വ്യക്തികൾക്കും കമ്പനികൾക്കും അവയുടെ കൈവശമുള്ള പെർമനന്റ് അക്കൗണ്ട് നമ്പർ (PAN) അഥവാ പാൻ കാർഡ് പ്രവർത്തനക്ഷമമാണോ അതോ അസാധുവായോ എന്ന് പരിശോധിക്കാവുന്നതാണ്. പാൻ കാർഡിൽ രേഖപ്പെടുത്തിയിട്ടുള്ള പേര്, പിതാവിന്റെ പേര്, ജനനത്തീയതി പോലെയുള്ള അടിസ്ഥാന വിവരങ്ങൾ നൽകിയശേഷം ഓൺലൈൻ മുഖേന കാർഡിന്റെ നിലവിലെ സ്ഥിതി പരിശോധിക്കാൻ സാധിക്കും.
അക്കങ്ങളും അക്ഷരങ്ങളും ഉൾപ്പെടുന്ന 10 അക്ക ആൽഫാന്യൂമറിക് നമ്പറാണ് പെർമനന്റ് അക്കൗണ്ട് നമ്പർ. ആദായ നികുതി വകുപ്പാണ് പാൻ കാർഡ് വിതരണം ചെയ്യുന്നത്. ഒന്നുകിൽ നേരിട്ട് അപേക്ഷിക്കുന്നവർക്കോ അല്ലെങ്കിൽ അപേക്ഷയില്ലാതെ തന്നെ സർക്കാർ അനുവദിക്കുന്നവർക്കോ പാൻ കാർഡ് ലഭിക്കുന്നതാണ്.
നികുതി അടയ്ക്കുന്നതിനും ടിഡിഎസ്/ ടിസിഎസ് വരവു വെയ്ക്കുന്നതിനും ഉയർന്ന മൂല്യമുള്ള പണമിടപാട് നടത്തുന്നതിനുമൊക്കെ പാൻ കാർഡ് അത്യന്താപേക്ഷിതമാണ്. ആദായ നികുതി വകുപ്പിന് മുന്നിൽ ഒരു വ്യക്തിയുടെ തിരിച്ചറിയൽ രേഖയുമാണിത്.
അതേസമയം ജൂലൈ 1-ന് മുമ്പ് ആധാറുമായി ബന്ധിപ്പിക്കാത്ത പാൻ കാർഡുകൾ പ്രവർത്തനരഹിതമാകുമെന്നാണ് ആദായ നികുതി വകുപ്പ് അറിയിച്ചിട്ടുള്ളത്. ഈയൊരു പശ്ചാത്തലത്തിൽ കൈവശമുള്ള പാൻ കാർഡ് പ്രവർത്തനക്ഷമമാണോ എന്ന് പരിശോധിക്കുന്നതിനുള്ള മാർഗമാണ് ചുവടെ വിശദീകരിക്കുന്നത്.
പാൻ കാർഡ് വിശദാംശം പരിശോധിക്കാൻ
ശ്രദ്ധിക്കേണ്ട കാര്യങ്ങൾ
അക്കങ്ങളും അക്ഷരങ്ങളും ഉൾപ്പെടുന്ന 10 അക്ക ആൽഫാന്യൂമറിക് നമ്പറാണ് പെർമനന്റ് അക്കൗണ്ട് നമ്പർ. ആദായ നികുതി വകുപ്പാണ് പാൻ കാർഡ് വിതരണം ചെയ്യുന്നത്. ഒന്നുകിൽ നേരിട്ട് അപേക്ഷിക്കുന്നവർക്കോ അല്ലെങ്കിൽ അപേക്ഷയില്ലാതെ തന്നെ സർക്കാർ അനുവദിക്കുന്നവർക്കോ പാൻ കാർഡ് ലഭിക്കുന്നതാണ്.
നികുതി അടയ്ക്കുന്നതിനും ടിഡിഎസ്/ ടിസിഎസ് വരവു വെയ്ക്കുന്നതിനും ഉയർന്ന മൂല്യമുള്ള പണമിടപാട് നടത്തുന്നതിനുമൊക്കെ പാൻ കാർഡ് അത്യന്താപേക്ഷിതമാണ്. ആദായ നികുതി വകുപ്പിന് മുന്നിൽ ഒരു വ്യക്തിയുടെ തിരിച്ചറിയൽ രേഖയുമാണിത്.
അതേസമയം ജൂലൈ 1-ന് മുമ്പ് ആധാറുമായി ബന്ധിപ്പിക്കാത്ത പാൻ കാർഡുകൾ പ്രവർത്തനരഹിതമാകുമെന്നാണ് ആദായ നികുതി വകുപ്പ് അറിയിച്ചിട്ടുള്ളത്. ഈയൊരു പശ്ചാത്തലത്തിൽ കൈവശമുള്ള പാൻ കാർഡ് പ്രവർത്തനക്ഷമമാണോ എന്ന് പരിശോധിക്കുന്നതിനുള്ള മാർഗമാണ് ചുവടെ വിശദീകരിക്കുന്നത്.
പാൻ കാർഡ് വിശദാംശം പരിശോധിക്കാൻ
- സ്റ്റെപ് 1: ഇ-ഫയലിങ് വെബ്സൈറ്റിന്റെ ഹോംപേജ് സന്ദർശിക്കുക.
- സ്റ്റെപ് 2: ഇ-ഫയിലങ് ഹോംപേജിൽ കാണുന്ന 'വേരിഫൈ യുവർ പാൻ' എന്നതിൽ ക്ലിക്ക് ചെയ്യുക.
- സ്റ്റെപ് 3: ഇതിനു ശേഷം പാൻ നമ്പർ, മുഴുവൻ പേര്, ജനന തീയതി, നിങ്ങളുടെ കൈവശമുള്ള മൊബൈൽ നമ്പർ എന്നിവ നൽകിയ ശേഷം 'കണ്ടിന്യൂ' എന്നതിൽ ക്ലിക്ക് ചെയ്യുക.
- സ്റ്റെപ് 4: മൊബൈൽ ഫോണിൽ ലഭിച്ച 6 അക്ക ഒടിപി വേരിഫിക്കേഷൻ പേജിൽ നൽകിയ ശേഷം 'വാലിഡേറ്റ്' എന്നതിൽ ക്ലിക്ക് ചെയ്യുക.
ശ്രദ്ധിക്കേണ്ട കാര്യങ്ങൾ
- മൊബൈൽ ഫോണിൽ ലഭിക്കുന്ന ഒടിപി 15 മിനിറ്റ് നേരമാണ് നിലനിൽക്കുക.
- ശരിയായ ഒടിപി നൽകാൻ 3 തവണയാണ് അവസരം നൽകുക.
- ആദ്യം ലഭിച്ച ഒടിപിയുടെ സാധുത തീർന്നാൽ, റീസെൻഡ് ഒടിപി എന്നതിൽ ക്ലിക്ക് ചെയ്താൽ പുതിയ ഒടിപി ലഭിക്കുന്നതാണ്.