ഹ്രസ്വകാല നിക്ഷേപകർക്ക് മികച്ച ഓപ്ഷൻ; ആർബിട്രേജ് യോജനയുമായി മഹീന്ദ്ര മ്യൂച്വൽ ഫണ്ട്

ഇക്വിറ്റി, മ്യൂച്വൽ ഫണ്ട് എന്നിവയിൽ ഹ്രസ്വകാലത്തേക്ക് നിക്ഷേപം നടത്താൻ താൽപര്യപ്പെടുന്നവർക്ക് മികച്ച ഓപ്ഷനുമായി മഹീന്ദ്ര മാൻയുലൈഫ് മ്യൂച്വൽ ഫണ്ട്. ആർബിട്രേജ് യോജന എന്ന പേരിലാണ് പുതിയ പദ്ധതി ആരംഭിച്ചത്. ഇക്വിറ്റി, ഡെറിവേറ്റീവുകൾ, കടപ്പത്രങ്ങൾ എന്നിവയിൽ നിക്ഷേപം നടത്തുന്നതിനുള്ള ഓപ്പൺ എൻഡ് പദ്ധതിയാണ് മഹീന്ദ്ര മാൻയുലൈഫ് ആർബിട്രേജ് യോജന. ഹ്രസ്വകാല നിക്ഷേപ ഓപ്ഷനുകൾ തേടുന്ന നിക്ഷേപകർക്ക് ഈ പദ്ധതി അനുയോജ്യമാണെന്ന് മഹീന്ദ്ര മ്യൂച്വൽ ഫണ്ട് പ്രസ്താവനയിൽ പറഞ്ഞു.

താരതമ്യേന കുറഞ്ഞ റിസ്ക്, മികച്ച നികുതി വരുമാനം എന്നിവ ഈ പദ്ധതിയുടെ പ്രത്യേകതകളാണ്. ആർബിട്രേജ് യോജനയിൽ വിപണിയിലെ ചാഞ്ചാട്ടത്തിന് വിധേയമാണെങ്കിലും ഇത് മറ്റുള്ളവയെ അപേക്ഷിച്ച് വളരെ കുറവാണ്. ഒരാഴ്ച നീണ്ടുനിൽക്കുന്ന പദ്ധതിയുടെ സബ്‌സ്‌ക്രിപ്‌ഷൻ ഓഗസ്റ്റ് 12ന് ആരംഭിച്ച് ഓഗസ്റ്റ് 19ന് അവസാനിക്കും. ഓഗസ്റ്റ് 25 മുതൽ തുടർച്ചയായ വിൽപനയ്ക്കും വീണ്ടും വാങ്ങുന്നതിനും ഈ പദ്ധതി തുറക്കും.

Also Read: കൊറോണയെ നേരിടാൻ സംസ്ഥാനങ്ങൾക്ക് കേന്ദ്രത്തിൻെറ 6,195 കോടി; കേരളത്തിന് 1,276.9 കോടി രൂപ ലഭിയ്ക്കും

മാർക്കറ്റിലുടനീളമുള്ള ആർബിട്രേജ് അവസരങ്ങൾ തിരിച്ചറിയുന്നതിനും കുറഞ്ഞ അപകടസാധ്യതയ്ക്കും വരുമാനം നൽകുന്നതിനും ഈ പദ്ധതി മികച്ച ഓഫ്ഷനാണെന്ന് മഹീന്ദ്ര മാനുലൈഫ് മ്യൂച്വല് ഫണ്ട് എംഡിയും സിഇഒയുമായ അശുതോഷ് ബിഷ്നോയ് പറഞ്ഞു.

മഹീന്ദ്ര മാൻയുലൈഫ് ആർബിട്രേജ് യോജന പ്രകാരം ഇക്വിറ്റിയിൽ മിനിമം 65-100 ശതമാനം നിക്ഷേപിക്കാം. ഇക്വിറ്റി ഡെറിവേറ്റീവുകൾ, മണി മാർക്കറ്റ് സെക്യൂരിറ്റികൾ എന്നിവയിൽ 35 ശതമാനം വരെയും നിക്ഷേപിക്കാം. പ്രതിരോധ സാഹചര്യങ്ങളിൽ, ഇക്വിറ്റി ഡെറിവേറ്റീവുകൾ ഉൾപ്പെടെയുള്ള ഇക്വിറ്റി, ഇക്വിറ്റി അനുബന്ധ ഉപകരണങ്ങളിൽ 0 മുതൽ 65 ശതമാനം വരെ നിക്ഷേപം നടത്താം.