കുറഞ്ഞ ചെലവില്‍ വായ്പ
റിയല്‍ ടൈം എക്‌സ്പ്രസ് ക്രെഡിറ്റ് പദ്ധതിക്കു കീഴില്‍ ഉപയോക്താക്കള്‍ക്കു പരമാവധി 35 ലക്ഷം രൂപ വരെയാകും വായ്പ അനുവദിക്കുക. ഡിജിറ്റലായി ഉപയോക്താക്കളെ ശാക്തീകരിക്കുക, കൂടുതല്‍ സൗകര്യങ്ങള്‍ വാഗ്ദാനം ചെയ്യുക എന്നീ ലക്ഷ്യങ്ങളോടെയാണ് പദ്ധതി അവതരിപ്പിക്കുന്നതെന്നു ബാങ്ക് വ്യക്തമാക്കി.
Also Read: സര്‍ക്കാര്‍ തരും 6,000 രൂപ; നടപടികള്‍ മേയ് 31ന് മുമ്പ് പൂര്‍ത്തീകരിച്ചാല്‍...
വിപണിയിലെ തന്നെ കുറഞ്ഞ പലിശനിരക്കിലാകും വായ്പ അനുവദിക്കുക. അതേസമയം ഉപയോക്താക്കള്‍ക്ക് അനുസരിച്ച് പലിശ നിരക്ക് മാറും. അതായത് വരുമാനം, ആസ്തി, ക്രെഡിറ്റ് സ്‌കോര്‍ എന്നിവ അടിസ്ഥാനമാക്കിയാകും പലിശ തീരുമാനിക്കുക.
ആര്‍ക്കൊക്കെ വായ്പ ലഭിക്കും
ബാങ്കിന്റെ എല്ലാ ഉപയോക്താക്കള്‍ക്കും പദ്ധതിക്കു കീഴില്‍ വായ്പ ലഭിക്കില്ല. എസ്.ബി.ഐയില്‍ ശമ്പള അക്കൗണ്ടുള്ള സ്ഥിര വരുമാനക്കാരെയാണു പദ്ധതി പ്രധാനമായും ലക്ഷ്യമിടുന്നത്. വായ്പ ലഭിക്കണമെങ്കില്‍ പ്രതിമാസം കുറഞ്ഞത് 15,000 രൂപ ശമ്പളം ഉണ്ടായിരിക്കണം.
Also Read: ജൂണ്‍ 1 മുതല്‍ തേര്‍ഡ് പാര്‍ട്ടി ഇന്‍ഷുറന്‍സ് പ്രീമിയം കുതിക്കും; പുതുക്കിയ നിരക്ക് ഇങ്ങനെ
കേന്ദ്ര, സംസ്ഥാന, അര്‍ദ്ധ സര്‍ക്കാര്‍ ജീവനക്കാര്‍ക്ക് മുന്‍ഗണന ലഭിക്കും. പ്രതിരോധ മേഖലയിലെ ജീവനക്കാര്‍ക്കും ഇളവുകള്‍ ബാധകമാണ്. 100 ശതമാനവും പേപ്പര്‍ രഹിതമാകും നടപടി ക്രമങ്ങള്‍. യോനോ ആപ്പു വഴി തന്നെ മുഴുവന്‍ നടപടികളും പൂര്‍ത്തീകരിക്കാം. വായ്പ അനുവദിക്കുന്നതിന് ഈടോ, ഗ്യരാന്റിയോ ആവശ്യമില്ലെന്നതും സവിശേഷതയാണ്.
നേരത്തേ എടുത്താന്‍ കൂടുതല്‍ നേട്ടം
വായ്പകള്‍ എടുക്കാന്‍ ആഗ്രഹിക്കുന്നവര്‍ എത്രയും വേഗം അവ ഉറപ്പാക്കുന്നത് നല്ലതാണ്. കാരണം അടുത്തിടെ ആര്‍.ബി.ഐ. അപ്രതീക്ഷിത ഇടപെടലിലൂടെ റിപ്പോ നിരക്ക് 40 ബേസിസ് പോയിന്റ് വര്‍ധിപ്പിച്ചിരുന്നു.
Also Read: ഈ നിയമങ്ങള്‍ ഇന്നു മുതല്‍; സൂക്ഷിച്ചോ, അല്ലേല്‍ പണി കിട്ടും
ജൂണ്‍ മാസ അവലോകത്തില്‍ നിരക്കുകള്‍ വീണ്ടും ഉയര്‍ന്നേക്കുമെന്നാണു വിലയിരുത്തല്‍. പണപ്പെരുപ്പം നിയന്ത്രിക്കുക മാത്രമാകും ആര്‍.ബി.ഐയുടെ പരിഗണന. യു.എസ്. ഫെഡ് റിസര്‍വും നിരക്കുകള്‍ വീണ്ടും ഉയര്‍ത്തി കഴിഞ്ഞു.