ഹോം ലോൺ എടുത്തിട്ടുണ്ടോ? നിരക്ക് വര്‍ധന വായ്പാ തിരിച്ചടവിനെ എങ്ങനെ ബാധിക്കും?

30 ലക്ഷം രൂപ വായ്പ എടുത്തിട്ടുള്ള ഒരാളുടെ വായ്പാ കാലാവധി 20 വര്‍ഷമാണെന്ന് കരുതുക. നിലവിലെ പലിശ നിരക്ക് 6.75 ശതമാനവും പ്രതിമാസ ഇഎംഐ 22,811 രൂപയുമാണെങ്കിൽ ഇനി പുതിയ പലിശ നിരക്ക് 7.15 ശതമാനനമാകും. പുതിയ ഇഎംഐ തുക 23,530 രൂപയും. ഇഎംഐയിൽ ഉണ്ടാകുന്ന വർധനവ് 719 രൂപയാണ്.

അതേസമയം 50 ലക്ഷം രൂപ ലോൺ എടുത്തിരിക്കുന്ന ഒരാൾക്ക് നിലവിലെ പലിശ നിരക്ക് ഏഴ് ശതമാനമാണെങ്കിൽ ഇഎംഐ തുക 39,216 രൂപയായി വര്‍ധിക്കും. 38,018 രൂപ ഇഎംഐ അടച്ച സ്ഥാനത്താണിത്. 1,198 രൂപയോളമാണ് ഇഎംഐയിലെ വര്‍ധന.

നിലവിലെ 6.75 ശതമാനം നിരക്കിൽ 75 ലക്ഷം രൂപ വായ്പ എടുത്തിരിക്കുന്നയാൾക്കും ഇനി 7.15 ശതമാനം പലിശ നൽകണം. നിലവിലെ ഇഎംഐ തുക 57,027 രൂപയാണെങ്കിൽ പുതിയ ഇഎംഐ 58,825 രൂപയായി ഉയരും. ഇഎംഐയിലെ വർദ്ധന ഏകദേശം 1,798 രൂപയായിരിക്കും.

Also Read: സ്വർണം കൈവശമുണ്ടോ? വിൽക്കുമ്പോൾ ഭീമമായ നികുതി

സർക്കാരിൻറെ ആറ് മാസത്തെ ട്രഷറി വരുമാനം,അടിസ്ഥാന ബെഞ്ച്മാർക്ക് പലിശ നിരക്കുകൾ, ഇവയെല്ലാം അടിസ്ഥാനമാക്കിയാണ് വായ്പാ പലിശ നിര്‍ണയിക്കുന്നത്. മൂന്ന് മാസത്തിലൊരിക്കൽ മാനദണ്ഡങ്ങൾക്ക് അനുസരിച്ച് വായ്പകളുടെ പലിശ നിരക്കുകൾ ബാങ്കുകൾക്ക് അവലോകനം ചെയ്യുകയും പരിഷ്കരിക്കുകയും ചെയ്യാം. പലിശ ഭാരം കുറയ്ക്കാൻ കൈയിലുള്ള പണം അനുസരിച്ച് ഒരുമിച്ചൊരു തുക അടച്ച് ലോൺ തുക കുറക്കുന്നത് തന്നെയാണ് വഴി. ബാങ്കുകളുടെ പുതുക്കിയ പലിശ നിരക്കുകൾ താരതമ്യം ചെയ്ത് കുറഞ്ഞ നിരക്കിലേക്ക് വായ്പകൾ ട്രാൻസ്ഫര്‍ ചെയ്യുകയുമാകാം.