ബ്രോക്കര്‍മാരില്ലാതെ ഓഹരി വിപണിയിൽ നിന്ന് ഇനി നേട്ടം കൊയ്യാം

കൊച്ചി: ബ്രോക്കര്‍മാരില്ലാതെ ഓഹരി വിപണിയിൽ നിന്ന് നേട്ടം ഉണ്ടാക്കാൻ ആഗ്രഹിയ്ക്കുന്നവര്‍ക്ക് സന്തോഷവാര്‍ത്ത, നേരിട്ട് നിക്ഷേപം നടത്താവുന്ന നിയമങ്ങൾക്ക് സെബി ഉടൻ അംഗീകാരം നൽകിയേക്കും.

ബ്രോക്കര്‍മാരുടെ സഹായം ഇല്ലാതെ തന്നെ റീട്ടെയ്ൽ നിക്ഷേപകര്‍ക്ക് ഡയറക്ട് മാര്‍ക്കറ്റ് ആക്സസിലൂടെ ഓഹരി വിപണിയിൽ നേരിട്ട് പ്രവേശിക്കാൻ ആകും. ഓഹരികൾ നേരിട്ട്വാങ്ങുന്നതിനും വിൽക്കുന്നതിനുമുള്ള അനുമതി നിക്ഷേപകര്‍ക്ക് നൽകുന്നതാണ് സെബി പരിഗണിയ്ക്കുന്നത്. റീട്ടെയ്ൽ നിക്ഷേപകര്‍ ബ്രോക്കര്‍മാര്‍ വഴിയാണ് ഇപ്പോൾ നിക്ഷേപം നടത്തുന്നത് .

Also Read: ഡിജിറ്റൽ സമ്പദ്‍വ്യവസ്ഥ; യുപിഐ അധിഷ്ഠിത പണം ഇടപാടുകളിൽ റെക്കോര്‍ഡ് വര്‍ധന

ബോബൈ സ്റ്റോക്ക് എക്സ്ചേഞ്ചിലും നാഷണൽ സ്റ്റോക്ക് എക്സ്ചേഞ്ചിലും നിക്ഷേപകര്‍ക്ക് നേരിട്ട് ഓഹരി ഇടപാടുകൾ നടത്താം. രാജ്യത്തെ ഓഹരി വിപണിയുടെ 65 ശതമാനവും രാജ്യത്തെ പ്രമുഖ ബ്രോക്കറേജ് സ്ഥാപനങ്ങളുടെ സ്വാധീനത്തിലാണ്. ഈ രംഗത്തേയ്ക്ക് റീട്ടെയ്ൽ നിക്ഷേപകര്‍ നേരിട്ടെത്തിയത് ഓഹരി വിപണിയുടെ പ്രവര്‍ത്തനം അപ്പാടെ മാറ്റി മറിച്ചേക്കും.