പ്രതിമാസ തിരിച്ചടവ് വേണ്ട; മൂന്ന് ലക്ഷം രൂപ വരെ ഗോൾഡ് ലോൺ

കൊച്ചി: പണത്തിൻെറ അത്യാവശ്യം വന്നാൽ പണലഭ്യത ഉറപ്പാക്കാൻ പ്രത്യേക ഗോൾഡ് ലോണുമായി ഐസിഐസിഐ ബാങ്ക്.ഐസിഐസിഐ ബാങ്കിൽ അക്കൗണ്ട് ഇല്ലാത്തവര്‍ക്കും ഗോൾഡ് ലോൺ ലഭ്യമാകും. മൂന്ന് ലക്ഷം രൂപ വരെയാണ് ഇൻസ്റ്റൻറ് വായ്പ അനുവദിയ്ക്കുക .

തവണ വ്യവസ്ഥയിൽ തിരിച്ചടയ്‍ക്കേണ്ടത് ഇല്ല എന്നതും തിരിച്ചടവ് കാലാവധി എത്തിയതിനു ശേഷം മതി എന്നതുമാണ് മറ്റു വായ്പകളേക്കാൾ ഈ സ്വര്‍ണപ്പണയ വായ്പ ആകര്‍ഷകമാക്കുന്നത്. മിതമായ പലിശ നിരക്കിൽ ഉപഭോക്താക്കൾക്ക് കൂടുതൽ മൂല്യം ഉറപ്പാക്കുന്നതാണ് ലോൺ.

Also Read: ക്രെഡിറ്റ്, ഡെബിറ്റ് കാര്‍ഡ് ഉപഭോക്താക്കൾക്ക് തകര്‍പ്പൻ ഓഫറുകൾ; വിവിധ ബാങ്കുകളുടെ ഓഫറുകൾ അറിയാം

ബിസിനസ് ആവശ്യത്തിനായി ഒരു കോടി രൂപ വരെയുള്ള ഗോൾഡ് ലോണും ബാങ്ക് ലഭ്യമാക്കുന്നുണ്ട്. ഗോൾഡ് ഓവര്‍ഡ്രാഫ്റ്റ് സൗകര്യവും ഉപഭോക്താക്കൾക്ക് ലഭ്യമാണ്. കുറഞ്ഞ ഡോക്യുമെൻേറഷൻ വാഗ്ദാനം ചെയ്യുന്നതിനാൽ എളുപ്പത്തിൽ പണം ലഭ്യമാകും.

പ്രതിവര്‍ഷം 10 ശതമാനം നിരക്കിലാണ് പലിശ ഈടാക്കുക. വരുമാന സര്‍ട്ടിഫിയ്ക്കറ്റോ വരുമാനം തെളിയിക്കുന്ന മറ്റ് രേഖകളോ നൽകേണ്ടതില്ല.മൂന്ന് മാസം, ആറു മാസം, 12 മാസം എന്നിങ്ങനെ വിവിധ തിരിച്ചടവ് കാലാവധി തെരഞ്ഞെടുക്കാം. ഐസിഐസിഐ ബാങ്കിൻെറ എല്ലാ ശാഖകളിലും ലോൺ ലഭ്യമാകും. ഭാഗികമായി പണം തിരിച്ചടയ്ക്കാനുള്ള സൗകര്യവും ലഭിയ്ക്കും.

ഇതുകൂടാതെ ഐസിഐസിഐ ബാങ്ക് ഉപഭോക്താക്കൾക്ക് വ്യക്തിഗത സ്വര്‍ണപ്പണയ വായ്പകളും ബാങ്ക് നൽകുന്നുണ്ട്. സ്വര്‍ണത്തിൻെറ മൂല്യം അനുസരിച്ച് 10,000 രൂപ മുതൽ ഒരു കോടി രൂപ വരെ ലോൺ ബാങ്ക് ഇടപാടുകാര്‍ക്ക് ലഭിയ്ക്കും .