മൊറോട്ടോറിയം ലഭ്യമാണ്
1.35 കോടി രൂപയാണ് സര്‍ക്കാര്‍ പ്രതിവര്‍ഷം ഇതിനായി വക ഇരുത്തുന്നത്. കേരളത്തിൽ തുടങ്ങുന്ന സ്റ്റാര്‍ട്ടപ്പുകൾക്കും സൂക്ഷ്മ ചെറുകിട ഇടത്തരം സംരഭങ്ങൾക്കും സഹായം ലഭിയ്ക്കും . പുതിയ യൂണിറ്റുകൾക്കാണ് സഹായം. നിലവിലെ ബിസിനസ് വിപുലീകരിയ്ക്കുന്നതിന് സഹായം ലഭ്യമല്ല.
കെഎഫ്സിയുടെ ശാഖകൾ വഴി വായ്പ ലഭ്യമാക്കും. പ്രത്യേക സംരംഭകത്വ പരിശീലന പരിപാടിയും സംരംഭകര്‍ക്കായി ലഭ്യമാക്കും. വായ്പകൾക്ക് പ്രത്യേക മോറട്ടോറിയവും ലഭിയ്ക്കും. മോറട്ടോറിയം കാലയളിലെ പലിശ സംരംഭകര്‍ അടയ്ക്കണ്ടതായി വരും. ഒരു വര്‍ഷം ആണ് പരമാവധി മോറട്ടോറിയം.
വായ്പ ലഭ്യമാകുന്നത് ആര്‍ക്കൊക്കെ?
18 വയസു മുതൽ 50 വയസു വരെ പ്രായമുള്ള സംരംഭകര്‍ക്ക് പദ്ധതിയ്ക്ക് കീഴിൽ ലോണിനായി അപേക്ഷിയ്ക്കാം. വാര്‍ഷിക വരുമാനം ബാധകമല്ല. എന്നാൽ മികച്ച ക്രെഡിറ്റ് ഡിസ്റ്ററി ഉള്ളവര്‍ക്ക് വേഗത്തിൽ ലോൺ ലഭിയ്ക്കും. പ്രൊപ്രൈറ്ററി, പര്‍ട്ണര്‍ഷിപ്പ് സംരംഭങ്ങൾക്കും സഹായം ലഭ്യമാണ്.
ഭൂമി,കെട്ടിടം, വ്യക്തി ജാമ്യം, സര്‍ക്കാര്‍ ഉദ്യോഗസ്ഥ ജാമ്യം, സ്ഥിര നിക്ഷേപം തുടങ്ങിയവ സെക്യൂരിറ്റിയായി സ്വീകരിയ്ക്കും. മൊത്തം ചെലവിൻെറ 10 ശതമാനം സംരംഭകര്‍ വഹിച്ചിരിയ്ക്കണം. വയ്പാ തിരിച്ചടവ് കാലാവധി അഞ്ചു വര്‍ഷം ആണെങ്കിലും സംരംഭം അനുസരിച്ച് പരമാവധി ഏഴു വര്‍ഷം വരെ തിരിച്ചടവു കാലാവധി ലഭിച്ചേക്കാം