2023 ഏപ്രിൽ മുതൽ ജൂൺ വരെ ചെറുകിട സമ്പാദ്യ പദ്ധതികളുടെ പലിശ നിരക്ക് ഉയർത്തി സർക്കാർ. 70 ബേസിസ് പോയിന്റുകൾ വരെയാണ് പലിശ നിരക്ക് ഉയർത്തിയത്. വെള്ളിയാഴ്ച പുറത്തിറക്കിയ വിജ്ഞാപനത്തിൽ, സീനിയർ സിറ്റിസൺ സേവിംഗ്സ് സ്കീം, പ്രതിമാസ വരുമാന പദ്ധതി, ദേശീയ സേവിംഗ്സ് സർട്ടിഫിക്കറ്റ്, കിസാൻ വികാസ് പത്ര, സുകന്യ സമൃദ്ധി അക്കൗണ്ട് സ്കീം തുടങ്ങിയ സ്കീമുകളുടെ പലിശ നിരക്കുകൾ പരിഷ്കരിച്ചതായി ധനമന്ത്രാലയം വ്യക്തമാക്കി. പബ്ലിക് പ്രൊവിഡൻറ് ഫണ്ടിൻെറയും (പിപിഎഫ്) പോസ്റ്റ് ഓഫീസ് സേവിംഗ്സ് അക്കൗണ്ടിൻെറയും പലിശ നിരക്കുകളിൽ മാറ്റമില്ല.കഴിഞ്ഞ ഒൻപത് മാസത്തിനിടെ ഇത് മൂന്നാം തവണയാണ് കേന്ദ്ര സർക്കാർ ചെറുകിട സമ്പാദ്യ പദ്ധതികളുടെ പലിശ നിരക്ക് വർധിപ്പിക്കുന്നത്. നിലവിൽ, ചെറു സമ്പാദ്യ പദ്ധതികളുടെ പലിശ നിരക്ക് 4.0 ശതമാനം മുതൽ 8.2 ശതമാനം വരെയാണ്.
സുകന്യ സമൃദ്ധി യോജനക്ക് എട്ട് ശതമാനം പലിശ
പെൺകുട്ടികളുടെ പേരിൽ നടത്തുന്ന സുകന്യ സമൃദ്ധി യോജന പദ്ധതിക്ക് കീഴിലെ നിക്ഷേപത്തിന് ഇനി എട്ട് ശതമാനം പലിശ ലഭിക്കും. നേരത്തെ7.6 ശതമാനമായിരുന്നു പലിശ. മുതിർന്ന പൗരൻമാരുടെ നിക്ഷേപത്തിന് 8.2 ശതമാനം വരെയാണ് പലിശ ലഭിക്കുന്നത്. നിലവിലെ ചെറുസമ്പാദ്യ പദ്ധതികളിൽ ഏറ്റവും ഉയർന്ന പലിശ മുതിർന്ന പൗരൻമാരുടെ നിക്ഷേപത്തിനാണ്. ഇപ്പോൾ ഏറ്റവും കൂടുതൽ പലിശ ഉയർത്തിയിരിക്കുന്നത് നാഷണൽ സേവിങ്സ് സർട്ടിഫിക്കറ്റ് നിക്ഷേപത്തിനാണ്. ഏഴ് ശതമാനത്തിൽ നിന്ന് 7.7 ശതമാനമായി ആണ് പലിശ നിരക്കുകൾ ഉയരുന്നത്. സേവിങ്സ് ഡിപ്പോസിറ്റുകൾക്ക് നാല് ശതമാനം തന്നെ പലിശ നിരക്ക് തുടരും. പബ്ലിക് പ്രൊവഡൻറ് ഫണ്ട് നിക്ഷേപത്തിന് 7.1 ശതമാനം പലിശയായിരിക്കും ഇനി ലഭിക്കുക.
ടേം ഡിപ്പോസിറ്റുകൾക്ക് 7.5 ശതമാനം വരെ പലിശ ലഭിക്കും. ഒരു വർഷത്തെ ടേം ഡിപ്പോസിറ്റിന് 6.8 ശതമാനം, രണ്ട് വർഷത്തെ ഡിപ്പോസിറ്റിന് 6.9 ശതമാനം എന്നിങ്ങനെയാണ് പലിശ. മൂന്ന് വർഷത്തെ ടേം ഡിപ്പോസിറ്റിന് 7.5 ശതമാനമാണ് പലിശ.
സുകന്യ സമൃദ്ധി യോജനക്ക് എട്ട് ശതമാനം പലിശ
പെൺകുട്ടികളുടെ പേരിൽ നടത്തുന്ന സുകന്യ സമൃദ്ധി യോജന പദ്ധതിക്ക് കീഴിലെ നിക്ഷേപത്തിന് ഇനി എട്ട് ശതമാനം പലിശ ലഭിക്കും. നേരത്തെ7.6 ശതമാനമായിരുന്നു പലിശ. മുതിർന്ന പൗരൻമാരുടെ നിക്ഷേപത്തിന് 8.2 ശതമാനം വരെയാണ് പലിശ ലഭിക്കുന്നത്. നിലവിലെ ചെറുസമ്പാദ്യ പദ്ധതികളിൽ ഏറ്റവും ഉയർന്ന പലിശ മുതിർന്ന പൗരൻമാരുടെ നിക്ഷേപത്തിനാണ്. ഇപ്പോൾ ഏറ്റവും കൂടുതൽ പലിശ ഉയർത്തിയിരിക്കുന്നത് നാഷണൽ സേവിങ്സ് സർട്ടിഫിക്കറ്റ് നിക്ഷേപത്തിനാണ്. ഏഴ് ശതമാനത്തിൽ നിന്ന് 7.7 ശതമാനമായി ആണ് പലിശ നിരക്കുകൾ ഉയരുന്നത്. സേവിങ്സ് ഡിപ്പോസിറ്റുകൾക്ക് നാല് ശതമാനം തന്നെ പലിശ നിരക്ക് തുടരും. പബ്ലിക് പ്രൊവഡൻറ് ഫണ്ട് നിക്ഷേപത്തിന് 7.1 ശതമാനം പലിശയായിരിക്കും ഇനി ലഭിക്കുക.
ടേം ഡിപ്പോസിറ്റുകൾക്ക് 7.5 ശതമാനം വരെ പലിശ ലഭിക്കും. ഒരു വർഷത്തെ ടേം ഡിപ്പോസിറ്റിന് 6.8 ശതമാനം, രണ്ട് വർഷത്തെ ഡിപ്പോസിറ്റിന് 6.9 ശതമാനം എന്നിങ്ങനെയാണ് പലിശ. മൂന്ന് വർഷത്തെ ടേം ഡിപ്പോസിറ്റിന് 7.5 ശതമാനമാണ് പലിശ.