ആപ്പ്ജില്ല

ഭവന വായ്പ പലിശ നിരക്കിൽ വൻ ഇളവ്; ഉത്സവ ഓഫറുകൾ വിപുലീകരിച്ച് എസ്ബിഐ

ഭവന വായ്പയ്ക്ക് 25 ബേസിസ് പോയിന്റ് (ബിപിഎസ്) വരെ പലിശ ഇളവ് പ്രഖ്യാപിച്ചതായി എസ്ബിഐ പുറത്തിറക്കിയ പത്രക്കുറിപ്പിൽ അറിയിച്ചു. 75 ലക്ഷം രൂപ വില വരുന്ന വീട് വാങ്ങുന്നവർക്കാണ് ഇളവ് ലഭിക്കുക.

Samayam Malayalam 21 Oct 2020, 7:20 pm
കൊച്ചി: രാജ്യത്തെ പ്രമുഖ പൊതുമേഖല ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഉത്സവ ഓഫറുകൾ വിപുലീകരിച്ചു. ഭവന വായ്പയ്ക്ക് 25 ബേസിസ് പോയിന്റ് (ബിപിഎസ്) വരെ പലിശ ഇളവ് പ്രഖ്യാപിച്ചതായി എസ്ബിഐ പുറത്തിറക്കിയ പത്രക്കുറിപ്പിൽ അറിയിച്ചു. 75 ലക്ഷം രൂപ വില വരുന്ന വീട് വാങ്ങുന്നവർക്കാണ് ഇളവ് ലഭിക്കുക. സിബിൽ സ്കോർ അടിസ്ഥാനമാക്കിയും ബാങ്കിന്റെ യോനോ ആപ്പ് വഴി ഭവന വായ്പയ്ക്ക് അപേക്ഷിക്കുന്നവർക്കുമാണ് ഓഫർ ലഭ്യമാക്കുക.
Samayam Malayalam SBI Extends Its Festive Offer
ഭവന വായ്പ പലിശ നിരക്കിൽ വൻ ഇളവ്; ഉത്സവ ഓഫറുകൾ വിപുലീകരിച്ച് എസ്ബിഐ


യോനോ ആപ്പ് വഴി കാർ, വ്യക്തിഗത, സ്വർണ പണയ വായ്പകൾക്ക് അപേക്ഷിക്കുന്ന ഉപഭോക്താക്കളിൽനിന്ന് പ്രോസസ്സിംഗ് ഫീസ് ഈടാക്കില്ലെന്ന് ഉത്സവ ഓഫറിന്റെ ഭാഗമായി കഴിഞ്ഞ മാസം ആദ്യം എസ്ബിഐ അറിയിച്ചിരുന്നു. ക്രെഡിറ്റ് സ്കോർ അടിസ്ഥാനമാക്കിയുള്ള ഭവന വായ്പകൾക്ക് 20 ബേസിസ് പോയിന്റ് വരെ ഇളവ് ലഭിക്കും. നേരത്തെ ഇത് 10 ബി‌പി‌എസ് ആയിരുന്നു. 30 ലക്ഷം മുതൽ 2 കോടി രൂപ വരെയുള്ള ഭവന വായ്പയ്ക്കാണ് ഈ ആനുകൂല്യം ലഭിക്കുക.

Also Read: വായ്പകൾക്ക് ആകർഷകമായ പലിശ നിരക്കും ക്യാഷ്ബാക്കും; ഉത്സവ ഓഫറുമായി ആക്സിസ് ബാങ്ക്

ഇന്ത്യയിലെ എട്ട് മെട്രോ നഗരങ്ങളിൽ മൂന്ന് കോടി രൂപ വരെ ഭവന വായ്പ എടുത്തിട്ടുള്ള മുഴുവൻ ഉപഭോക്താക്കൾക്കും ഈ ഇളവ് ബാധകമാണ്. യോനോ വഴി അപേക്ഷിച്ചാൽ എല്ലാ ഭവന വായ്പകൾക്കും 5 ബിപിഎസ് അധിക ഇളവ് നൽകും. ക്രെഡിറ്റ് സ്കോർ അടിസ്ഥാനമാക്കിയുള്ള 75 ലക്ഷം രൂപയുടെ വായ്പയ്ക്ക് 20 ബിപിഎസ് വരെ പലിശ ഇളവ് ലഭിക്കും.

30 ലക്ഷം മുതൽ 75 ലക്ഷം രൂപ വരെയുള്ള വായ്പയ്ക്ക് 10 ബിപിഎസ് വരെ പലിശ ഇളവാണ് ലഭിക്കുക. ഇതുകൂടാതെ വനിത ഭവന വായ്പ അപേക്ഷകർക്ക് 5 ബിപിഎസ് അധിക ഇളവാണ് ബാങ്ക് വാഗ്ദാനം ചെയ്യുന്നത്. 30 ലക്ഷം രൂപ വരെയുള്ള ഭവന വായ്പയ്ക്ക് 6.9 ശതമാനവും 30 ലക്ഷം രൂപയ്ക്ക് മുകളിലുള്ള വായ്പയ്ക്ക് 7 ശതമാനം പലിശയുമാണ് എസ്‌ബി‌ഐ വാഗ്ദാനം ചെയ്യുന്നത്.

ആര്‍ട്ടിക്കിള്‍ ഷോ

ട്രെൻഡിങ്