലൂടെയായിരുന്നു. 10,000 കോടി ഡോളറിലധികം അദ്ദേഹം ഓഹരി നിക്ഷേപത്തിലൂടെ സമാഹരിയ്ക്കുന്നുണ്ട്.

Also Read: ഇനി ബാങ്കിങ് സേവനങ്ങൾ വിരൽത്തുമ്പിൽ; വാട്സാപ്പ് ബാങ്കിങ്ങുമായി കൂടുതൽ ബാങ്കുകൾ

ദീർഘകാലാടിസ്ഥാനത്തിലെ ഓഹരി നിക്ഷേപം സമ്പത്ത് വളർത്തി

ബിൽഗേറ്റ്സിൻറെ നിക്ഷേപത്തിൻറെ 60 ശതമാനത്തിൽ ഏറെയും ഓഹരികളിലാണ്. 2019-ൽ ബിൽഗേറ്റ്സിൻറെ കുടുംബാംഗങ്ങൾക്ക് മാത്രം 6000 കോടി ഡോളറിൻറെ ഓഹരി നിക്ഷേപം ഉണ്ടായിരുന്നു. എന്നാൽ ബിൽഗേറ്റ്സിൻറെ ഉടമസ്ഥതയിലുള്ള ഓഹരികൾ ഒറ്റയടിയ്ക്ക് ഉയർന്ന വരുമാനം നൽകുന്നവയല്ല.

ഇതിനു പിന്നിൽ ഒരു കാരണമുണ്ട്. ഓഹരി നിക്ഷേപത്തിലൂടെ അടുത്ത ഏതാനും വർഷങ്ങളിൽ മുൻ വർഷങ്ങളേക്കാളും വരുമാനം ഒന്നും അദ്ദേഹം പ്രതീക്ഷിയ്ക്കുന്നില്ല. മറിച്ച് വരുമാനം കുറയാനിടയുണ്ട് എന്നാണ് അനുമാനം. എങ്കിലും നിക്ഷേപം തുടരുന്നു.

ദീർഘകാലാടിസ്ഥാനത്തിൽ മികച്ച ഓഹരികളിൽ നിക്ഷേപം നടത്തുന്നതാണ് അദ്ദേഹത്തിൻറെ നിക്ഷേപ തന്ത്രം. യുഎസിലെ വളർച്ചാ സാധ്യതയുള്ള ബിസിനസുകളിൽ നിക്ഷേപം നടത്തുന്നതുപോലെ വളർന്നു കൊണ്ടിരിയ്ക്കുന്ന ആഗോള സ്ഥാപനങ്ങളുടെ ഓഹരികകളിൽ അദ്ദേഹത്തിന് നിക്ഷേപം ഉണ്ട്.

Also Read: വരുമാനം ഇരട്ടിയ്ക്കണോ? സ്വ‍ര്‍ണത്തിൽ നിക്ഷേപിയ്ക്കാം.

ഒരു വർഷം 1 ലക്ഷം ഡോളറിൽ താഴെ വരുമാനമുള്ളവർക്ക് സമ്പത്തുണ്ടാക്കാൻ നൽകാനുള്ള നിർദേശം എന്താണെന്ന് ഒരിക്കൽ ഒരാൾ ബിൽഗേറ്റ്സിനോട് ചോദിച്ചിരുന്നു. നിങ്ങളുടെ തന്നെ വിദ്യാഭ്യാസത്തിനായി തുക നിക്ഷേപിയ്ക്കണം എന്ന് പറയും എന്നതായിരുന്നു അദ്ദേഹത്തിൻറെ മറുപടി. ബിസിനസിലെ പ്രതിസന്ധി ഘട്ടത്തിൽ അദ്ദേഹം മാതൃകയാക്കിയത് മറ്റുള്ളവരെയാണ്. ദ മോസ്റ്റ് പവർഫുൾ ഐഡിയ ഇൻ ദ വേൾഡ് ഉൾപ്പെടെയുള്ള പുസ്തകങ്ങൾ അദ്ദേഹത്തെ ഏറെ സ്വാധീനിച്ചിട്ടുണ്ടത്രെ.