കൊച്ചി: തിരഞ്ഞെടുപ്പ് നടക്കുന്ന സംസ്ഥാനങ്ങളിലെ ഉപഭോക്താക്കൾക്കായി പ്രമുഖ ജ്വല്ലറി ഗ്രൂപ്പായ തനിഷ്ക് പുതിയ പദ്ധതി ആരംഭിച്ചു. 'പേ ഫ്രം ഹോം' എന്ന പേരിൽ ആരംഭിച്ച പദ്ധതി പ്രകാരം ഉപഭോക്താക്കൾക്ക് വീട്ടിലിരുന്ന് കൊണ്ട് തന്നെ സ്വർണാഭരണങ്ങൾ വാങ്ങാനും പണമടയ്ക്കാനും സാധിക്കും. ഉപഭോക്താക്കൾക്ക് സൗകര്യപ്രദമായ ഷോപ്പിങ് അനുഭവം നൽകുന്നതിനായാണ് പേ ഫ്രം ഹോം സേവനം അവതരിപ്പിച്ചതെന്ന് തനിഷ്ക് പറഞ്ഞു. തമിഴ്നാട്, പോണ്ടിച്ചേരി, കേരളം, പശ്ചിമ ബംഗാൾ എന്നിവിടങ്ങളിലാണ് പുതിയ സേവനം ലഭ്യമാക്കുക. അതേസമയം വോട്ടെടുപ്പ് നടക്കുന്ന അസമിൽ ഈ സേവനം അവതരിപ്പിച്ചിട്ടില്ല. കൊറോണ വൈറസ് അൺലോക്കിനിടെ ഉപഭോക്താക്കളുടെ സൗകര്യാർത്ഥം ആരംഭിച്ച വിവിധ പദ്ധതികളുടെ വിപുലീകരണമാണിതെന്നും തനിഷ്ക് അറിയിച്ചു. തിരഞ്ഞെടുപ്പ് കാലത്ത് ഇലക്ട്രോണിക് മോഡ് വഴിയോ അല്ലെങ്കിൽ പണമായി തന്നെ പേയ്മെന്റ് പൂർത്തിയാക്കാൻ ഈ പേ ഫ്രം ഹോം സൗകര്യം ഉപഭോക്താക്കളെ പ്രാപ്തമാക്കും.
Also Read: എത്ര വേണമെങ്കിലും പർച്ചേഴ്സ് ചെയ്തോളൂ; മാസത്തവണകളായി തിരിച്ചടയ്ക്കാം, അതും 52 രൂപമുതൽ
നേരത്തെ റീട്ടെയിൽ സ്റ്റോറുകളിൽ വീഡിയോ കോളിങ്, ചാറ്റ്, അപ്പോയിന്റ്മെന്റ് അധിഷ്ഠിത ഷോപ്പിങ് തുടങ്ങിയ സേവനങ്ങൾ തനിഷ്ക് അവതരിപ്പിച്ചിരുന്നു. വെർച്വൽ ജ്വല്ലറി 'ട്രൈ ഓൺ' എന്നാണ് ഈ സേവനങ്ങൾ മൊത്തത്തിൽ അറിയപ്പെട്ടിരുന്നത്. രണ്ട് ലക്ഷം രൂപയിലധികമുള്ള ഇടപാടുകൾ കെവൈസി നിർബന്ധമാണ്.
Also Read: എത്ര വേണമെങ്കിലും പർച്ചേഴ്സ് ചെയ്തോളൂ; മാസത്തവണകളായി തിരിച്ചടയ്ക്കാം, അതും 52 രൂപമുതൽ
നേരത്തെ റീട്ടെയിൽ സ്റ്റോറുകളിൽ വീഡിയോ കോളിങ്, ചാറ്റ്, അപ്പോയിന്റ്മെന്റ് അധിഷ്ഠിത ഷോപ്പിങ് തുടങ്ങിയ സേവനങ്ങൾ തനിഷ്ക് അവതരിപ്പിച്ചിരുന്നു. വെർച്വൽ ജ്വല്ലറി 'ട്രൈ ഓൺ' എന്നാണ് ഈ സേവനങ്ങൾ മൊത്തത്തിൽ അറിയപ്പെട്ടിരുന്നത്. രണ്ട് ലക്ഷം രൂപയിലധികമുള്ള ഇടപാടുകൾ കെവൈസി നിർബന്ധമാണ്.