ഒരു കോടി രൂപ സമ്പാദിയ്ക്കണോ? പണം ഇങ്ങനെ നിക്ഷേപിച്ചാൽ മതി

കൊച്ചി: മകളുടെ വിവാഹം, വീട്, റിട്ടയർമെൻറ്.. ഇങ്ങനെ വ്യത്യസ്തമായ സ്വപ്നങ്ങൾ ഉണ്ടോ? 10,000 രൂപയ്ക്കു തുല്യമായ തുക വിരമിച്ചശേഷം പ്രതിമാസം ലഭിയ്ക്കുന്നതിന് ആ സമയത്ത് ഏകദേശം ഒരു കോടി രൂപ വേണം. ഇതിന് ജോലി കിട്ടി അധികം വൈകാതെ തന്നെ ഒരു ഓഹരി അധിഷ്ഠിത മ്യൂച്വൽ ഫണ്ടിൽ നിക്ഷേപം നടത്താം.

5,500 രൂപ വീതമെങ്കിലും ദീർഘകാലത്തേയ്ക്ക് മ്യൂച്വൽ ഫണ്ടിൽ നിക്ഷേപിയ്ക്കുകയാണ് വേണ്ടത്. ഇക്വിറ്റി മ്യൂച്വൽ ഫണ്ടിൽ 10-12 ശതമാനം പലിശ ലഭിയ്ക്കുന്ന സമ്പാദ്യ പദ്ധതികളാണ് ഇതിനായി തെരഞ്ഞെടുക്കേണ്ടത്. ടേം ഇൻഷുറൻസ് പോലുള്ള നിക്ഷേപങ്ങൾക്ക് പുറമെയാണിത്.

Also Read: മൂന്നു മാസം കൂടെ വായ്പകൾക്ക് തിരിച്ചടവ് വേണ്ടി വരില്ല

ഫിക്സഡ് ഡെപ്പോസിറ്റ്, റിക്കറിങ് ഡെപ്പോസിറ്റ്, ലഘുസമ്പാദ്യ പദ്ധതികൾ എന്നിവയിലെ നിക്ഷേപത്തിന് പരിമിതികളുണ്ട്. കാരണം ഇവയുടെ പലിശ നിരക്ക് കുറവാണ് എന്നത് തന്നെയാണ്. ഇത്തരം പദ്ധതികളേക്കാൾ ദീർഘകാലാടിസ്ഥാനത്തിൽ നേട്ടം തരുന്നത് എപ്പോഴും മ്യൂച്വൽ ഫണ്ട് നിക്ഷേപം ആകും. മികച്ച പ്രകടനം കാഴ്ച വയ്ക്കുന്ന താരതമ്യേന മോശമല്ലാത്ത റിട്ടേൺ കിട്ടുന്ന ഫണ്ടുകളിൽ വേണം നിക്ഷേപം നടത്താൻ.

ഈ ഫണ്ടുകളുടെ പ്രകടനം ഇടയ്ക്കിടെ വില ഇരുത്തണം. ലോക്ക് ഇൻ പിരീഡിനു ശേഷം ഫണ്ട് സ്ഥിരമായി നിരീക്ഷിയ്ക്കുകയും നിക്ഷേപ രീതിയിൽ മാറ്റം കൊണ്ടു വരികയും വേണം. സുരക്ഷിതത്വം മുൻ നിർത്തി ഡെറ്റ് ഫണ്ടുകളിൽ നിക്ഷേപം നടത്താം എങ്കിലും എപ്പോഴും മികച്ച റിട്ടേൺ തരുന്നത് ഇക്വിറ്റി ഫണ്ടുകൾ തന്നെയാണ്.