25 ലക്ഷം വരെ ഏഴ് ശതമാനം പലിശ
സേവിങ്സ് അക്കൗണ്ടിലെ 25 ലക്ഷം രൂപ വരെയുള്ള നിക്ഷേപങ്ങൾക്ക് ഏഴ് ശതമാനം പലിശ ലഭിച്ചാലോ? ഉജ്ജീവൻ സ്മോൾ ഫിനാൻസ് ബാങ്ക് ക്ലാസിക് സേവിംഗ്സ് അക്കൗണ്ട് ഉപഭോക്താക്കൾക്ക് ഉയര്‍ന്ന പലിശ വാഗ്ദാനം ചെയ്യുന്നുണ്ട്. 18 വയസോ അതിൽ കൂടുതലോ പ്രായമുള്ളവര്‍ക്ക് ഈ അക്കൗണ്ട് തുറക്കാം. അക്കൗണ്ട് പ്രവർത്തനക്ഷമമായി നിലനിർത്തുന്നതിന് കുരഞ്ഞത് 5,000 രൂപ അക്കൗണ്ടിൽ നിലനിർത്തണം.
ഒരു ലക്ഷം രൂപ മുതൽ 25 ലക്ഷം രൂപ വരെയുള്ള നിക്ഷേപങ്ങൾക്ക് ഏഴ് ശതമാനം വരെ ഉയർന്ന പലിശ ലഭിക്കും. ഉജ്ജീവൻ എടിഎമ്മുകളിലൂടെ പരിധിയില്ലാത്ത സൗജന്യ ഇടപാടുകൾ നടത്താം. ഡെബിറ്റ് കാർഡ് വാർഷിക മെയിൻറൻസ് ഫീസ് ഇല്ല. വ്യക്തിഗത വായ്പയ്ക്കുള്ള പ്രോസസ്സിംഗ് ചെലവിൽ 50 ശതമാനം ഇളവ് നൽകും. നിക്ഷേപത്തിൽ നിന്നുള്ള ലോൺ, ഓവര്‍ഡ്രാഫ്റ്റ് സേവനങ്ങളും ലഭ്യമാണ്. ഒരു ലക്ഷം രൂപ വരെയുള്ള നിക്ഷേപങ്ങൾക്ക് നാല് ശതമാനമാണ് പലിശ.
50 ലക്ഷം രൂപ വരെ ഏഴ് ശതമാനം പലിശ
മറ്റൊരു സ്മോൾ ഫിനാൻസ് ബാങ്കായ ജന പ്രീമിയം സേവിംഗ്സ് അക്കൗണ്ടുകൾ, സിൽവർ പ്രീമിയം അക്കൗണ്ടുകൾ, സേവിംഗ്സ് പ്ലസ്, വീഡിയോ കെവൈസി അക്കൗണ്ടുകൾ, സാലറി അക്കൗണ്ടുകൾ, ഡിജി ജൻ എന്നിങ്ങനെ വിവിധ അക്കൗണ്ടുകളാണ് ജന ഉപഭോക്താക്കൾക്ക് നൽകുന്നത്. സേവിംഗ്സ് അക്കൗണ്ടുകളിൽ നിന്ന് ഉപഭോക്താക്കൾക്ക് തിരഞ്ഞെടുക്കാം. 2022 മാർച്ച് മുതൽ സേവിംഗ്സ് അക്കൗണ്ടുകൾക്ക് ഉയര്‍ന്ന പലിശ ലഭ്യമാണ്. ഒരു ലക്ഷം രൂപ വരെയുള്ള നിക്ഷേപങ്ങൾക്ക് 4.50 ശതമാനം വരെയാണ് പലിശ ലഭിക്കുക. ഒരു ലക്ഷം രൂപയ്ക്ക് മുകളിൽ 50 ലക്ഷം രൂപ വരെയുള്ള നിക്ഷേപങ്ങൾക്ക് ഏഴ് ശതമാനം പലിശയാണ് ലഭിക്കുക.
എയു സ്മോൾ ഫിനാൻസ് ബാങ്ക്
എയു സ്മോൾ ഫിനാൻസ് ബാങ്കും സേവിംഗ്സ് അക്കൗണ്ടുകൾക്ക് ഉയര്‍ന്ന പലിശ വാഗ്ദാനം ചെയ്യുന്നുണ്ട്. പലിശ ദിവസവും നിശ്ചയിക്കുകയും പ്രതിമാസം നൽകുകയും ചെയ്യുന്ന രീതിയാണ്. മറ്റു ബാങ്കുകളെ അപേക്ഷിച്ച് കുറഞ്ഞ പലിശയാണ്. വീഡിയോ ബാങ്കിംഗ് സേവനം വഴി എവിടെനിന്നും സേവിംഗ്സ് അക്കൗണ്ട് തുറക്കാം. 25 ലക്ഷം രൂപ മുതൽ ഒരു കോടി രൂപ വരെ ഏഴ് ശതമാനം വരെ പലിശ നിരക്ക് നൽകുക. ഒരു ലക്ഷം രൂപ വരെയുള്ള നിക്ഷേപങ്ങൾക്ക് 3.5 ശതമാനം പലിശയാണ് ലഭിക്കുക. നെറ്റ് ബാങ്കിംഗ്, വിസ ഗോൾഡ് ഡെബിറ്റ് കാർഡ്, ഡോർസ്റ്റെപ്പ് ബാങ്കിംഗ് സേവനങ്ങൾ എന്നിവയും ലഭിക്കും. മറ്റ് കാലാവധിയിലെ ആറ് ശതമാനം വരെ പലിശയാണ് ലഭിക്കുക.