ഈ സ്ഥിതി വരാതിരിക്കാൻ വലിയ തുക ബാങ്കുകളിൽ നിക്ഷേപിക്കാതിരിക്കുന്നതാണ് നല്ലത്. ഒരു ബാങ്കില്‍ ഒരാൾക്ക് പരമാവധി അഞ്ച് ലക്ഷം രൂപവരെ നിക്ഷേപിക്കാം. അക്കൗണ്ടിൽ നിക്ഷേപിക്കുന്ന ഇത്രയും തുക വളരെ സുരക്ഷിതമായിരിക്കും. ബാങ്ക് ഏതുതരത്തിലുള്ള പ്രതിസന്ധി നേരിട്ടാലും നിങ്ങളുടെ പണത്തിന് റിസ്ക് ഉണ്ടാകില്ല. കാരണം ആ പണത്തിന് ഇൻഷുറൻസ് പരിരക്ഷ ലഭിക്കും.
വിവിധ ബാങ്കുകളിലെ നിക്ഷേപം
അഞ്ച് ലക്ഷം രൂപയിൽ കൂടുതൽ തുക കയ്യിലുണ്ടെങ്കിൽ വ്യത്യസ്ത ബാങ്കുകളില്‍ നിക്ഷേപിക്കുന്നതായിരിക്കും നല്ലത്. ഒരു അക്കൗണ്ടിന് പരമാവധി അഞ്ച് ലക്ഷം രൂപ വരെയാണ് പരിരക്ഷ ലഭിക്കുക. അതായത് ഒരു അക്കൗണ്ടിൽ 10 ലക്ഷം രൂപ നിക്ഷേപിച്ചാലും ഇന്‍ഷുറന്‍സ് പരിരക്ഷയായി പരമാവധി അഞ്ച് ലക്ഷം മാത്രമേ ലഭിക്കുകയുള്ളൂ. പിഎംസി ബാങ്കിന്റെ തകര്‍ച്ചയോടെയായിരുന്നു ഒരു ലക്ഷം രൂപ മാത്രം ഉണ്ടായിരുന്ന ഇന്‍ഷുറന്‍സ് പരിരക്ഷ അഞ്ച് ലക്ഷം രൂപയിലേക്ക് കേന്ദ്രസര്‍ക്കാര്‍ ഉയര്‍ത്തിയത്.
Also Read: ഗൂഗിൾ ജോലി വിസ്മയിപ്പിയ്ക്കാൻ ഒട്ടേറെ കാരണങ്ങളുണ്ട്
അക്കൗണ്ടിലെ തുകയ്ക്ക് പരിരക്ഷ നൽകുന്നതാര്?
ഡിപ്പോസിറ്റ് ഇന്‍ഷുറന്‍സ് ആന്‍ഡ് ക്രെഡിറ്റ് ഗ്യാരണ്ടി കോര്‍പ്പറേഷന്‍ ആണ് ബാങ്ക് നിക്ഷേപങ്ങള്‍ക്ക് ഇന്‍ഷുറന്‍സ് പരിരക്ഷ നല്‍കുന്നത്. വ്യത്യസ്ത ബാങ്കുകളിലെ നിക്ഷേപങ്ങൾക്ക് വേർതിരിച്ചാണ് ഇൻഷുറൻസ് പരിരക്ഷ. അതുകൊണ്ട് വിവിധ ബാങ്കുകളിലുള്ള നിക്ഷേപങ്ങള്‍ക്ക് ഓരോന്നിനും പരമാവധി അഞ്ച് ലക്ഷം രൂപ വരെ പരിരക്ഷ ലഭിക്കും. ഒരാളുടെ പേരിൽ വിവിധ ബാങ്കുകളിലുള്ള എല്ലാ അക്കൗണ്ടുകളിലെ നിക്ഷേപങ്ങള്‍ക്കും ഈ പരിരക്ഷ ബാധകമാണ്.
Also Read: വിന്റേജ് വാഹനങ്ങൾക്ക് പ്രത്യേക രജിസ്ട്രേഷൻ; നിയമങ്ങളിൽ മാറ്റം വരുത്തി സർക്കാർ
വിവിധ ബാങ്കുകളിൽനിന്ന് പിൻവലിക്കാവുന്ന തുക
അതേസമയം വിവിധ ബാങ്കുകളുടെ പിൻവലിക്കാൻ തുക വ്യത്യസ്തമായിരിക്കും. ഡെബിറ്റ് കാർഡ് വേരിയന്റ് അനുസരിച്ച് എസ്ബിഐ എടിഎമ്മിൽനിന്ന് പ്രതിദിനം 20,000 മുതൽ ഒരുലക്ഷം വരെ പിൻവലിക്കാം. 50,000 മുതൽ 1.5 ലക്ഷം വരെയാണ് ഐസിഐസിഐ ബാങ്കിന്റെ പ്രതിദിന പിൻവലിക്കൽ പരിധി. എച്ച്ഡിഎഫ്സി ബാങ്കിൽനിന്ന് പ്രതിദിനം ഒരുലക്ഷം വരെ പിൻവലിക്കാം. 40,000 രൂപവരെയാണ് ആക്സിസ് ബാങ്കിൽനിന്ന് ഒരു ദിവസം പിൻവലിക്കാവുന്ന തുക. പഞ്ചാബ് നാഷണൽ ബാങ്കിൽനിന്ന് 15,000 രൂപ പിൻവലിക്കാം.
Also Read: വിന്റേജ് വാഹനങ്ങൾക്ക് പ്രത്യേക രജിസ്ട്രേഷൻ; നിയമങ്ങളിൽ മാറ്റം വരുത്തി സർക്കാർ