ആർഡി നിക്ഷേപം; ചില പ്രമുഖ ബാങ്കുകളുടെ പുതിയ പലിശ നിരക്കുകൾ ഇപ്രകാരം

ശമ്പളവരുമാനക്കാർക്ക് നിക്ഷേപത്തിനുള്ള മികച്ച അവസരമാണ് റെക്കറിങ് ഡെപ്പോസിറ്റുകൾ (ആർഡി). വലിയ ഒരു നിക്ഷേപത്തുക ഒരുമിച്ച് ആവശ്യമില്ല എന്നതാണ് ഇത്തരം നിക്ഷേപത്തിന്റെ ഏറ്റവും വലിയ നേട്ടം. സ്ഥിരമായി നിക്ഷേപം നടത്താനും, സമയം കടന്നു പോകുന്നതിന് അനുസരിച്ച് വലിയ ഒരു ഫണ്ട് രൂപപ്പെടുത്താനും ഇവിടെ സാധിക്കുന്നു.

ആർഡി മെച്യൂരിറ്റിയിൽ അടവു തുകയും, പലിശയും തിരികെ ലഭിക്കും. വിവിധ കാലാവധികളിലേക്ക്, വിവിധ തുകകളിൽ ആർഡി നിക്ഷേപം ആരംഭിക്കാവുന്നതാണ്. ഹ്രസ്വകാല-ദീർഘകാല സാമ്പത്തിക ലക്ഷ്യങ്ങൾ ഇതിലൂടെ നേടാം. എസ്ബിഐ, കൊടക് മഹീന്ദ്ര ബാങ്ക്, ഐസിഐസിഐ, യെസ് ബാങ്ക്, പിഎൻബി, എന്നിവ നിലവിൽ ആർഡിക്ക് നൽകുന്ന പലിശ നിരക്കുകളാണ് ഇവിടെ പരിശോധിക്കുന്നത്.

Also Read : 'ഇന്ത്യയിലെ ബാങ്കിങ് സംവിധാനം കരുത്തുറ്റത് '; റിസർവ് ബാങ്ക് ​ഗവർണർ ശക്തികാന്ത ദാസ്
സ്റ്റേറ്റ് ബാങ്ക് ഓഫ് ഇന്ത്യ : എസ്ബിഐയിലെ കുറഞ്ഞ നിക്ഷേപ കാലാവധി 12 മാസവും, പരമാവധി കാലാവധി 120 മാസവുമാണ്. കുറഞ്ഞ നിക്ഷേപത്തുക പ്രതിമാസം 100 രൂപയാണ്. പൊതുജനങ്ങൾക്ക് 6.80% മുതൽ 7% വരെ പലിശ ലഭിക്കും. മുതിർന്ന പൗരൻമാർക്ക് 7.30% മുതൽ 7.50% വരെയാണ് പലിശ നൽകുന്നത്.

കൊടക് മഹീന്ദ്ര ബാങ്ക് : ഏറ്റവും കുറഞ്ഞ നിക്ഷേപ കാലാവധി 6 മാസമാണ്. പൊതുജനങ്ങൾക്ക് 6% മുതൽ 7.20% വരെ പലിശ ലഭിക്കും. മുതിർന്ന പൗരൻമാർക്ക് 6.50% മുതൽ 7.70% വരെ നിക്ഷേപ പലിശ നൽകുന്നു.

ഐസിഐസിഐ ബാങ്ക് : പൊതുജനങ്ങൾക്ക് 4.75% മുതൽ 7.10% വരെ പലിശ നൽകുന്നു. മുതിർന്ന പൗരൻമാർക്ക് 5.25% മുതൽ 7.50% വരെയാണ് നിക്ഷേപ പലിശ ലഭിക്കുക. ഏറ്റവും കുറഞ്ഞ നിക്ഷേപ കാലാവധി 6 മാസവും, കൂടിയ കാലാവധി 10 വർഷവുമാണ്.

Also Read : ഇലക്ട്രിക് വാഹന ഇൻഷുറൻസ്; പൊതുവായ സംശയങ്ങളും, ഉത്തരങ്ങളും
യെസ് ബാങ്ക് : പൊതുജനങ്ങൾക്ക് 6% മുതൽ 7.50% വരെയുള്ള പലിശ നിരക്കുകൾ നൽകുന്നു. 6 മാസം മുതൽ 10 വർഷം വരെ വിവിധ കാലാവധികളിൽ നിക്ഷേപം നടത്താം. മുതിർന്ന പൗരൻമാർക്ക് 6.50% മുതൽ 8% വരെയാണ് പലിശ നൽകുന്നത്.

പഞ്ചാബ് നാഷണൽ ബാങ്ക് : പൊതുജനങ്ങൾക്ക് 5.5% മുതൽ 7.25% വരെ പലിശയാണ് ബാങ്ക് നൽകുന്നത്. 6 മാസം മുതൽ 10 വർഷം വരെ വിവിധ കാലാവധികളിൽ നിക്ഷേപം നടത്താം. മുതിർന്ന പൗരൻമാർക്ക് 6% മുതൽ 7.5% വരെ പലിശ നൽകുന്നു.

Read Latest Business News and Malayalam News