എന്താണ് ഗോൾഡ് മോണിറ്റൈസേഷൻ പദ്ധതി?
സ്വര്ണം കൈവശമുള്ളവ‍ര്‍ക്ക് പലിശ വാഗ്ദാനം ചെയ്യുന്ന കേന്ദ്ര സര്ക്കാര് പദ്ധതിയാണ് ഗോൾഡ് മോണിറ്റൈസേഷൻ സ്കീം. പദ്ധതിയനുസരിച്ച് വിവിധ കാലയളവിൽ സ്വര്‍ണ നിക്ഷേപം നടത്താം. സ്ഥിര നിക്ഷേപത്തിനും മറ്റും പലിശ ലഭിയ്ക്കുന്നതു പോലെ സ്വര്ണത്തിന് പലിശ നൽകുന്ന പദ്ധതിയാണിത്.
ബാറുകളായോ നാണയങ്ങൾ ആയോ ആഭരണങ്ങൾ ആയോ ഈ പദ്ധതിയിൽ നിക്ഷേപിയ്ക്കാം. കുറഞ്ഞത് 30 ഗ്രാമാണ് നിക്ഷേപിയ്‍ക്കേണ്ടത്. പരമാവധി നിക്ഷേപത്തിന് പരിധി ഇല്ല. എല്ലാ ഷെഡ്യൂൾഡ് വാണിജ്യ ബാങ്കുകളിലും പദ്ധതിയ്ക്ക് കീഴിൽ അക്കൗണ്ട് ഓപ്പൺ ചെയ്യാം.
നിക്ഷേപം നടത്തേണ്ടത് എങ്ങനെ?
സ്വര്‍ണാഭരണങ്ങൾ വിൽക്കാൻ ആഗ്രഹിയ്ക്കുന്നവര്‍ക്കും ഈ പദ്ധതി പ്രയോജനപ്പെടുത്താം. പദ്ധതിയ്ക്ക് കീഴിൽ കുറഞ്ഞ കാലയളവിലേയ്‍ക്കോ ദീര്‍ഘകാലത്തേയ്‍ക്കോ നിക്ഷേപം നടത്താം. ദീര്‍ഘകാലത്തേയ്ക്കാണ് നിക്ഷേപം എങ്കിൽ സ്വര്‍ണത്തിൻെറ മൂല്യം അനുസരിച്ചുള്ള തുകയ്ക്ക് ഒപ്പം പലിശയും തിരികെ ലഭിയ്ക്കും. കുറഞ്ഞ കാലയളവിലാണ് നിക്ഷേപം നടത്തുന്നത് എങ്കിൽ സ്വര്‍ണമായി തന്നെ നിക്ഷേപം പിൻവലിയ്ക്കാം. നിക്ഷേപത്തിന് പലിശ ലഭിയ്ക്കും.
1 മുതൽ മൂന്ന് വര്‍ഷങ്ങൾ വരെ നിക്ഷേപം
ഒന്നു മുതൽ മൂന്ന് വര്‍ഷങ്ങൾ വരെയുള്ള വിവിധ കാലയളവിൽ പദ്ധതിയ്ക്ക് കീഴിൽ സ്വര്ണം നിക്ഷേപിയ്ക്കാം. ഒരു വര്‍ഷം മുതൽ നിശ്ചിത മാസങ്ങളായും നിക്ഷേപം നടത്താം. നിക്ഷേപത്തിൽ നിന്ന് പണം പിൻവലിയ്ക്കുന്നതിന് ഒരു വര്‍ഷ ലോക്ക് ഇൻ പീരിഡ് ഉണ്ടായിരിയ്ക്കും. പലിശ നിരക്ക് ബാങ്കുകൾക്ക് തീരുമാനിയ്ക്കാം. ഒരു വര്‍ഷം മുതൽ മൂന്ന് വര്‍ഷം വരെയുള്ള നിക്ഷേപങ്ങൾക്ക് 0.5 ശതമാനം മുതൽ 0.60 ശതമാനം വരെയാണ് പലിശ ലഭിയ്ക്കുക.
15 വര്‍ഷം വരെ നിക്ഷേപിയ്ക്കാം
പദ്ധതിയ്ക്ക് കീഴിൽ 15 വര്‍ഷം വരെ നിക്ഷേപം നടത്താൻ ആകും. അഞ്ചു വര്‍ഷം മുതൽ ഏഴു വര്‍ഷം വരെയുള്ള നിക്ഷേപങ്ങൾക്ക് 2.20 ശതമാനം പലിശയാണ് ലഭിയ്ക്കുക. 15 വര്‍ഷം വരെയുള്ള നിക്ഷേപങ്ങൾക്ക് 2.50 ശതമാനം പലിശയാണ് ലഭിയ്ക്കുക. 15 വര്‍ഷം വരെയുള്ള നിക്ഷേപങ്ങൾക്ക് 2.50 ശതമാനം പലിശയാണ് ലഭിയ്ക്കുന്നത്. മീഡിയം ടേം ഡിപ്പോസിറ്റുകൾക്ക് മൂന്ന് വര്‍ഷവും ദീര്‍ഘകാല നിക്ഷേപങ്ങൾക്ക് അഞ്ചു വര്‍ഷവും ലോക്ക് ഇൻ പീരിഡ് ഉണ്ടായിരിയ്ക്കും.