ടൂ വീലര്‍ വാങ്ങണോ? ഡെബിറ്റ് കാര്‍ഡിലൂടെ ഒരു രൂപ നൽകിയും വാങ്ങാം

കൊച്ചി: ഡെബിറ്റ് കാര്‍ഡിലൂടെ ഫെഡറൽ ബാങ്ക് ഉപഭോക്താക്കൾക്ക് ഇനി എളുപ്പത്തിൽ ഇരുചക്ര വാഹന വായ്പ. ഇഎംഐ അടിസ്ഥാനമാക്കി ഇരുചക്ര വാഹനങ്ങൾ വാങ്ങാൻ ഉപഭോക്താക്കളെ സഹായിക്കുന്നത് ആണ് ഫെഡറൽ ബാങ്ക് അവതരിപ്പിച്ച പുതിയ പദ്ധതി. ഹീറോ മോട്ടോര്‍ കോര്‍പ്, ഹോണ്ട മോട്ടോര്‍ സൈക്കിൾ,ടിവിഎസ് എന്നീ കമ്പനികളുടെ 947 ഷോറൂമുകളിൽ നിന്ന് ഇരുചക്രവാഹനങ്ങൾ വാങ്ങാം. ഒരു രൂപ മാത്രം മുടക്കിയും തവണ വ്യവസ്ഥയിൽ വാഹനം വാങ്ങാം

വായ്പയ്ക്ക് പ്രത്യേക പ്രോസസിങ് ചാര്‍ജുകൾ ഇല്ല എന്നതാണ് പ്രധാന ആകര്‍ഷണം. ഇഎംഐ തെരഞ്ഞെടുക്കാൻ ഉപഭോക്താക്കൾക്ക് സ്വാതന്ത്ര്യം ഉണ്ടായിരിയ്ക്കും. മൂന്നു മാസമോ, ആറു മാസമോ, ഒൻപതു മാസമോ ഒക്കെ കൂടുമ്പോൾ ഇഎംഐ അടയ്ക്കാനുള്ള ഓപ്ഷൻ ഉണ്ട്. കൊവിഡ് കാലത്ത് ബാങ്ക് ശാഖ സന്ദര്‍ശിയ്ക്കാതെ ഓൺലൈനായി തന്നെ ഇടപാടുകൾ നടത്താനാകും .

Also Read: സ്ഥിര നിക്ഷേപത്തിൽ നിന്ന് വരുമാനം കൂട്ടണോ? കുറുക്കു വഴികളുണ്ട്

എങ്ങനെ വാഹന വായ്പ ലഭിയ്ക്കും?

ഇതിനായി DC EMI എന്ന ഫോര്‍മാറ്റിൽ 5676762 എന്ന നമ്പറിലേയ്ക്ക് എസ്എംഎസ് അയയ്ക്കാം. ഡെബിറ്റ് കാര്‍ഡ് 7812900900 എന്ന നമ്പറിലേയ്ക്ക് മിസ്ഡ് കോൾ ചെയ്താൽ ഇരുചക്ര വാഹന വായ്പ നേടാൻ യോഗ്യത ഉണ്ടോ എന്ന് അറിയാൻ ആകും.

ഉത്സവകാലത്തോട് അനുബന്ധിച്ച് ഹോണ്ട മോട്ടോര്‍ സൈക്കിൾ ഷോറൂമിൽ നിന്ന്
ഡെബിറ്റ് കാര്‍ഡ് ഇഎംഐയിൽ വാഹനം വാങ്ങുമ്പോൾ അഞ്ചു ശതമാനം ക്യാഷ്ബാക്ക് ഓഫര്‍ ലഭിയ്ക്കും.
ആമസോൺ,ഫ്ലിപ് കാര്‍ട്ട് തുടങ്ങിയ ഓൺലൈൻ പോര്‍ട്ടലുകളിൽ നിന്ന് ഉൾപ്പെടെ മറ്റ് ഉപഭോക്തൃ ഉത്പന്നങ്ങൾ വാങ്ങുന്നതിനും ഫെഡറൽ ബാങ്ക് ഇഎംഐ പദ്ധതി ആരംഭിച്ചിട്ടുണ്ട്.