സ്ഥിരമായി യാത്ര ചെയ്യുന്നവരെ സംബന്ധിച്ച് ക്രെഡിറ്റ് കാർഡുകൾ അനുഗ്രഹമാണ്. നിങ്ങളുടെ യാത്രാ സംബന്ധമായ ചിലവുകൾ ക്രെഡിറ്റ് കാർഡുകളിലൂടെ എങ്ങനെ കുറയ്ക്കാം എന്നാണ് ഇവിടെ വിശദീകരിക്കുന്നത്.
ട്രാവൽ കാർഡുകൾ
ഒരു ഹോട്ടലിൽ റൂം ബുക്ക് ചെയ്യുന്നതിനു മുമ്പ് നിങ്ങളുടെ കൈവശമുള്ള ക്രെഡിറ്റ് കാർഡുകൾ എന്തൊക്കെ ഓഫറുകളാണ് നൽകുന്നതെന്ന് പരിശോധിക്കുക. ഇത്തരം വിവരങ്ങൾ ക്രെഡിറ്റ് കാർഡ് കമ്പനിയുടെ വെബ്സൈറ്റിലോ, മൊബൈൽ ആപ്ലിക്കേഷനിലോ തിരയാവുന്നതാണ്.
പൊതുവെ തങ്ങൾക്ക് ടൈ അപ്പുള്ള ക്രെഡിറ്റ് കാർഡുകൾക്കു മാത്രമാണ് ട്രാവൽ കമ്പനികൾ ഡിസ്കൗണ്ടുകൾ, ഓഫറുകൾ എന്നിവ നൽകുക പതിവ്.
സാധാരണ ഗതിയിൽ മിക്ക ക്രെഡിറ്റ് കാർഡുകളും റിവാർഡ് പോയിന്റുകൾ, ഡിസ്കൗണ്ടുകൾ, അധിക ഓഫറുകൾ തുടങ്ങിയവ നൽകാറുണ്ട്. നിങ്ങളുടെ കാർഡിൽ ലഭ്യമായിരിക്കുന്ന ഓഫറുകൾ, വിവിധ മെർച്ചന്റ്സുമായി എങ്ങനെ ബന്ധപ്പെട്ടിരിക്കുന്നു, അതിലൂടെ എന്തൊക്കെ ആനുകൂല്യങ്ങൾ നേടാം തുടങ്ങിയ വിവരങ്ങൾ പരിശോധിക്കുക.
Also Read : പെട്രോൾ പമ്പിൽ ക്രെഡിറ്റ് കാർഡുപയോഗിച്ചാൽ ലാഭമുണ്ടോ ?
ഒരു കോ-ബ്രാൻഡഡ് ക്രെഡിറ്റ് കാർഡ് ഉപയോഗിക്കുക
ഒരു സാധാരണ ക്രെഡിറ്റ് കാർഡ്, ഫ്ലൈറ്റ് ടിക്കറ്റ് ബുക്കിങ്, ഹോട്ടൽ ബുക്കിങ് തുടങ്ങിയവയ്ക്ക് എല്ലായ്പ്പോഴും ഓഫറുകൾ നൽകണമെന്നില്ല. എന്നാൽ ഒരു കോ-ബ്രാൻഡഡ് ക്രെഡിറ്റ് കാർഡാണ് നിങ്ങൾ ഉപയോഗിക്കുന്നതെങ്കിൽ എല്ലാ യാത്രാസംബന്ധമായ വിനിമയങ്ങളിലും ഉയർന്ന ക്യാഷ് ബാക്കുകൾ, ഉയർന്ന റിവാർഡ് പോയിന്റുകൾ തുടങ്ങിയ ആനുകൂല്യങ്ങൾ ലഭിക്കാൻ സാധ്യതയുണ്ട്.
കോ-ബ്രാൻഡഡ് ക്രെഡിറ്റ് കാർഡിൽ, കാർഡ് കമ്പനി, ട്രാവൽ ഏജന്റ് എന്നിവർ ചേർന്നു നൽകുന്ന ആനുകൂല്യങ്ങളാണ് ലഭിക്കുക. ട്രാവൽ ഡീലുകൾ, ഡിസ്കൗണ്ടുകൾ, ലോഞ്ച് ആക്സിസ്, യാത്രാ സംബന്ധമായ ചിലവുകളിൽ അധിക റിവാർഡുകൾ തുടങ്ങിയവ ലഭിക്കും. സ്ഥിരമായി യാത്ര പോകുന്നവരാണെങ്കിൽ ഇത്തരത്തിൽ ഒന്നിലധികം ക്രെഡിറ്റ് കാർഡുകൾ ഉപയോഗിക്കുന്നത് കൂടുതൽ നേട്ടം നൽകും.
റിവാർഡ് പോയിന്റുകൾ ഉപയോഗിക്കുക
ചില ക്രെഡിറ്റ് കാർഡ് കമ്പനികൾ തങ്ങൾ നൽകുന്ന റിവാർഡ് പോയിന്റുകൾ, ഫ്ലൈറ്റ് ടിക്കറ്റുകൾ ബുക്ക് ചെയ്യുക, ഹോട്ടൽ റൂമുകൾക്കായി ബുക്കിങ് നടത്തുക തുടങ്ങിയവയ്ക്കായി കൺവേർ‌ട്ട് ചെയ്ത് നൽകാറുണ്ട്. ഇത്തരം റിവാർഡുകൾ ഉപയോഗിക്കുമ്പോൾ ഒരു നിശ്ചിത തുക പണമായും, ബാക്കി തുക റിവാർഡ് പോയിന്റുകളായും പേയ്മെന്റ് നടത്തേണ്ടി വന്നേക്കാം. ഉയർന്ന റിവാർഡ് പോയിന്റുകൾ ലഭിക്കുന്നവർക്ക് ഇത് നല്ല ഒരു ഓപ്ഷനാണ്.
Also Read : യാത്ര പോകാറുണ്ടോ ? ഈ ക്രെഡിറ്റ് കാർഡുകൾ പരിഗണിക്കാം
റിവാർഡ് പോയിന്റ് എക്സ്പയറി
നിങ്ങളുടെ ക്രെഡിറ്റ് കാർഡിന്റെ റിവാർഡ് പോയിന്റുകൾക്ക് ഒരു എക്സ്പയറി പീരിയഡ് ഉണ്ടായിരിക്കും. എക്സപയറിക്ക് മുമ്പ് നിങ്ങൾ ഇവ ഉപയോഗിക്കേണ്ടതാണ്. യാത്രാ സംബന്ധമായ ചിലവുകൾക്കായി ക്രെഡിറ്റ് കാർഡുകൾ ഉപയോഗിക്കുമ്പോൾ അവയിൽ ഉൾപ്പെട്ടിരിക്കുന്ന ചാർജുകൾ ശ്രദ്ധയോടെ പരിശോധിക്കേണ്ടതാണ്. അധിക ചിലവുകൾ ഒഴിവാക്കാനും, ക്രെഡിറ്റ് പോയിന്റുകൾ പരമാവധി ഉപയോഗുപ്പെടുത്താനും ശ്രദ്ധിക്കാം. വിവിധ ക്രെഡിറ്റ് കാർഡ് കമ്പനികളുടെ ഉല്പന്നങ്ങളിൽ നിങ്ങളുടെ സാഹചര്യങ്ങൾക്ക് അനുയോജ്യമായവ തിരഞ്ഞെടുക്കാം.
Read Latest Business News and Malayalam News