ലിക്വിഡ് ഫണ്ടുകൾ/ ബാങ്ക് എഫ്‍ഡി
ഏതു സമയത്തും പണ ലഭ്യത ഉറപ്പാക്കുന്ന ലിക്വിഡ് ഫണ്ടുകളിലെ നിക്ഷേപം ഈ പ്രതിസന്ധി ഘട്ടത്തിൽ നിങ്ങൾക്ക് സഹായകരമാകും. നിക്ഷേപം നടത്തി മൂന്നു വര്‍ഷത്തിനുള്ളിലോ മൂന്ന് വര്‍ഷത്തിനു ശേഷമോ ഇത്തരം ഫണ്ടുകളിൽ നിന്ന് പണം കണ്ടെത്താം. ബാങ്ക് സ്ഥിര നിക്ഷേപങ്ങളാണ് പണം കണ്ടെത്താനുള്ള മറ്റൊരു മാര്‍ഗം. എഫ്‍ഡി സ്ഥിര നിക്ഷേപം പിൻവലിയ്ക്കാൻ ആയാൽ ഒരു ശതമാനം ചാര്‍ജേ ബാങ്ക് ഈടാക്കൂ.
ലോൺ എടുത്താൻ വൻ തുക പലിശ ഇനത്തിൽ നഷ്ടമാകും എന്നതിനാൽ എഫ്‍ഡിയിൽ നിന്ന് തുക പിൻവലിയ്ക്കാം. എഫ്‍ഡിയിൽ നിന്ന് ലോൺ എടുക്കാൻ ആകുമെങ്കിൽ അങ്ങനെ ലോൺ എടുക്കുന്നത് വ്യക്തിഗത വായ്പകളേക്കാൾ ലാഭകരമാകും.
കമ്പനി ഡെപ്പോസിറ്റുകൾ/ ഡെറ്റ് ഫണ്ടുകൾ
താരതമ്യേന റിസ്ക്ക് കൂടിയ കമ്പനി ഡെപ്പോസിറ്റുകളും ഡെറ്റ് ഫണ്ടുകളും ഒരത്യാവശ്യത്തിന് പണം പിൻവലിയ്ക്കാൻ സഹായകരമായവയാണ്. നിക്ഷേപ കാലാവധി താരതമ്യേന കുറവായിരിക്കും എന്നതാണ് പ്രധാന മെച്ചം. അതേസമയം നിക്ഷേപ കാലാവധി പൂര്‍ത്തിയാകാതെയാണ് പണം പിൻവലിയ്ക്കുന്നത് എങ്കിൽ ബാങ്ക് എഫ്‍ഡികളേക്കാൾ ഇത്തരം ഫണ്ടുകൾ പിഴ ഈടാക്കിയേക്കും.
അതുകൊണ്ട് തന്നെ ഭാവിയിലെ ആവശ്യങ്ങളും മുൻനിര്‍ത്തി കമ്പനി ഡെപ്പോസിറ്റുകളുടെയും ഡെറ്റ് ഫണ്ടുകളുടെയും നിക്ഷേപ കാലാവധി തീരുമാനിയ്ക്കാം. മെച്യൂരിറ്റി കാലാവധി കഴിയുമ്പോൾ തുക പിൻവലിച്ച് സ്ഥിര നിക്ഷേപമോ മറ്റും ആക്കാം.
ഏതു സമയത്തും പണം തരും സ്വര്‍ണം
ഏതു സമയത്തും ഉറപ്പുള്ള പണലഭ്യതയാണ് സ്വര്‍ണത്തെ നിക്ഷേപകര്‍ക്കിടയിൽ പ്രിയങ്കരം ആക്കുന്നത്. പഴയ സ്വര്‍ണാഭരണങ്ങൾ വിറ്റോ, നിലവിലുള്ളവ പണയപ്പെടുത്തിയോ പണം കണ്ടെത്താൻ ആകും. ഗോൾഡ് ലോൺ എടുക്കുമ്പോൾ ബാങ്കുകളുടെയും ബാങ്ക് ഇതര ധനകാര്യസ്ഥാപനങ്ങളുടെയും പലിശ നിരക്ക് താരതമ്യം ചെയ്ത് വേണം ലോൺ എടുക്കാൻ. ബാങ്കുകൾ 7 ശതമാനംപലിശയാണ് ഈടാക്കുന്നതെങ്കിൽ 14-16 ശതമാനം പലിശ നൽകേണ്ട സാഹചര്യം ഒഴിവാക്കാം.
ദീര്‍ഘകാലത്തേയ്ക്ക് ആണ് പണത്തിന് ആവശ്യം, തിരിച്ചടവ് മുടങ്ങാൻ ഇടയുണ്ടെങ്കിൽ കൈവശമുള്ള സ്വര്‍ണം നഷ്ടപ്പെടാതെ വിൽക്കാം. ഓരോ മാസം ചെല്ലുന്തോറും സ്വര്‍ണത്തിനു മൂല്യമേറിയേക്കും എന്ന് ഓര്‍ക്കാം