കൊച്ചി: ഉപഭോക്താക്കൾക്ക് സാമ്പത്തിക സേവനങ്ങൾ ലഭ്യമാക്കുന്നതിനായി വാഹന ബ്രാൻഡായ ജീപ്പ് ആക്സിസ് ബാങ്കുമായി കൈക്കോർത്തു. ജീപ്പ് വാഹനങ്ങളുടെ ഉപഭോക്താക്കൾക്കും ഡീലർമാർക്കും താങ്ങാനാവുന്ന വായ്പ സൗകര്യം ലഭ്യമാക്കുക എന്ന ലക്ഷ്യത്തോടുകൂടിയാണ് കമ്പനികൾ തമ്മിൽ പങ്കാളിത്തത്തിൽ ഏർപ്പെട്ടത്. രാജ്യത്ത് ജീപ്പിന്റെ ബിസിനസ് വിപുലീകരിക്കുന്നതിനും ഉപഭോക്തൃ അടിത്തറ ഉറപ്പാക്കുന്നതിനും കൂടിയാണ് ഇത്തരമൊരു തന്ത്രപരമായി പങ്കാളിത്തമെന്നും ജീപ്പ് ഇന്ത്യ പ്രസ്താവനയിൽ പറഞ്ഞു. ഉപഭോക്താക്കൾക്കും ജീപ്പ് ബ്രാൻഡ് ഡീലർമാർക്കും പുതിയ പങ്കാളിത്തത്തിന്റെ പ്രയോജനം ലഭിക്കും. പ്രത്യേക പലിശ നിരക്കിൽ വാഹനങ്ങൾ സ്വന്തമാക്കാനുള്ള അവസരമാണ് ജീപ്പ് ഫിനാൻഷ്യൽ സർവീസിലൂടെ ലഭിക്കുക. കൂടാതെ കൂടുതൽ തടസ്സമില്ലാതെ വാഹനങ്ങൾ എളുപ്പത്തിൽ സ്വന്തമാക്കാനും സാധിക്കും. ഇന്ത്യയിലുടനീളമുള്ള ആക്സിസ് ബാങ്കിന്റെ 4586 ശാഖകളിൽ നിന്നും ജീപ്പ് ഉപഭോക്താക്കൾക്ക് സേവനങ്ങൾ ലഭ്യമാക്കും. കൊവിഡിനെ തുടർന്നുണ്ടായ സാമ്പത്തിക മാന്ദ്യം ഉപഭോക്താക്കളെയും കമ്പനികളെയും സാരമായി ബാധിച്ചിരുന്നു.
Also Read: 95 രൂപ നിക്ഷേപിച്ച് 14 ലക്ഷം രൂപ നേടാം; മികച്ച വരുമാനം നൽകും പോസ്റ്റ് ഓഫീസ് പദ്ധതിയെക്കുറിച്ച് അറിയാം
എന്നാൽ സാമ്പത്തിക പ്രവർത്തനങ്ങളുടെ വീണ്ടെടുക്കലും ഉപഭോക്തൃ മുൻഗണന മാറ്റവും കാരണം കഴിഞ്ഞ അഞ്ച് മാസമായി പാസഞ്ചർ വാഹനങ്ങളുടെ വിൽപനയിൽ വലിയ മെച്ചമുണ്ടായിട്ടുണ്ടെന്ന് ജീപ്പ് അവകാശപ്പെട്ടു. അതേസമയം ജീപ്പ് പോലുള്ള ഓട്ടോമൊബൈൽ ബ്രാൻഡുമായുള്ള പങ്കാളിത്തം ഇന്ത്യയിലെ പുതിയ ഉപഭോക്താക്കളിലേക്ക് എത്തിച്ചേരാൻ തങ്ങളെ സഹായിക്കുമെന്ന് ആക്സിസ് ബാങ്ക് റീട്ടെയിൽ വായ്പ പ്രസിഡന്റ സുമിത് ബാലി പറഞ്ഞു. ആക്സിസ് ബാങ്കിനും ജീപ്പ് ഇന്ത്യയ്ക്കും ശക്തമായ ട്രാക്ക് റെക്കോർഡ് ഉണ്ടെന്നും ഈ പങ്കാളിത്തത്തിലൂടെ ഉപഭോക്താക്കൾക്ക് മികച്ച സേവനങ്ങൾ ഉറപ്പാക്കുമെന്നും അദ്ദേഹം കൂട്ടിച്ചേർത്തു.
Also Read: 95 രൂപ നിക്ഷേപിച്ച് 14 ലക്ഷം രൂപ നേടാം; മികച്ച വരുമാനം നൽകും പോസ്റ്റ് ഓഫീസ് പദ്ധതിയെക്കുറിച്ച് അറിയാം
എന്നാൽ സാമ്പത്തിക പ്രവർത്തനങ്ങളുടെ വീണ്ടെടുക്കലും ഉപഭോക്തൃ മുൻഗണന മാറ്റവും കാരണം കഴിഞ്ഞ അഞ്ച് മാസമായി പാസഞ്ചർ വാഹനങ്ങളുടെ വിൽപനയിൽ വലിയ മെച്ചമുണ്ടായിട്ടുണ്ടെന്ന് ജീപ്പ് അവകാശപ്പെട്ടു. അതേസമയം ജീപ്പ് പോലുള്ള ഓട്ടോമൊബൈൽ ബ്രാൻഡുമായുള്ള പങ്കാളിത്തം ഇന്ത്യയിലെ പുതിയ ഉപഭോക്താക്കളിലേക്ക് എത്തിച്ചേരാൻ തങ്ങളെ സഹായിക്കുമെന്ന് ആക്സിസ് ബാങ്ക് റീട്ടെയിൽ വായ്പ പ്രസിഡന്റ സുമിത് ബാലി പറഞ്ഞു. ആക്സിസ് ബാങ്കിനും ജീപ്പ് ഇന്ത്യയ്ക്കും ശക്തമായ ട്രാക്ക് റെക്കോർഡ് ഉണ്ടെന്നും ഈ പങ്കാളിത്തത്തിലൂടെ ഉപഭോക്താക്കൾക്ക് മികച്ച സേവനങ്ങൾ ഉറപ്പാക്കുമെന്നും അദ്ദേഹം കൂട്ടിച്ചേർത്തു.